Боздид аз ҳавзҳои моҳипарварии ҶДММ «Корпоратсияи моҳии тоҷик»

Азназаргузаронӣ: 1340

21 сентябр Раиси вилояти Суғд Раҷаббой Аҳмадзода дар ноҳияи Ҷаббор Расулов аз ҳавзҳои моҳипарварии ҶДММ «Корпоратсияи моҳии тоҷик» боздид кард.

Дар асоси дастуру супоришҳои Пешвои миллат муҳтарам Эмомалӣ Раҳмон дар ноҳия ҳавзҳои зиёди моҳипарварӣ ташкил гардида,​ парвариши гулмоҳӣ ба роҳ монда шудааст. Ин тадбир аз иқдомҳои муҳим дар самти таъмини ҳадафи стратегии амнияти озуқаворӣ, фаровонии бозори дохилӣ бо маҳсулоти худӣ ва боло бардоштани иқтидори содиротӣ амалӣ гардидааст.

Ба роҳбари вилоят иттилоъ дода шуд, ки зиёд намудани ҳавзҳои моҳипарварӣ ва шумораи он идома дошта, дар майдони зиёда аз 3​ гектар бунёди ҳавзҳои нави моҳидорӣ ҷараён дорад. Масъулин азм доранд боз 20​ адади дигар ҳавз бунёд намуда, шумораи умумии моҳиро то 3​ миллион расонанд.

Аёдати оилаи ниёзманд ва собиқадори меҳнат дар ноҳияи Спитамен

Азназаргузаронӣ: 1379

Дар партави дастуру ҳидоятҳои Пешвои миллат муҳтарам Эмомалӣ Раҳмон ва бо мақсади дастгирии қишри ниёзманди ҷомеа Раиси вилояти Суғд Раҷаббой Аҳмадзода дар ноҳияи Спитамен Диёрбек ва Сироҷбек Мирзобоевҳоро аёдат кард.

Раиси вилоят ба ин оила кӯмакҳои моддӣ тақдим карда, ба аҳли оила суҳбати самимӣ орост. Таъкид карда шуд, ки давлату Ҳукумат мунтазам ба оилаҳои камбизоат кӯмак расонида, барои дастгирии ниёзмандон мунтазам тадбирҳои заруриро амалӣ менамояд.

Раиси вилоят ҳамзамон аз ҳоли собиқадори соҳаи маориф Каромат Эшназарова хабар гирифта, ба ӯ кӯмакҳои модии худро расонид.

Дидорбинӣ бо собиқадорони соҳаи маориф дар шаҳри Конибодом

Азназаргузаронӣ: 1293

19 сентябри соли 2023 Раиси вилояти Суғд Раҷаббой Аҳмадзода дар шаҳри Конибодом аз ҳоли ду нафар собиқадори меҳнат хабар гирифт.

Раиси вилоят ба манзили собиқадорони соҳаи маориф Каромат Маҳмудова ва Иброҳим Сулаймонов омада, бо онҳо суҳбати самимӣ орост. Тавре маълумот дода шуд, Каромат Маҳмудоваи 90 сола солҳои зиёд дар муассисаи таҳсилоти миёнаи умумии рақами 1 кор карда, дар рушди маориф ва тарбияи насли наврас саҳми арзанда гузоштааст. Химзатҳои ӯ бо Ифтихорномаи Ҷумҳурии Тоҷикистон, унвони Корманди шоистаи Тоҷикистон ва дигар мукофотҳо қадр карда шудааст.

Иброҳим Сулаймонови 72 сола низ 50 соли умри худро ба таълиму тарбияи насли наврас бахшида, ҳамчун омӯзгори фанни таърих фаъолияти пурсамар дошт.

Шиносоӣ бо сохтмони иншооти ҷашнӣ дар шаҳри Конибодом

Азназаргузаронӣ: 1247

19 сентябри соли 2023 Раиси вилояти Суғд Раҷаббой Аҳмадзода ба шаҳри Конибодом сафар карда, бо ҷараёни бунёдкориҳо шинос гардид.

Раиси вилоят дар кӯчаи ба номи Садриддин Айнии шаҳр сохтмони Маркази ташхисию табобатии ҶДММ​ «Набиев»-ро мавриди таваҷҷуҳ қарор дод. Иншооти мазкур дар доираи омодагиҳо​ ба истиқболи 35-солагии Истиқлоли давлатии Ҷумҳурии Тоҷикистон аз ҷониби соҳибкор Икромҷон Набиев сохта шуда, аз ду ошёна иборат аст. Марказ дорои 21 утоқи корӣ ва 28 кат барои беморон буда, бо харҷи 1 миллиону 700 ҳазор сомонӣ бунёд гардидааст. Он бо таҷҳизоти зарурии тиббӣ муҷаҳҳаз буда, бо ба кор шуруъ кардани он 20 нафар бо кор таъмин хоҳанд шуд.

Раиси вилоят бунёди чунин иншоотро барои таъмини солимии ҷомеа муҳим арзёбӣ карда, барои ба охир расонидани корҳо тавсияҳо дод.

Дар шаҳри Хуҷанд Маҷмааи хизматрасонии “Анситу” ифтитоҳ гардид

Азназаргузаронӣ: 1513

Имрўз дар шаҳри Хуҷанд Маҷмааи хизматрасонии тарабхонаи туркии “Анситу” ифтитоҳ гардид.

Дар маросими ифтитоҳи он Раиси вилояти Суғд Раҷаббой Аҳмадзода ва раиси шаҳри Хуҷанд Фирдавс Шарифзода иштирок намуданд.

Иттилоъ дода шуд, ки Маҷмааи нави хизматрасонии тарабхонаи туркии “Анситу” аз ду ошёна ва таҳхона иборат буда, дар як вақт ба зиёда аз 300 нафар хизмат расонида мешавад. Дар ин маҷмаа беш аз 50 нафар сокинон бо ҷойи кори доимӣ таъмин карда шуданд.

Раиси вилоят Раҷаббой Аҳмадзода изҳор дошт, ки ба истиқболи 35 - солагии Истиқлоли давлатии Ҷумҳурии Тоҷикистон дар шаҳру навоҳии вилоят бунёду азнавсозии ҳазорҳо иншооти таъиноташ гуногун бомаром идома дорад.

Мақолаҳои боқимонда...