Иди Сада дар вилояти Суғд бо шукуҳи хоса ҷашн гирифта шуд

Азназаргузаронӣ: 1408

31 январ дар вилояти Суғд Иди Сада ҷашн гирифта шуда, ярмарка-фурӯши ниҳол, дарахтони мевадиҳандаву ороишӣ, кӯчату тухмии гулу зироат ва дигар маҳсулот баргузор гардид.

Дар идгоҳ, ки назди Театри мазҳака ва мусиқии ба номи Камоли Хуҷандӣ интихоб гардида буд, дар хаймаҳо аз ҷониби шаҳру ноҳияҳои вилоят, инчунин, Сарраёсати кишоварзӣ, Сарраёсати ҳифзи муҳти зист, Хоҷагии ҷангали вилояти Суғд, Иттифоқи ҷамъиятҳои “Тоҷикматлубот” ва дигар ташкилоту идораҳо маҳсулоти нонию қаннодӣ, таомҳои миллӣ, маҳсулотии дастии ҳунармандон, кандакорону оҳангарон, сӯзанидӯзону тарроҳон ба намоиш гузошта шуд.

Раиси вилояти Суғд Раҷаббой Аҳмадзода аз хаймаҳои идона боздид кард ва сипас иштирокдорони чорабинӣ ва тамоми мардуми шарифи вилоятро ба муносибати фарорасии ҷашни суннатии мардуми тоҷик–Иди Cада, ки таърихи хеле куҳан дошта, имрўзҳо бо шарофати Истиқлоли давлатӣ ва ташаббусҳои бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дубора эҳё гардид, табрик гуфт ва зиндагонии хушу хуррам, дастархони пур аз нозу неъмат ва ободию осоиши рўзгорро таманно намуд.

Муарифии иҷрокунандаи вазифаи раиси ноҳияи Ҷаббор Расулов

Азназаргузаронӣ: 1943

31 январ дар бинои мақомоти иҷроияи ҳокимияти давлатии ноҳияи Ҷаббор Расулов бо иштироки фаъолон ва масъулини сохторҳои мақомоти маҳаллӣ маросими муаррифии иҷрокунандаи вазифаи раиси ноҳия баргузор гардид.

Раиси вилояти Суғд Раҷаббой Аҳмадзода иброз дошт, ки дар асоси фармонҳои Президенти Ҷумҳурии Тоҷикистон аз 30 январи соли 2024 Қудратзода Тоҳир Толибӣ аз вазифаи раиси ноҳияи Ҷаббор Расулов озод гардида, Юлдошзода Олимбек иҷрокунандаи вазифаи раиси ноҳияи Ҷаббор Расулов таъин гардид.

Гуфта шуд, ки Қудратзода Тоҳир Толибӣ дар муддати 4 соли фаъолият дар рушди иқтисодиву иҷтимоии ноҳия саҳми худро гузоштааст. Раиси вилоят барои фаъолияти пурсамар ба номбурда изҳори сипос карда, дар корҳои минбаъдааш комёбиҳо таманно кард.

Машварати кории Раиси вилояти Суғд Раҷаббой Аҳмадзода ва муаррифии кадрҳои навтаъин

Азназаргузаронӣ: 1417

31 январ дар толори хурди мақомоти иҷроияи ҳокимияти давлатии вилоят машварати кории Раиси вилояти Суғд Раҷаббой Аҳмадзода баргузор гардид.

Дар кори машварат муовинони Раиси вилоят, роҳбари дастгоҳи Раиси вилоят, роҳбарони воҳидҳои сохтории мақомоти иҷроияи ҳокимияти давлатии вилоят иштирок доштанд.

Раиси вилояти Суғд Раҷаббой Аҳмадзода дар оғози машварат иттилоъ дод, ки муовини якуми Раиси вилояти Суғд Хол Ҳайдар бо сабаби ба кори дигар гузаштанаш аз вазифа озод гардида, дар мувофиқа бо Президенти Ҷумҳурии Тоҷикистон муҳтарам Эмомалӣ Раҳмон Қурбонзода Суҳайлӣ Кароматулло ба вазифаи муовини якуми Раиси вилояти Суғд таъин гардид.

Боздиди Раиси вилоят Раҷаббой Аҳмадзода аз варзишгоҳҳои шаҳри Хуҷанд

Азназаргузаронӣ: 1389

Рӯзи якшанбеи 28 январ Раиси вилояти Суғд Раҷаббой Аҳмадзода дар шаҳри Хуҷанд бо вазъи кунинии варзишгоҳҳо шинос гардид.

Раҷаббой Аҳмадзода нахуст ба варзишгоҳи «Спартак» омада, ҷараёни корҳои омодасозии варзишгоҳ ба мавсими навро мавриди таваҷҷуҳ қарор дод. Тавре мушоҳида гардид, дар варзишгоҳ корҳои​ таъмиру омодагӣ идома дошта, дар он дастаи футболи «Эсхата» машқу тамрин мекунад.

Раиси вилоят ба роҳбарияти шаҳри Хуҷанд, Раёсати кор бо ҷавонон ва варзиши вилоят, ситоди мураббиёни клуб барои то 1 март пурра омода намудани варзишгоҳ супоришҳои қатъӣ дод.

Таъкид карда шуд, ки аз ҷониби Президенти Федератсияи футболи Тоҷикистон​ муҳтарам Рустами Эмомалӣ ба рушди футбол таваҷҷуҳи хоса зоҳир гардида, нишондодҳои даста бояд беҳтар карда шавад.

Паёми табрикии Раиси вилоят бахшида ба ҷашни Сада

Азназаргузаронӣ: 1553

Ҳамасола охири моҳи январ дар саросари кишвари азизамон ҷашни Сада бо шукўҳу шаҳомати хоса ва риояи анъанаҳои миллӣ ҷашн гирифта мешавад.

Ба ин муносибат, тамоми мардуми шарифи вилояти Суғдро бо фарорасии ин ойини бостонии мардуми куҳанбунёдамон, ки таърихи хеле қадим дорад, самимона табрику таҳният менамоям.

Ҷашни хуҷастаи Сада, ки дар қатори Наврўз, Тиргон ва Меҳргон аз ҷумлаи ойинҳои бузургу пурҳикмати ниёгони шарафманди мо маҳсуб меёбад, аз замони қадим бо табиат пайванд дошта, маҳз дар даврони истиқлоли давлатӣ тавассути талошу иқдомҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шукўҳи таърихии хешро барқарор намуд. Дар ин бора, Пешвои муаззами миллат таъкид намудаанд: “Сада дар баробари ҷашнҳои воқеан мардумии Наврӯз, Тиргон ва Меҳргон яке аз ойинҳои куҳантарини мардумони ориёитабор, аз ҷумла мо – тоҷикон буда, баъди гузашти асрҳои зиёд дар даврони соҳибистиқлолии Тоҷикистон аз нав эҳё гардид”. Ба ин маънӣ, яке аз омилҳои муассиру тавонои пояндагии миллати мо ин мавҷудияти силсилаҷашнҳои аҷдодӣ буда, унсурҳои созандаву ободгарона, ғояҳои муттаҳидкунанда, ватандӯстона ва инсонпарварона дорад.

Мақолаҳои боқимонда...