18 апрели соли 2023 дар толори калони мақомоти иҷроияи ҳокимияти давлатии вилоят таҳти раёсати Раиси вилояти Суғд Раҷаббой Аҳмадзода ҷаласаи фаъолони вилоят баргузор гардид.

Дар ҷаласа натиҷаҳои рушди иҷтимоию иқтисодии вилоят дар 3 моҳи соли 2023 таҳлилу баррасӣ гардида, вазифаҳо барои давраи минбаъда муайян гардид.

Раиси вилоят Раҷаббой Аҳмадзода дар оғоз иброз дошт, ки мақомоти иҷроияи ҳокимияти давлатии вилоят дар моҳҳои январ-марти соли 2023 ҷиҳати дар амал татбиқ намудани сиёсати хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва баҳри иҷрои дастуру супоришҳое, ки аз Паём ба Маҷлиси Олии Ҷумҳурии Тоҷикистон ва сафарҳои корӣ ба шаҳру ноҳияҳои вилоят бармеоянд, тадбирҳои заруриро роҳандозӣ намуд ва ҷиҳати иҷрои ҳадафҳои стратегии кишвар ҳамаи захираву имкониятҳо ҷалб карда шуданд.

Дар шаҳри Бӯстон бо иштироки Раиси вилояти Суғд Раҷаббой Аҳмадзода ба мумфаршкунии роҳҳои дохилӣ оғоз бахшида шуд.

Дар суҳбат бо сокинон Раиси виллоят доир ба ҷараёни корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон дар шаҳру ноҳияҳо маълумот дода, таъкид кард, ки дар доираи бунёдкориҳо​ тибқи нақша​ соли равон таъмиру тармими беш аз​ 2000 км роҳҳо ба нақша гирифта шудааст, ки аз он 228 км таъмири асосӣ, 975​ км таъмири ҷорӣ ва 799​ км шағалпўш мебошад. Гуфта шуд, ки бо дастуру ҳидоятҳои Пешвои миллат муҳтарам Эмомалӣ Раҳмон марҳила ба марҳила роҳҳои дохилии шаҳру ноҳияҳо мумфарш карда хоҳад шуд.

Раиси вилояти Суғд Раҷаббой Аҳмадзода дар шаҳри Бӯстон аз ҳоли собиқадорони меҳнат хабар гирифт.

Зимни дидорбинӣ бо собиқадорони соҳаҳои хизмати давлатӣ ва маорифу тандурустӣ - Оқил Оқилов, Светлана Добросмислова ва Сафия Саидова роҳбари вилоят таъкид кард, ки мақомоти иҷроияи ҳокимияти давлатии вилоят тибқи дастуру супоришҳои Пешвои миллат муҳтарам Эмомалӣ Раҳмон ба ҳаёту зиндагии собиқадорон таваҷҷуҳи хоса зоҳир менамояд.

Иттилоъ дода шуд, ки Оқил Оқилов солҳои зиёд дар вазифаи Сарвазири мамлакат кор карда, саҳми худро дар пешрафти ҷомеа гузоштааст.

Светлана Добросмислова бошад чандин сол дар соҳаи маориф ва Сафия Саидова дар соҳаи тандурустӣ кору фаъолият намуда, саҳми арзандаи худро дар тарбияи насли наврас ва нигаҳдории тандурустӣ гузоштаанд.

Дар асоси дастуру ҳидоятҳои​ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо иқдоми роҳбарияти вилоят чанд сол аст, ки​ дар маркази вилоят корҳои таъмиру барқарорсозии иншооти қадимаву нодир —​ Қалъаи Хуҷанд идома дорад. Корҳои таҷдиду таъмири иншооти таърихӣ бо ҷалби олимону бостоншиносон ва пажӯҳишгарон сурат гирифта, раванди корҳои сохтмонӣ зери назорати доимии​ Раиси вилояти Суғд Раҷаббой Аҳмадзода қарор дорад.

Раиси вилоят зимни боздиди навбатӣ бо корҳои таъмиру таҷдиди иншооти таърихӣ шинос гардида, ҷараёни кори сохтмончиёну ороишгарон, пардозгарону наққошон, рассомон,​ тиллокорону ҳунармандонро мавриди таваҷҷуҳ қарор дод. Зимни шиносоӣ ба роҳбари вилоят иттилоъ дода шуд, ки имрӯзҳо 250 нафар ҳунармандон ва сохтмончиён дар корҳои барқарорсозӣ ва бунёди бинои маъмурӣ, хонаву ҳавлиҳои қадимии шаҳри Хуҷанд, осорхона ва дигар нуқтаҳои хизматрасонӣ ҷалб гардида, корҳо тибқи нақша пеш меравад.