Ҷамъомади идона бахшида ба 32-солагии Рӯзи Истиқлоли давлатии Ҷумҳурии Тоҷикистон

Азназаргузаронӣ: 1625

7 сентябри соли 2023 дар Қасри Арбоб бахшида ба​ 32-солагии Рӯзи Истиқлоли давлатии Ҷумҳурии Тоҷикистон ҷамъомади идона баргузор гардид.

Дар чорабинӣ​ Ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода, Раиси вилояти Суғд Раҷаббой Аҳмадзода, роҳбарони мақомоту идораҳои давлатӣ, намояндагони ташкилотҳои ҷамъиятӣ, ҳизбҳои сиёсӣ, воситаҳои ахбори омма, собиқадорони меҳнат иштирок доштанд.

Раиси вилоят нахуст ҳозирин ва дар симои онҳо кулли сокинони сарбаланди вилоятро бо фарорасии ҷашни сарнавиштсози таърихӣ - 32-солагии Рўзи Истиқлоли давлатии Ҷумҳурии Тоҷикистон, ки бузургтарин ва муқаддастарин неъмат, ифтихор ва номуси ватандорӣ, рамзи ҳастии миллат ва асоси хушбахтиву сарбаландии сокинони мамлакати азизамон мебошад, самимона табрику таҳният гуфта, ба ҳамагон саломатӣ, хотирҷамъӣ, ба Ватани маҳбубамон оромию осудагӣ ва пешрафту шукуфоӣ орзу намуд.

Шиносоӣ бо фаъолияти ҶДММ “Текстилимпекс” ва ҶДММ «Атласи Хуҷанд»

Азназаргузаронӣ: 1344

Имрӯз Раиси вилояти Суғд Раҷаббой Аҳмадзода дар шаҳри Хуҷанд бо фаъолияти Ҷамъияти дорои масъулияти маҳдуди “Текстилимпекс” ва Ҷамъияти дорои масъулияти маҳдуди «Атласи Хуҷанд» шинос гардид.

Бояд таъкид кард, ки дар солҳои соҳибистиқлолӣ дар кишвар шумораи корхонаҳои саноатӣ зиёд гардида, дар ин замина ҳазорҳо ҷойи нави корӣ муҳайё шуд ва ба иқтисодиёти вилоят таъсири мусбат расонида, сатҳи зиндагии мардум бамаротиб беҳтар гардид.

Бо дастгириҳои бевоситаи Пешвои миллат муҳтарам Эмомалӣ Раҳмон ду сол қабл дар шаҳри Хуҷанд​ Ҷамъияти дорои масъулияти маҳдуди “Текстилимпекс” ба фаъолият оғоз карда буд ва имрӯз роҳбарияти корхона тасмим дорад, ки хати нави истеҳсолиро фаъол намояд. Дар корхонаи мазкур истеҳсоли матои бахмал ба роҳ монда шуда, маҳсулот харидорони сершумор дорад. Корхона маҳсулоти худро дар намоишгоҳҳои дохилу хориҷ низ мунтазам ба фурӯш мегузорад. Аз ҷумла чанде қабл дар Ҷумҳурии Қазоқистон низ маҳсулоти корхона ба намоиш гузошта шуд, ки аз ҷониби сокинони бумӣ харидорӣ шуд.

ПАЁМИ ТАБРИКИИ Раиси вилоят бахшида ба 32- солагии Рӯзи Истиқлоли давлатии Ҷумҳурии Тоҷикистон

Азназаргузаронӣ: 1788

Сокинони шарафманди вилоятро бо фарорасии муқаддастарин ҷашни мардуми тамаддунсози тоҷик - 32-солагии Рӯзи Истиқлоли давлатии Ҷумҳурии Тоҷикистон самимона табрику таҳният гуфта, ба ҳамагон саломатӣ, хотирҷамъӣ, ба Ватани маҳбубамон оромию осудагӣ ва пешрафту шукуфоӣ орзу менамоям.

Истиқлоли давлатӣ барои мардуми шарифи Тоҷикистони соҳибистиқлол имконият фароҳам овард, ки таҳти сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муттаҳид гардида, бо дастоварду комёбиҳои беназир Ватани маҳбубамонро ба марҳалаи сифатан нави рушд расонанд.

Дар ин бора, Пешвои муаззами миллат муҳтарам Эмомалӣ Раҳмон хеле бамаврид таъкид намудаанд: “Маҳз дар натиҷаи заҳмати содиқонаву ватандӯстонаи сокинони сарбаланди мамлакат пойдевори давлати навини тоҷикон ҳамчун давлати демократӣ, ҳуқуқбунёд, дунявӣ ва иҷтимоӣ гузошта шуд, кишвари мо дар арсаи ҷаҳон эътироф гардид ва муҳимтар аз ҳама, барои пешрафти ҳамаи соҳаҳои ҳаёти ҷомеа ва боз ҳам беҳтар гардидани сатҳу сифати зиндагии аҳолӣ шароити мусоид фароҳам оварда шуд”.

Мулоқоти Раиси вилоят бо намояндаи СММ

Азназаргузаронӣ: 1447

Раиси вилояти Суғд Раҷаббой Аҳмадзода ҳамоҳангсози доимии Созмони Милали Муттаҳид дар Тоҷикистон Парвати Равасвамиро ба ҳузур пазируфт.

Дар рафти мулоқот масоили ҳамкории мутақобила мавриди баррасӣ қарор гирифта, ҷонибҳо омодагии худро барои татбиқи як қатор лоиҳаҳо дар шаҳру навоҳии вилояти Суғд баён доштанд.

Раиси вилоят зимнан таъкид дошт, ки вилояти Суғд чун «водии имкониятҳо» шинохта шуда,​ барои пешрафт ва рушду тараққиёти ҳамаи бахшҳо тадбирҳои мушаххас андешида мешавад. Давоми солҳои соҳибистиқлолии мамлакат бо дастгирӣ ва талошу заҳматҳои​ Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон​ барои баланд бардоштани некуаҳволии мардум тадбирҳои мушаххас андешида шуда, барномаҳои гуногун амалӣ карда мешавад. Дар татбиқи лоиҳаҳои гуногун ва беҳтар намудани вазъи соҳаҳо нақши ташкилотҳои байналхалқӣ ва инстутҳои молиявӣ низ назаррас буда, дар СММ яке аз шарикони асосии Тоҷикистон маҳсуб меёбад.

Ба кормандони соҳаҳои гуногун Ифтихорномаи мақомоти иҷроияи ҳокимияти давлатии вилоят супорида шуд

Азназаргузаронӣ: 1334

4 сентябри соли 2023 ба муносибати​ 32-солагии Истиқлоли давлатии Ҷумҳурии Тоҷикистон гуруҳи калони​ фаъолон барои хизматҳои шоиста ва дастовардҳои меҳнатӣ дар соҳаҳои иқтисодиёту иҷтимоиёт ва иштироки фаъолона дар ҳаёти ҷамъиятӣ бо Ифтихорномаи мақомоти иҷроияи ҳокимияти давлатии вилояти Суғд сарфароз гардонда шуданд.

Маросими тақдими​ Ифтихорномаи мақомоти иҷроияи ҳокимияти давлатии вилояти Суғд бо иштироки​ Раиси вилояти Суғд Раҷаббой Аҳмадзода дар толори қабули расмии мақомоти иҷроияи ҳокимияти давлатии вилоят баргузор гардид.

Раиси вилоят зимни суҳбат бо фаъолони соҳаҳо изҳор дошт, ки​ Истиқлоли давлатӣ барои мардуми мо имконияти нодири таърихӣ фароҳам овард, ки зери парчами миллии худ бо сарварии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муттаҳид шуда, бо заҳмати аҳлонаву бунёдкорона бисёр мушкилоту монеаҳои сахту сангинро паси сар намоянд ва кишвари маҳбубамонро ба марҳалаи рушди устувори иқтисодиву иҷтимоӣ расонанд.

Мақолаҳои боқимонда...