Машварати корӣ бо роҳбарият ва фаъолони ноҳияи Ҷаббор Расулов

Азназаргузаронӣ: 1423

9 август Раиси вилояти Суғд Раҷаббой Аҳмадзода бо роҳбарият ва фаъолони ноҳияи Ҷаббор Расулов машварати корӣ доир намуд.

Дар машварати корӣ нахуст раиси ноҳияи Ҷаббор Расулов Тоҳир Қудратзода оид ба фаъолияти мақомоти иҷроияи ҳокимияти давлатии ноҳия дар 7 моҳи соли ҷорӣ гузориш дод. Қайд карда шуд, ки сокинони ноҳия бо шукргузорӣ аз фазои орому осудаи Тоҷикистони соҳибистиқлол аҳлона меҳнат намуда, барои афзун намудани нишондиҳандаҳо кӯшиш намуда истодаанд.

Бо мақсади таъмини иҷрои дастуру супоришҳои Пешвои миллат муҳтарам Эмомалӣ Раҳмон корбарӣ идома дошта, дар 7 моҳи соли 2023 нақшаи қисми даромади буҷети давлатӣ​ бо назардошти андози иҷтимоии ғайрибуҷетӣ 100,6 фоиз иҷро гардид.

Шиносоӣ бо сохтмони иншооти ҷашнӣ дар ноҳияи Ҷаббор Расулов

Азназаргузаронӣ: 1841

Дар ноҳияи Ҷаббор Расулов Раиси вилояти Суғд Раҷаббой Аҳмадзода бо рафти татбиқи лоиҳаи таъминоти сокинони деҳоти Сомониён ва Ҳаёти нав бо оби нӯшокӣ шинос гардид.

Лоиҳаи мазкур бо дастгирии Ҳукумати мамлакат ва аз ҷониби Котиботи байналхалқии захираҳои об бо харҷи 6,6 миллион евро ва дар муҳлати чор сол амалӣ шуда, бо татбиқи пурраи он 10 ҳазор нафар бо оби тоза таъмин карда мешаванд.​

Дар Ҷамоати деҳоти Ҳаёти нав бо маблағгузории сафорати Ҷопон сохтмони​ бинои нави таълимӣ ҷараён дошта, бино дорои 6 синфхона, утоқи омӯзгорон, китобхона ва ғайра мебошад. Аснои боздиди роҳбари вилоят маълумот дода шуд, ки бинои нав барои 360 нафар дар ду баст пешбинӣ шудааст.​

Табрикоти Раиси вилояти Суғд муҳтарам Раҷаббой Аҳмадзода ба муносибати Рӯзи варзишгарон

Азназаргузаронӣ: 2266

Варзишгарони арҷманд, муҳтарам кормандони соҳаи варзиш!

Боиси ифтихор аст, ки ҳамасола дар кишвари азизи мо санаи 10 - уми август Рӯзи варзишгарон мутантан таҷлил мешавад. Иқдоми мазкур самараи неки сулҳ ва суботи сиёсӣ буда, аз ҷониби дигар далел аз таваҷҷуҳи Ҳукумати мамлакат, хоса Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба соҳаи варзиш маҳсуб меёбад. 

Бо истифода аз фурсати муносибат аз номи Мақомоти иҷроияи ҳокимияти давлатии вилояти Суғд Шумо, варзишгарон - муаррифгарони Ватанро табрик намуда, ба шумоён саломатӣ, сарбаландӣ ва саодату комёбӣ таманно мекунам.

Машварати корӣ бо роҳбарият ва фаъолони шаҳри Исфара

Азназаргузаронӣ: 1427

Дар шаҳри Исфара бо иштироки Раиси вилояти Суғд Раҷаббой Аҳмадзода машварати корӣ баргузор гардида, вазъи соҳаҳои хоҷагии халқ мавриди таҳлилу баррасӣ қарор гирифт.

Дар машварат нахуст раиси шаҳри Исфара Баҳоваддин Баҳодурзода доир ба нишондиҳандаҳои соҳаҳо маълумот дод. Қайд карда шуд, ки мақомоти иҷроияи ҳокимияти давлатии шаҳри Исфара ҷиҳати иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чораҷӯӣ намуда, баҳри таъмини рушди соҳаҳои иқтисодиву иҷтимоӣ тадбирҳои мушаххасро амалӣ намуд. Дар нимсолаи якуми соли равон нақшаи қисми даромади буҷети давлатӣ 106 % иҷро шуда, ба буҷет 80 миллиону 931 ҳазор сомонӣ маблағ ворид гардид.

Шиносоӣ бо сохтмони иншооти ҷашнӣ дар шаҳру деҳоти Исфара

Азназаргузаронӣ: 1418

Бо дастгириҳои доимии​ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шаҳри бостонии Исфара рушду тараққӣ ёфта, дар шаҳраку деҳоти он корҳои ободониву созандагӣ ҷараён дорад.

8 август Раиси вилояти Суғд Раҷаббой Аҳмадзода дар маркази шаҳр ва бо сохтмони бинои баландошёнаи ҶДММ «Нури дурахшон», муассисаи томактабии №5, маркази хизматрасонӣ ва савдои ҶДММ «Контакт», дар Ҷамоати деҳоти Чоркуҳ бошад бо рафти корҳои омодагӣ ва​ бунёди майдони Парчами давлатии Ҷумҳурии Тоҷикистон, маркази хизматрасонӣ, бозори замонавӣ, мактаби нав ва бунгоҳи тиббӣ​ дар маҳаллаи Навобод, сардхона шинос гардида, таъкид кард, ки Ҳукумати мамлакат барои фароҳамсозии шароити мусоид барои кору зиндагии сокинон аз тамоми имкониятҳо истифода менамояд.

Мақолаҳои боқимонда...