Дар вилояти Суғд Фестивал-намоиши чорвои зотӣ баргузор гардид, ки дар он чорводорон беҳтарин навъҳои чорворо ба намоиш бароварданд.

Ҳадаф аз баргузории “Фестивал-намоиши чорвои зотӣ”, ин пеш аз ҳама зиёд намудани саршумори чорвои хушзот, баланд бардоштани маҳсулнокии чорво ва дар ин замина мусоидат намудан дар таъмини аҳолӣ бо маҳсулоти хушсифату рақобатпазири ватанӣ мебошад. 

Соҳаи чорводорӣ яке аз манбаъҳои асосии таъминкунандаи аҳолӣ бо гўшт, шир, тухм, гўшти моҳӣ ва асал ба ҳисоб рафта, барои нигоҳ доштани захираҳои ирсӣ, зиёд намудани чорвои зотӣ, тухми инкубатсионӣ, моҳии хушзот, занбўри асал, инчунин ташкил намудани ҷойҳои нави корӣ мусоидат мекунад.

24 ноябр дар майдони Парчами давлатии Ҷумҳурии Тоҷикистон, воқеъ дар хиёбони ба номи Раҳмон Набиеви маркази вилоят ба муносибати Рӯзи Парча­ми давлатии Ҷумҳурии Тоҷикистон ҳамоиши идона баргузор гарди­д.

Раиси вилояти Суғд Раҷаббой Аҳмадзода сокинони вилоятро аз номи Ҳукумати Ҷумҳурии Тоҷикистон ва Мақомоти иҷроияи ҳокими­яти давлатии вилояти Суғд ба муносибати Рӯзи Парчами давлатӣ, ки ҳамасола ба хот­ири арҷгузорӣ ба рам­зҳои давлатӣ ва бузу­ргдошти оину суннатҳои миллиамон таҷлил мегардад, самимона табрик намуд.

Қайд карда шуд, ки Парчами давлатии Тоҷикистон ҳамчун рамзи Истиқлоли давлатӣ барои мо азизу муътаб­ар буда, таҷлили Рўзи Парчам дар радифи дигар ҷашнҳои миллию давлатӣ боиси ифтих­ор ва эътибору шарафи мардуми меҳанпарас­ти тоҷик аст.

Дар доираи сафари корӣ ба шаҳри Панҷакент Раиси вилояти Суғд Раҷаббой Аҳмадзода бо сохтмони як қатор иншооти гуногун, ки ба истиқболи 35-солагии Истиқлоли давлатии Ҷумҳурии Тоҷикистон бунёд гардида истодааст, шинос шуд. 

Раиси вилоят дар деҳаи Чорбоғ бо ҷараёни сохтмони бинои нави беморхонаи минтақавӣ шинос гардида, бо сокинон суҳбат орост. Бо назардошти талаботи замони муосир ва фарсуда гаштани бинои куҳнаи беморхона соли равон бунёди бинои нави муассиса оғоз ёфта, то ин марҳила корҳои асосӣ анҷом ёфтааст. Иншооти мазкур аз ду ошёна иборат буда, дорои 24 ҳуҷра мебошад. Дар ин беморхона шуъбаҳои таваллуд, амрози дарунӣ ва бачагона ба мардум хизмат мерасонад. Айни замон корҳои пардозгарӣ ва рангубор ҷараён дошта, беморхонаи навбунёд бо дастгоҳу таҷҳизоти муосир таъмин карда мешавад. 

Дар деҳоти Чорбоғ 7,5 ҳазор аҳолӣ умр ба сар мебаранд ва фароҳам сохтани чунин шароити замонавӣ боиси рӯҳбаландии аҳли деҳа гардидааст. Бо ифтихори баланди ватадӯстиву меҳанпарастӣ сокинон дар корҳои ободониву созандагӣ саҳми босазо мегузоранд.

Дар шаҳри Панҷакент Раиси вилояти Суғд Раҷаббой Аҳмадзода аз ҳоли собиқадорони меҳнат Обидҷон Юсуфов ва Моҳира Амонқулова хабар гирифт. 

Роҳбари вилоят зимни мулоқот ва ҳолпурсӣ таъкид дошт, ки собиқадорони арсаи меҳнат, ки тамоми умри бобаракати хешро барои пешрафти меҳан сарф кардаанд, доимо таҳти таваҷҷуҳ ва ғамхориҳои роҳбарияти олии мамлакат, хоса Пешвои миллат муҳтарам Эмомалӣ Раҳмон қарор дода мешаванд.

Обидҷон Юсуфов собиқадори соҳаи кишоварзӣ буда, то кунун ин касби пуршарафи худро идома дода, ҳамроҳи фарзандон ба кишту истеҳсоли маҳсулоти кишоварзӣ машғул аст.