Мақомоти иҷроияи ҳокимияти
давлатии вилояти Суғд
Соли равон аз Конфронси Созмони Милали Муттаҳид, ки дар шаҳри Стокголми Шветсия баргузор гардида, ба Рӯзи байналмилалии муҳити зист асос гузошт, 50 сол сипарӣ гардид.
Ба ин муносибат, фарорасии Рӯзи байналмилалии муҳити зистро барои кормандони соҳа, муҳофизону дӯстдорони табиат ва кулли мардуми сарбаланди вилоят самимона шодбош гуфта, ба ҳамагон хотирҷамъӣ, осмони софу беғубор ва дастоварду муваффақиятҳои беназир орзу менамоям.
2 июн Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои анҷом додани сафари расмӣ ба Ҷумҳурии Узбекистон сафар карданд.
Дар Фурудгоҳи байналмилалии Душанбе Президенти Ҷумҳурии Тоҷикистон муҳтарам Эмомалӣ Раҳмонро Раиси Маҷлиси миллии Маҷлиси Олии Ҷумҳурии Тоҷикистон, Раиси Маҷлиси намояндагони Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон, Роҳбари Дастгоҳи иҷроияи Президенти Ҷумҳурии Тоҷикистон ва дигар шахсони расмӣ гусел намуданд.
Имрӯз Раиси вилояти Суғд Раҷаббой Аҳмадзода гуруҳи соҳибкорон аз вилояти Фарғонаи Ҷумҳурии Ӯзбекистонро, ки бо роҳбарии муовини ҳокими вилояти Фарғона Алибек Турсунов ба вилоят омаданд, ба ҳузур пазируфт.
Раиси вилоят Раҷаббой Аҳмадзода меҳмононро ба Суғди бостон хайрамақдам гуфта, таъкид кард, ки бо сиёсати пешгирифтаи сарони давлатҳо Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев ҳамкориҳои минтақавӣ дар ҳоли рушд аст. Аз ҷумла, миёни вилояти Суғд ва вилоятҳои Тошканд, Самарқанд, Фарғона ва Намангон, инчунин Вазорати кишоварзии Ҷумҳурии Ӯзбекистон оид ба ҳамкориҳои байниминтақавӣ санадҳо имзо гардида, дар доираи он ҳамкориҳо ба роҳ монда шудааст.
1 июн дар Боғи фарҳангию фароғатии «Наврӯзгоҳ» -и маркази вилоят Рӯзи байналмилалии ҳифзи кӯдакон ҷашн гирифта шуд.
Чорабинии идона бо ҳузури тарбиятгирандагони муассисаҳои иҷтимоии вилоят, ятимони кул, ғолибони олимпиадаҳо, Академияи хурди илмҳо, озмуни “Фурӯғи субҳи доноӣ китоб аст” ҷараён гирифта, Раиси вилояти Суғд Раҷаббой Аҳмадзода кулли иштирокдорон ва дар симои онҳо тамоми кӯдаконро бо фарорасии Рўзи байналмилалии ҳифзи кўдакон табрик кард.
31 май Раиси вилояти Суғд Раҷаббой Аҳмадзода дар шаҳри Хуҷанд бо корҳои таҷдиду навсозӣ дар бинои асосии ҷарроҳию табобатии беморхонаи клиникавии шаҳрии №1 шинос гардид.
Чуноне иттилоъ дода шуд, бинои чорошёнаи ҷарроҳию табобатии беморхонаи клиникавии шаҳрии №1 бо маблағгузории мақомоти иҷроияи маҳаллӣ ба таҷдиду навсозӣ фаро гирифта шудааст. Бинои мазкур ҳанўз соли 1972-и асри гузашта мавриди баҳрабардорӣ қарор гирифта, то ҳол аз таъмири куллӣ бароварда нашудааст. Дар бино шуъбаҳои қабул, эҳё, ҷарроҳиҳои фасоднок, ҷарроҳии калонсолон, осеби хурдсолон, осеби калонсолон, бемориҳои сўхта, ҷарроҳии бачагона, корпуси ҷарроҳикунонӣ ва ғайраҳо ҷойгир карда шуда, маҷмуан беш аз 230 кати табобатиро барои беморон фаро мегирад.
