Аёдати оилаи нависандаи зиндаёди тоҷик Ибод Файзулло

Азназаргузаронӣ: 3470
Раиси вилояти Суғд Раҷаббой Аҳмадзода 13 феврал дар шаҳри Бӯстон ҳамсари нависандаи зиндаёди тоҷик Ибод Файзуллоро аёдат кард.
Раиси вилоят зимни суҳбат аз фаъолиятҳои Ибод Файзулло дар нашрияҳои «Тоҷикистони Советӣ», «Комсомоли Тоҷикистон», «Паёми Душанбе» ва идораҳои давлатӣ ёдовар шуда, иброз дошт, ки хизматҳои арзандаи чунин шахсон барои насли ҷавон намунаи ибрат ва мактаби омӯзиш аст. 
Ба ин оила аз ҷониби роҳбари вилоят кӯмакҳои моддӣ дастрас карда шуд.
 
Хадамоти матбуоти
Раиси вилояти Суғд 
 

Шиносоӣ бо ҷараёни бунёдкориҳо дар​ Фурудгоҳи байналмилалии Хуҷанд

Азназаргузаронӣ: 3199

Дар асоси дастуру ҳидоятҳои​ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ба истиқболи 35-солагии Истиқлоли давлатии Ҷумҳурии Тоҷикистон дар Фурудгоҳи байналмилалии Хуҷанд корҳои ободониву бунёдкорӣ ҷараён дорад.
13 феврал Раиси вилояти Суғд Раҷаббой Аҳмадзода бо рафти бунёдкориҳо дар Фурудгоҳи байналмилалии Хуҷанд шинос шуд ва барои иҷрои босифати корҳо ба масъулин супоришҳо дод.

Шарҳи Амри Президенти Ҷумҳурии Тоҷикистон

Азназаргузаронӣ: 2300

Барои ҳавасмандгардонии ғолибон ва ҷоизадорони мусобиқаҳои байналмилалии варзишӣ ва мураббиёни онҳо амри Президенти Ҷумҳурии Тоҷикистон ба имзо расид.

Тибқи амри мазкур ва дар асоси пешниҳоди қарори Комиссияи мукофотпулиҳои Ҷоизаи Президенти Ҷумҳурии Тоҷикистон 35 нафар варзишгари беҳтарини мамлакат, ки ғолибон ва ҷоизадорони мусобиқаҳои байналмилалии варзишӣ мебошанд, бо Ҷоизаи Президенти Ҷумҳурии Тоҷикистон сарфароз гардонда шуданд.

Маблағи умумии ҷоизаҳо дар соли равон, ки аз ҳисоби Фонди махсуси Президенти Ҷумҳурии Тоҷикистон ҷудо гардидааст, 568 ҳазору 750 сомониро ташкил медиҳад. Ҳаҷми як ҷоиза ба ҳар як варзишгар ва мураббиёни онҳо аз 6250 то 50000 сомонӣ аст.

Раиси вилояти Суғд дар шаҳри Москва бо роҳбарияти гурӯҳи ширкатҳои "БТК Групп" мулоқот намуд

Азназаргузаронӣ: 2658

Дар доираи сафари корӣ ба Федератсияи Россия ҳайати вилояти Суғд бо роҳбарии Раиси вилояти Суғд Раҷаббой Аҳмадзода ба шаҳри Москва ташриф овард.

Раиси вилоят Раҷаббой Аҳмадзода ва ҳамроҳонаш аз вилояти Нижегород ба шаҳри Москва омада, бо роҳбарияти гурӯҳи ширкатҳои "БТК Групп" мулоқот намуданд.

Михаил Бочерев, директори генералии гурӯҳи ширкатҳои "БТК Групп" аснои мулоқот иттилоъ дод, ки ширкати мазкур бо Вазорати саноат ва технологияҳои нави Тоҷикистон шартномаи ҳамкорӣ дошта, тибқи он барои кишти пахта дар вилояти Хатлон сармоягузорӣ намуда, дар шаҳри Душанбе дӯхти либосҳои пахтагинро ба роҳ мондаанд ва  роҳандозии ҳамкориҳо дар вилояти Суғд низ имконпазир аст.

Дар шаҳри Нижний Новгород бизнес-форуми доираҳои тиҷоратии вилояти Суғд ва вилояти Нижегород баргузор гардид

Азназаргузаронӣ: 2649

Дар толори Палатаи савдо ва саноати вилояти Нижегороди Федератсияи Россия бизнес-форуми доираҳои тиҷоратии вилояти Суғд ва вилояти Нижегород баргузор гардид.

Дар кори бизнес — форум Раиси вилояти Суғд Раҷаббой Аҳмадзода,  и.в губернатори вилояти Нижегород Андрей Гнеушев, роҳбарон ва намояндагони Палатаи савдо ва саноати вилоятҳо, роҳбарони ташкилоту идораҳои вилоятӣ, соҳибкорону тоҷирон ва роҳбарони корхонаву ширакатҳои ду вилоят иштирок намуданд.

Раиси вилояти Суғд Раҷаббой Аҳмадзода зимни суҳбат дар бизнес-форум вобаста ба вазъи иқтисодиёти вилоят, рушди соҳаҳои саноату кишоварзӣ, маорифу тандурустӣ, имкониятҳои соҳаи сайёҳӣ маълумот дода, қайд намуд, ки барои амалисозии иқдомҳои наву манфиатбахш дар ҳамаи соҳаҳо имкониятҳо фаровон аст.

Мақолаҳои боқимонда...