Паёми табрикии Раиси вилоят бахшида ба Рӯзи геологҳо

Азназаргузаронӣ: 1543

Бо дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҳамасола 9 декабр ҳамчун Рӯзи геологҳо таҷлил карда мешавад. Аз номи мақомоти иҷроияи ҳокимияти давлатии вилоят кулли кормадон ва собиқадорони соҳаро бо фарорасии иди касбишон табрику таҳният менамоям.

Боиси хурсандист, ки  ин санаи муҳимро  кормандони соҳаи геологияи вилоят бо натиҷаҳои назарраси меҳнатӣ истиқбол мегиранд.

Дар замони муосир пешрафти соҳаҳои иқтисодиро бидуни рушди соҳаи геология тасаввур кардан ғайриимкон аст. Зеро дар истифодаи захираҳои мавҷуда сароғоз кашшофони қаъри замин нақши муассир доранд. Сарзамини мо бо сарватҳои табиӣ шӯҳрат дошт ва мардум онҳоро барои пешрафти кишвар ва беҳдошти зиндагӣ истифода мебурд.

Мулоқоти Раиси вилояти Суғд Раҷаббой Аҳмадзода бо Президенти Палатаи савдо ва саноати Федератсияи Россия Сергей Катирин

Азназаргузаронӣ: 1720

Раиси вилояти Суғд Раҷаббой Аҳмадзода дар шаҳри Москваи Федератсияи Россия бо Президенти Палатаи савдо ва саноати Федератсияи Россия Сергей Катирин мулоқот намуд. 

Зимни суҳбат ҷонибҳо аз таҳкими равобити дӯстона, ки дар дар доираи созишномаҳои ҳамкорӣ ба роҳ монда шудааст, изҳори қаноатмандӣ намуданд. 

Раиси вилояти Суғд Раҷаббой Аҳмадзода густариши ҳамкориҳои мутақобилан судмандро самараи сиёсати пешгирифтаи роҳбарони давлатҳо Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Федератсияи Россия муҳтарам Владимир Путин арзёбӣ карда, барои дар сатҳи баланд ташкил намудани намоиши маҳсулоти дар вилояти Суғд истеҳсолшаванда ва фароҳам овардани шароити мусоид ҷиҳати мулоқот бо соҳибкорону тоҷирони Федератсияи Россия ба роҳбарияти Палатаи савдо ва саноати Федератсияи Россия изҳори сипос кард. 

Мулоқоти Раҷаббой Аҳмадзода бо намояндагони Палатаи савдо ва саноати ФР ва соҳибкорону сармоягузорон дар шаҳри Москва

Азназаргузаронӣ: 1851

5 декабр дар Палатаи савдо ва саноати Федератсияи Россия намоиши маҳсулоти истеҳсоли Тоҷикистон ва муарифии имкониятҳои вилояти Суғд баргузор гардид.

Дар чорабинии сатҳи баланд Раиси вилояти Суғд Раҷаббой Аҳмадзода, Сафири Фавқулода ва Мухтори Ҷумҳурии Тоҷикистон дар Федератсияи Россия Давлатшоҳ Гулмаҳмадзода, Президенти Палатаи савдо ва саноати Федератсияи Россия Сергей Катирин, намояндагони палатаҳои савдо ва саноати ду тараф, ташкилоту идораҳои давлатии Россия ва Тоҷикистон, соҳибкорону тоҷирон, ҳамватанони бурунмарзӣ ва сармоягузорон иштирок намуданд. 

Президенти Палатаи савдо ва саноати Федератсияи Россия Сергей Катирин зимни суханронии худ аз сафари кориаш ба вилояти Суғд ёдовар шуда, ташкили намоиши маҳсулот ва муаррифии имкониятҳои вилояти Суғд дар шаҳри Москваро қадами навбатӣ дар роҳи рушди муносибатҳои дӯстона арзёбӣ кард. 

Паёми табрикии Раиси вилояти Суғд ба ифтихори Рӯзи кормандони мақомоти молия

Азназаргузаронӣ: 1540

Дар асоси Қонуни Ҷумҳурии Тоҷикистон “Дар бораи рӯзҳои ид” ҳамасола 7-уми декабр Рӯзи кормандони мақомоти молия таҷлил карда мешавад. Ба ифтихори ин санаи фархунда кулли кормандони Сарраёсати Вазорати молияи Ҷумҳурии Тоҷикистон дар вилоят, сохторҳои маҳаллии он, собиқадорони соҳа ва алоқамандони мақомоти молияро бо иди касбиашон табрику муборакбод мегӯям ва ба ҳамагон тансиҳативу хотирҷамъӣ, дастовардҳои беназири меҳнатиро орзу менамоям.

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми имсолаашон ба Маҷлиси Олии Ҷумҳурии Тоҷикистон зикр намуданд: “Барои нигоҳ доштани рушди босуботи иқтисодӣ, таъмин намудани устувории молияи давлат, афзоиши даромад ва баланд бардоштани самаранокии буҷет заминаи зарурии қонунгузорӣ фароҳам оварда шуда, корҳо дар самти мукаммал гардонидани низоми миллии молия ва андоз идома доранд”.

Сафари кории Раиси вилояти Суғд Раҷаббой Аҳмадзода ба Санкт-Петербурги Федератсияи Россия

Азназаргузаронӣ: 1999

Аз 2 то 4 декабри соли ҷорӣ ҳайати вилояти Суғди Ҷумҳурии Тоҷикистон бо роҳбарии Раиси вилоят Раҷаббой Аҳмадзода бо мақсади анҷом додани мулоқотҳои судманд бо соҳибкорону доираҳои тиҷоратӣ ба шаҳри Санкт-Петербурги Федератсияи Россия сафари корӣ анҷом дод.

Дар доираи сафар ҳайати вилояти Суғд бо роҳбарони як қатор ширкатҳои маъруф, аз ҷумла директори генералии ширкати "Лента" Владимир Сорокин, директори ширкати "Токио сити" Сергей Симарёв, роҳбари ширкати "Акрос" Александр Шинкаренко, намояндагони ширкати "ЮМО", мулоқот карда, аз имкониятҳои мавҷуда дар вилояти Суғд, вазъи соҳаҳои иқтисод, саноати сабук, металлургия, коркади маҳсулоти заргарӣ, кишоварзӣ, боғу токпарварӣ ва моҳипарварӣ маълумот пешниҳод намуд.

Таъкид карда шуд, ки вилояти Суғд дорои имконияту захираҳои фаровон буда, ҷонибҳо метавонанд ҳаҷми гардиши савдоро беҳтар намоянд.

Мақолаҳои боқимонда...