Раиси вилояти Суғд Раҷаббой Аҳмадзода дар шаҳри Хуҷанд занону бонувонеро, ки дар пешрафти ҷомеа саҳми арзанда гузоштаанд, аёдат карда, онҳоро бо Рӯзи Модар табрик намуд.

Раиси вилояти Суғд Раҷаббой Аҳмадзода зимни дидорбинӣ ва табрикот бо Фарзона, Шоири халқии Тоҷикистон, Сайрам Исоева, Шаҳрвандии фахрии шаҳри Хуҷанд, Ҳунарпешаи халқии Тоҷикистон, роҳбари ансамбли фолклории «Бибиҳо», Санавбар Зоидова, Файзинисо Ғафурова, собиқадорони соҳаи маориф, Сарвар Неъматҷонова, собиқадори соҳаи ҳифзи ҳуқуқ, иштирокчии Иҷлосияи 16-уми Шўрои Олии Ҷумҳурии Тоҷикистон, Хосият Зокирова, Шаҳрванди фахрии шаҳри Хуҷанд ва дигарон аз ҷумла афзуд, ки пос доштани иззату эҳтироми модар ва арҷ гузоштан ба мақому манзалати ӯ қарзи муқаддаси ҳар як инсон буда, подоши заҳмату бедорхобиҳои модар фақат аъмоли писандида, рафтори шоиста ва фазилатҳои неки ҳар як фарди солимфикр ва бонангу номус аст.

Дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Раиси вилояти Суғд Раҷаббой Аҳмадзода дар ноҳияи Бобоҷон Ғафуров як қатор занону бонувонеро, ки дар соҳаҳои гуногун фаъолият кардаанд, аёдат кард.

Дар доираи тантанаҳои идона бахшида ба Рӯзи Модар Раиси вилояти Суғд Раҷаббой Аҳмадзода аз номи Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар шаҳри Бӯстон бонувони барӯманд, собиқадорони меҳнатро ба ифтихори Рӯзи Модар таҳният гуфт.

Дар ин рӯз занони барӯманди шаҳр Лариса Шемякина ва Моҳинисо Холиқова ба аёдат фаро гирифта шуданд.

Аснои суҳбат Раиси вилояти Суғд аз дастгирии ҳамаҷонибаи ташаббусҳои наҷиби занону бонувон ёдовар шуда, баҳри хизмати софдилонаву садоқатмандона ба бонувони барӯманд ва собиқадори меҳнат изҳори сипос баён намуд.

Раиси вилояти Суғд Раҷаббой Аҳмадзода дар шаҳри Гулистон собиқадорони меҳнатро аёдат карда, фарорасии Рӯзи Модарро табрик намуд.

суҳбат бо собиқадорони меҳнат Малоҳат Пулотова ва Санавбар Нуруллоева Раиси вилоят иброз дошт, ки бузургдошти Рўзи Модар дар кишвар аз таваҷҷўҳи пайвастаи давлату Ҳукумат ва арҷгузорӣ ба занону модарон аст. Дар фарҳангу тамаддун ва анъанаву суннатҳои халқу миллатҳои гуногуни ҷаҳон хираду заковат ва бузургии зан-модар ҳамчун олиҳаи покиву садоқат, нигаҳдорандаи чароғи хонадон, мураббии ғамхору меҳрубон ва ҳидоятгари некиву накўкорӣ бо меҳру муҳаббат ситоиш ёфтааст.​