7 сентябри соли 2023 Раиси вилояти Суғд Раҷаббой Аҳмадзода ба дидорбинии собиқадорони меҳнат, ки дар шаҳри Гулистон истиқомат мекунанд, рафт.

Раиси вилоят дар суҳбат бо собиқадорони меҳнат Санавбар Нуруллоева ва Рухсатой Ӯрунова фарорасии​ Рӯзи Истиқлоли давлатии Ҷумҳурии Тоҷикистонро табрик гуфта, ба собиқадорон рӯзгори обод ва тансиҳатӣ орзу намуд.

Тазаккур дода шуд, ки​ таҳти сарварии Пешвои муаззами миллат муҳтарам Эмомалӣ Раҳмон давоми солҳои соҳибистиқлолӣ бо​ амалӣ гардидани барномаҳои иқтисодиву иҷтимоӣ раванди ислоҳот ва рушди бонизоми иқтисоди миллӣ бомаром идома ёфта, тадбирҳои андешидаи Ҳукумат ҷиҳати баланд бардоштани сатҳу сифати зиндагии мардум имрўз натиҷаҳои назаррас ба бор овардаанд. Дар пешрафти соҳаҳо саҳми собиқадорони меҳнат низ назаррас буда, хизматҳои фарзандони бонангу номус ҳамеша аз ҷониби давлат қадршиносӣ шудааст.

7 сентябри соли 2023 Раиси вилояти Суғд Раҷаббой Аҳмадзода ба шаҳри Бӯстон омада, аз ҳоли​ собиқадорони меҳнат хабар гирифт.

Раиси вилоят ба манзили ҷанговари байналмилал Ҷамшед Ҳафизов ва иштирокчии барқароркунии сохти конститутсионӣ Давлат Занбӯров ташриф оварда,​ 32-солагии Рӯзи Истиқлоли давлатии Ҷумҳурии Тоҷикистонро ба онҳо табрик гуфт.​

Қайд карда шуд, ки Истиқлоли давлатии Ҷумҳурии Тоҷикистон бузургтарин ва муқаддастарин неъмат, ифтихор ва номуси ватандорӣ, рамзи ҳастии миллат ва асоси хушбахтиву сарбаландии сокинони мамлакат буда, дар ҳифзу нигоҳдории ин неъмати бебаҳо саҳми фарзандони диловари Ватан назаррас аст. Давлат ва Ҳукумати Тоҷикистон ҳамеша меҳнату заҳмати фидокоронаи фарзандони шуҷои меҳанро қадр мекунад.

7 сентябри соли 2023​ Раиси вилояти Суғд Раҷаббой Аҳмадзода дар ноҳияи Бобоҷон Ғафуров собиқадорони меҳнатро аёдат кард.

Зимни дидорбинӣ бо собиқадори соҳаи кишоварзӣ Биҳалима Ҳоҷибоева ва собиқадори соҳаи маориф Матлуба Исмоилова роҳбари вилоят фарорасии 32-солагии Рӯзи Истиқлоли давлатии Ҷумҳурии Тоҷикистонро​ самимона табрику таҳният гуфта, ба онҳо​ саломатӣ ва хотирҷамъӣ орзу намуд.

Таъкид карда шуд, ки​ сокинони шарафманду заҳматқарини вилоят дар қатори кулли мардуми Тоҷикистони соҳибистиқлол бо ҷонибдорӣ аз сиёсати хирадмандонаи Пешвои муаззами миллат муҳтарам Эмомалӣ Раҳмон барои тақвият бахшидани иқтидори иқтисодии кишвар, ҳифзу ҳимояи дастовардҳои даврони Истиқлоли давлатӣ, таҳкими ваҳдати миллӣ, иттиҳоду ҳамбастагии мардум ва сулҳу суботи комил пайваста саъю талош меварзанд. Заҳмату талош ва фаъолияти собиқадорони меҳнат бошад доимо аз ҷониби давлату Ҳукумат қадр карда мешавад.

7 сентябри соли 2023 дар Қасри Арбоб бахшида ба​ 32-солагии Рӯзи Истиқлоли давлатии Ҷумҳурии Тоҷикистон ҷамъомади идона баргузор гардид.

Дар чорабинӣ​ Ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода, Раиси вилояти Суғд Раҷаббой Аҳмадзода, роҳбарони мақомоту идораҳои давлатӣ, намояндагони ташкилотҳои ҷамъиятӣ, ҳизбҳои сиёсӣ, воситаҳои ахбори омма, собиқадорони меҳнат иштирок доштанд.

Раиси вилоят нахуст ҳозирин ва дар симои онҳо кулли сокинони сарбаланди вилоятро бо фарорасии ҷашни сарнавиштсози таърихӣ - 32-солагии Рўзи Истиқлоли давлатии Ҷумҳурии Тоҷикистон, ки бузургтарин ва муқаддастарин неъмат, ифтихор ва номуси ватандорӣ, рамзи ҳастии миллат ва асоси хушбахтиву сарбаландии сокинони мамлакати азизамон мебошад, самимона табрику таҳният гуфта, ба ҳамагон саломатӣ, хотирҷамъӣ, ба Ватани маҳбубамон оромию осудагӣ ва пешрафту шукуфоӣ орзу намуд.