Маросими қадршиносии ғолибони озмуни вилоятии “Китобхонаи намунавии вилояти Суғд дар соли 2022”

Азназаргузаронӣ: 2701

21 декабри соли 2022 дар толори қабули расмии Мақомоти иҷроияи ҳокимияти давлатии вилояти Суғд маросими қадршиносии ғолибони озмуни вилоятии “Китобхонаи намунавии вилояти Суғд дар соли 2022” баргузор гардид.

Раиси вилояти Суғд Раҷаббой Аҳмадзода зимни иштирок дар чорабинӣ иброз дошт, ки соҳаи китобдорию китобшиносӣ яке аз самтҳои афзалиятноки ҳаёти ҷомеа буда, бидуни китоб зиндагии маънавии инсонҳоро тасаввур намудан имконнопазир аст. Таърихи башарият, пешинаву имрўзи илму маърифат ҳамеша бо китобу сарчашмаҳои дониш пайванди устувор дорад.

Маросими қадршиносии ғолибони озмунҳои «Донишҷӯи сол – 2022» ва «Ихтироъкорон ва навоварони ҷавони вилоят»

Азназаргузаронӣ: 2954

21 декабри соли 2022 дар толори қабули расмии Мақомоти иҷроияи ҳокимияти давлатии вилояти Суғд маросими қадршиносии ғолибони озмунҳои «Донишҷӯи сол – 2022» ва «Ихтироъкорон ва навоварони ҷавони вилоят» баргузор гардид.

Раиси вилояти Суғд Раҷаббой Аҳмадзода зимни иштирок дар чорабинӣ иброз дошт, ки дар партави дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва нақшаҳои дурбинонаи Ҳукумати кишвар дар самти ташаккул додани афкори созанда дар зеҳни ҷавонон, рушд бахшидан ва татбиқи илми пешрафтаи замони муосир мақомоти иҷроияи ҳокимияти давлатии вилоят пайваста кўшиш мекунад, то фазои мусоидро барои ҳамаи наслҳо, бахусус насли ояндасоз фароҳам созад.

Аёдати собиқадорони меҳнат ва беморон дар шаҳри Хуҷанд  

Азназаргузаронӣ: 2257

 

Бо мақсади таъмини иҷрои дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти дастгирии собиқадорони меҳнат Раиси вилояти Суғд Раҷаббой Аҳмадзода дар шаҳри Хуҷанд чанде аз собиқадоронро аёдат намуд.

Раиси вилоят аз ҳоли собиқадорони соҳаи маориф Файзӣ Ғафурова ва Тавҳида Баҳриддинова, ки аввалӣ 40 сол ва дуюмӣ 50 сол собиқаи корӣ дошта, дар тарбияи насли наврас умри худро бахшидаанд, хабар гирифт. Дар суҳбат бо собиқадорон роҳбари вилоят аз таваҷҷуҳи хосаи Ҳукумати мамлакат ба соҳаи илму маориф ва саҳми бонувони соҳибтаҷриба дар таълиму тарбияи шогирдон ёдоварӣ карда, ба собиқ омӯзгорон тансиҳативу хотирҷамъӣ ва хушиҳои рӯзгорро таманно намуд. 

Мулоқоти Раиси вилоят бо роҳбарияти ширкати ««B.A Holding»-и Ҷумҳурии Ӯзбекистон

Азназаргузаронӣ: 3719

Раиси вилояти Суғд Раҷаббой Аҳмадзода роҳбарияти ширкати ««B.A Holding»-и Ҷумҳурии Ӯзбекистонро ба ҳузур пазируфт.

Раиси вилоят Раҷаббой Аҳмадзода муассиси ширкат Баҳодур Абдуллоев ва директори генералии ширкат Гулбаҳор Тоҷимирзоеваро ба Суғди бостонӣ хайрамақдам гуфта, иброз дошт, ки бо сиёсати хирадмандонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиеёв ҳамкориҳои иқтисодӣ, фарҳангиву гуманитарии ҷонибҳо рушду тавсеа ёфта истодааст.

Ҳисоботи Раиси вилояти Суғд Раҷаббой Аҳмадзода доир ба натиҷаҳои рушди иҷтимоию иқтисодии вилоят дар ёздаҳ моҳи соли 2022

Азназаргузаронӣ: 5207

Мақомоти иҷроияи ҳокимияти давлатии вилоят дар ёздаҳ моҳи соли ҷорӣ ҷиҳати дар амал татбиқ намудани сиёсати хирадмандонаи Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва баҳри иҷрои дастуру супоришҳое, ки аз Паёми навбатӣ ба Маҷлиси Олии Ҷумҳурии Тоҷикистон ва сафарҳои корӣ ба шаҳру ноҳияҳои вилоят бармеоянд, тадбирҳои заруриро роҳандозӣ намуд.

Дар раванди таъмини самтҳои афзалиятноки ҳуҷҷатҳои стратегӣ, аз қабили “Стратегияи миллии рушди Ҷумҳурии Тоҷикистон барои давраи то соли 2030” чораҳои таъхирнопазир андешида, иҷрои ҳадафи олии рушди дарозмӯҳлати Тоҷикистон–баланд бардоштани сатҳи зиндагии мардуми кишварро бар пояи таъмини рушди устувори иқтисодӣ маҳаки асосӣ қарор дода, ҷиҳати иҷрои чор ҳадафи стратегӣ–таъмини истиқлолияти энергетикӣ ва истифодаи самарабахши нерўи барқ, раҳоӣ аз бунбасти коммуникатсионӣ ва табдил ба кишвари транзитӣ, таъмини амнияти озуқаворӣ ва дастрасии аҳолӣ ба ғизои хушсифат, инчунин вусъат додани шуғли пурмаҳсул дар заминаи саноатикунонии босуръати кишвар ҳамаи захираву имкониятҳоро сафарбар намуд.

Мақолаҳои боқимонда...