Мулоқот бо Сафири Фавқулода ва Мухтори Ҷумҳурии Қазоқистон дар Ҷумҳурии Тоҷикистон Валихон Турахонов

Азназаргузаронӣ: 1410

Раиси вилояти Суғд Раҷаббой Аҳмадзода бо Сафири Фавқулода ва Мухтори Ҷумҳурии Қазоқистон дар Ҷумҳурии Тоҷикистон Валихон Турахонов мулоқот намуд.

Зимни суҳбат ҷонибҳо аз сатҳи кунунии муносибатҳои дуҷониба изҳори қаноатмандӣ карда, таъкид доштанд, ки бо сиёсати оқилонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қазоқистон муҳтарам Қосим-Жомарт Токаев ду кишвари ба ҳам дӯст робитаҳои хуби иқтисодӣ ва фарҳангӣ доранд.

Маълумот дода шуд, ки дар нуҳ моҳи соли равон гардиши молу маҳсулот миёни вилояти Суғд ва Ҷумҳурии Қазоқистон 602,1 миллион долларро ташкил додааст. Доираҳои тиҷоратии ду тараф ҳамкории самаранок доранд ва як қатор лоиҳаҳои муштаракро амалӣ намудаанд.

Раиси вилоят Раҷаббой Аҳмадзода омодагии худро барои тавсеаи бештари ҳамкорӣ изҳор дошта, доир ба имкониятҳои вилоят дар бахшҳои саноату кишоварзӣ ва фазои мусоиди сармоягузорӣ маълумот дод.

Мулоқот бо Сафири Фавқулода ва Мухтори Ҷумҳурии Фаронса дар Ҷумҳурии Тоҷикистон Элза Пинёл

Азназаргузаронӣ: 1418

Раиси вилояти Суғд Раҷаббой Аҳмадзода Сафири Фавқулода ва Мухтори Ҷумҳурии Фаронса дар Ҷумҳурии Тоҷикистон Элза Пинёлро ба ҳузур пазируфт.

Зимни суҳбат таъкид гардид, ки бо сиёсати пешгирифтаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Фаронса муҳтарам Эманнуэл Макрон ҷонибҳо дар бахшҳои гуногун ҳамкории судманд доранд. Аз ҷумла, дар соҳаи маориф робитаҳои ду кишвар дар сатҳи баланд қарор дошта, дар шаҳри Хуҷанд низ ташкилоти ҷамъиятии «Маркази фарҳангии Фаронса» фаъолият мебарад. Ҳамзамон муассисаҳои таҳсилотии олии вилоят бо як қатор донишгоҳҳои Фаронса ҳамкориро ба роҳ мондааст.

Раиси вилоят таваҷҷуҳи дипломати фаронсавиро ба вазъи иқтисодиву иҷтимоии вилоят ҷалб намуда, доир ба имкониятҳои фаровони вилоят маълумот дод. Қайд карда шуд, ки дар вилояти Суғд соҳаҳои саноату кишоварзӣ рушд карда, барои ташкили корхонаҳои муштарак ва боғу токзор ва гармхонаҳои инноватсионӣ имкониятҳо зиёд аст. Тарафҳо метавонанд барои ҷалби сармоя ва коркарду содироти маҳсулоти аз ҷиҳати экологӣ тозаи Тоҷикистон тарҳҳои муфидро амалӣ созанд. 

Паёми табрикии Раиси вилоят ба муносибати Рўзи кормандони милитсия

Азназаргузаронӣ: 1980

Бо камоли эҳтиром ва саодатмандӣ роҳбарият, кулли ҳайати шахсӣ ва кормандони мақомоти корҳои дохилии Ҷумҳурии Тоҷикистон дар вилояти Суғдро бо иди касбӣ - Рӯзи кормандони милитсия сидқан табрику муборакбод гуфта, сиҳату саломатӣ ва дар фаъолияти хизматӣ барору комёбиҳо орзу менамоям.

Дар ҳама давру замонҳо пешрафти ҳаёти давлат ва ҷомеа аз суботу амният ва таъмини оромиву тартиботи ҷамъиятӣ вобастагии мустақим дорад, ки иҷрои ин вазифаи муҳим ба зиммаи кормандони мақомоти ҳифзи ҳуқуқ ва сохторҳои низомӣ, алалхусус мақомоти корҳои дохилӣ вогузор шудааст.

Вақте ки ба таърихи фаъолияти мақомоти корҳои дохилӣ назар мекунем, мебинем, ки он пур аз саҳифаҳои корнамоиву фидокорӣ ва ҷасорату ҷоннисориҳои фарзандони содиқ ба миллату Ватан мебошад.

Зеро онҳо дар тӯли сиву ду соли соҳибистиқлолӣ ба хотири ҳимояи дастовардҳои даврони истиқлол, ҳифзи шараф ва зиндагии ороми сокинони мамлакат ва обрӯи халқу давлати худ дар сафи пеши мубориза қарор доштанд.

Маросими кушодашавии мусобиқа оид ба бокс байни калонсолон барои дарёфти Ҷоми Раиси вилояти Суғд

Азназаргузаронӣ: 1500

Нимаи дуюми рӯзи 7 ноябр дар Қасри варзиши шаҳри Хуҷанд маросими кушодашавии мусобиқа оид ба бокс байни калонсолон барои дарёфти Ҷоми Раиси вилояти Суғд баргузор гардид.

Мусобиқаи мазкур бахшида ба Рўзи Конститутсияи Ҷумҳурии Тоҷикистон дар асоси нақшаи чорабиниҳои мақомоти иҷроияи ҳокимияти давлатии вилоят ташкил гардида, то 10 ноябр идома хоҳад ёфт.

Дар маросими кушодашавии мусобиқа Раиси вилояти Суғд Раҷаббой Аҳмадзода меҳмононро хайрамақдам гуфта, ба варзишгарон муваффақиятҳои шоиста орзу кард. Қайд гардид, ки дар Ҷумҳурии Тоҷикистон таҳти роҳбарии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои инкишофи ҳамаҷонибаи тарбияи ҷисмонӣ ва варзиш дар байни оммаи васеи халқ ва варзишгарони касбию дўстдорони ин соҳа мусобиқаҳои варзишӣ гузашта истодаанд.

Дар Ҷумҳурии Тоҷикистон, аз ҷумла вилояти Суғд аз замони шўравӣ то ин дам варзишгарони болаёқату номдор ба воя мерасанд. Ба шарофати дастгирӣ ва ғамхории рўзафзуни Ҳукумати ҷумҳурӣ дар қаламрави вилоят тарбияи ҷисмонӣ ва варзиш алҳол пайваста рушд меёбад.

Таҷлили 29 - умин солгарди Рўзи Конститутсияи Ҷумҳурии Тоҷикистон

Азназаргузаронӣ: 1439

4-уми ноябри соли 2023 бахшида ба 29 - умин солгарди Рўзи Конститутсияи Ҷумҳурии Тоҷикистон дар Кохи фарҳанги ба номи Абӯабдуллоҳи Рӯдакӣ маҷлиси тантанавӣ баргузор гардид, ки дар он роҳбарияти вилоят, мақомоти ҳифзи ҳуқуқ, намояндагони шаҳру ноҳияҳои вилоят, соҳаҳои маорифу тандурустӣ, ташкилотҳои ҷамъиятӣ, ҳизбҳои сиёсӣ, адибон, аҳли зиё, олимону устодони муассисаҳои олӣ иштирок намуданд.

Раиси вилояти Суғд Раҷаббой Аҳмадзода Рўзи Конститутсияи Ҷумҳурии Тоҷикистонро ба кулли сокинони ватандўст ва сарбаланди вилоят табрик гуфта, илова намуд, ки 6 ноябри соли 1994 дар таърихи халқи тоҷик ҳамчун санаи сарнавиштсоз сабт гардидааст. Зеро дар ин рўз нахустин маротиба дар таърихи давлатдориамон ба тариқи раъйпурсии умумихалқӣ Конститутсияи Ҷумҳурии Тоҷикистон қабул гардид, ки соли равон аз қабули ин санади сарнавиштсоз 29 сол сипарӣ мешавад.

Мақолаҳои боқимонда...