Шиносоии Раиси вилоят бо фаъолияти корхонаҳои истеҳсоли орду равған

11 март Раиси вилояти Суғд Раҷаббой Аҳмадзода бо фаъолияти корхонаҳое, ки ба истеҳсоли орду равған машғул ҳастанд, шинос гардид.

Раиси вилоят аз ҷумла аз корхонаҳои калони "Фаровон", "Зерновая компания", "Зуҳал", ки дар таъмини амнияти озуқаворӣ саҳми шоиста доранд, боздид намуд.

Боздиди Раиси вилоят аз бозорҳои "Гулистон" ва "Панҷшанбе"

11 март Раиси вилояти Суғд Раҷаббой Аҳмадзода аз бозорҳои "Гулистон" ва "Панҷшанбе" боздид карда, бо нархи маҳсулоти ниёзи аввал шинос гардид.

Дар бозори "Гулистон", ки маҳсулот ба таври яклухт фурӯхта мешавад, нархи орди 50 килогарммӣ 300-310 сомонӣ, шакар 10 сомонӣ, равғани растании 5 литра 110 сомонӣ арзиш дошта, маҳсулот фаровон аст.

Президенти Ҷумҳурии Тоҷикистон Эмомалӣ Раҳмон бо унвони «Доктори фахрӣ»-и Донишгоҳи Қоҳира сарфароз гардиданд

10 март Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари расмӣ ба Ҷумҳурии Арабии Миср ба Донишгоҳи Қоҳира ташриф оварда, дар назди устодону донишҷуён суханронӣ намуданд.

Сарвари давлат муҳтарам Эмомалӣ Раҳмонро ректори донишгоҳ доктор Муҳаммад Усмон ал-Хошт ва дигар омӯзгорону кормандони донишгоҳ самимона истиқбол гирифтанд.

Пешвои миллат Эмомалӣ Раҳмон бо Раиси Сенати Ҷумҳурии Арабии Миср Абдулваҳҳоб Абдуррозиқ мулоқот карданд

10 март Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи сафари расмӣ дар Ҷумҳурии Арабии Миср бо Раиси Сенати ин кишвар Абдулваҳҳоб Абдуррозиқ мулоқот карданд.

Дар рафти вохӯрӣ масоили ҳамкории дуҷонибаи кишварҳо, бахусус дар доираи робитаҳои байнипарлумонӣ баррасӣ гардиданд.

Сарвари давлат Эмомалӣ Раҳмон бо намояндагони доираҳои соҳибкорию сармоягузории Ҷумҳурии Арабии Миср мулоқот намуданд

10 март дар доираи сафари расмӣ дар Ҷумҳурии Арабии Миср мулоқоти Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо доираи соҳибкорону сармоягузорон ва роҳбарони ширкатҳои ин кишвар баргузор шуд.

Дар оғози чорабинӣ мудири кулли мақомоти сармоягузорӣ ва минтақаҳои озоди Миср Муҳаммад Абдул Ваҳоб, Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Саъдӣ Қодирзода, Сарвазири Ҷумҳурии Арабии Миср Мустафо Мабдулӣ суханронӣ карданд.