Дар Душанбе иҷлосияи нуҳуми Маҷлиси миллӣ даъвати шашум баргузор гардид

Имрӯз дар шаҳри Душанбе таҳти раёсати Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ иҷлосияи нуҳуми Маҷлиси миллии Маҷлиси Олии Ҷумҳурии Тоҷикистон даъвати шашум баргузор гардид.

Дар Душанбе ҷаласаи Шӯрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор шуд

15 март  дар шаҳри Душанбе таҳти раёсати Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ҷаласаи Шӯрои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид. Дар ин бора АМИТ «Ховар» бо истинод ба Маҷлиси миллии Маҷлиси Олии Ҷумҳурии Тоҷикистон иттилоъ медиҳад.

Аъзои Шӯрои Маҷлиси миллии Маҷлиси Олии Ҷумҳурии Тоҷикистон дар маҷмӯъ 26 масъала, аз ҷумла Қонуни конститутсионии Ҷумҳурии Тоҷикистон «Оид ба ворид намудани тағйирот ба Қонуни конститутсионии Ҷумҳурии Тоҷикистон «Дар бораи Ҳукумати Ҷумҳурии Тоҷикистон», Кодекси манзили Ҷумҳурии Тоҷикистон, қонунҳои Ҷумҳурии Тоҷикистон «Дар бораи захираҳои генетикӣ» ва «Дар бораи дастгирии давлатии соҳаҳои комплекси агросаноатӣ», якчанд қонунҳои Ҷумҳурии Тоҷикистон оид ба ворид намудани тағйироту иловаҳо ба баъзе қонунҳои амалкунанда, инчунин лоиҳаҳои қарорҳои Маҷлиси миллии Маҷлиси Олии Ҷумҳу­­рии Тоҷикистон оид ба иваз намудани номи баъзе воҳидҳои маъмурию ҳудудӣ ва маҳалҳои аҳолинишини ноҳияҳои ШаҳринавуЛахш ва оид ба ҳисоботи Прокурори генералии Ҷумҳурии Тоҷикистон «Дар бораи назорати риояи дақиқ ва иҷрои якхелаи қонунҳо дар ҳудуди Ҷумҳурии Тоҷикистон дар соли 2021»-ро мавриди баррасӣ қарор доданд.

Оғози тантанаҳои наврӯзӣ дар Суғд

Бо наздик шудани Иди байналмилалии Наврӯз тантанаҳои идона оғоз ёфта, чорабиниҳои гуногун, аз ҷумла бозиҳои миллӣ гузаронида мешавад.

Дар варзишгоҳи «Хуррамшаҳр» - и Донишгоҳи давлатии Хуҷанд бо номи академик Бобоҷон Ғафуров даври вилоятии озмуни «Бозиҳои миллӣ» ташкил ва баргузор карда шуд. Дар даври аввал ва дуюми озмун дар маҷмӯъ беш аз 50 ҳазор нафар хонандагони муассисаҳои таҳсилоти миёнаи умумии шаҳру ноҳияҳои вилоят иштирок намуда, беҳтаринҳо ба даври вилоятии озмуни мазкур роҳхат гирифтанд.

Ярмарка-фурӯши маҳсулоти кишоварзӣ ташкил карда шуд

Дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо ибтикори мақомоти иҷроияи ҳокимияти давлатии вилоят ярмарка-фурӯши маҳсулоти кишоварзӣ ташкил гардид.

Ярмаркаи мазкур бо мақсади таъмини дастрасии мардум ба маҳсулоти нисбатан арзон доир шуда, арзиши маҳсулот дар муқоиса бо бозор камтар буд.

Оғози гуфтушуниди гурӯҳҳои кории Тоҷикистону Қирғизистон

Субҳи имрӯз дар гузаргоҳи сарҳадии "Гулистон" мулоқоти гурӯҳҳои кории Тоҷикистону Қирғизистон оғоз ёфт.

Дар мулоқот фармондеҳи Қушӯнҳои сарҳадии КДАМ Ҷумҳурии Тоҷикистон Раҷабалӣ Раҳмоналӣ, Раиси вилояти Суғд Раҷаббой Аҳмадзода, раисони шаҳру ноҳияи Исфара ва Бобоҷон Ғафуров Баҳоваддин Баҳодурзода ва Зафарбек Давлатзода, раиси вилояти Ботканд Абдикарим Алимбаев, роҳбарони навоҳии сарҳадии кишвари ҳамсоя ва сохторҳои низомии ду тараф иштирок доранд.