Ба 260 нафар рўбандаю покизакорон кўмакҳои пулӣ, ғизоӣ ва туҳфаҳои солинавӣ тақдим карда шуд

Азназаргузаронӣ: 1091

Субҳи имрўз аз ҷониби Раиси вилояти Суғд Раҷаббой Аҳмадзода ва муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Абдухолиқ Амирзода тибқи дастру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бахшида ба Соли нави мелодӣ ба зиёда аз 260 нафар рўбандаю покизакорони шаҳр кўмакҳои ғизоӣ тақдим карда шуд.

Раиси вилояти Суғд Раҷаббой Аҳмадзода зимни суҳбати самимӣ бо рўбандаю покизакорони Сарраёсати ободонии шаҳр таъкид дошт, ки заҳмати шабонарўзии ҳар як корманди ҷодаи ободонӣ ҳамеша қадршиносӣ мегардад, зеро аз фаъолияти бомаром ва самаровари онҳо тозагӣ ва хуррамии маркази маъмурии вилояти Суғд –шаҳри Хуҷанд вобастагии зиёд дорад.

Раиси вилоят аз ҳоли собиқадорони меҳнат хабар гирифт

Азназаргузаронӣ: 1120

Раиси вилояти Суғд Раҷаббой Аҳмадзода дар арафаи Соли нави мелодӣ дар шаҳрҳои Бӯстон ва Гулистон ба дидорбинии собиқадорони меҳнат рафт.

Раҷаббой Аҳмадзода аз ҷумла а ҳоли Оқил Оқилов, собиқ Сарвазири Ҷумҳурии Тоҷикистон хабар гирифта, ба ӯ тансиҳативу хонаободӣ ва хушиҳои рўзгорро таманно намуд.

Зимни дидорбиниҳо таъкид гардид, ки соли ҷорӣ барои мардуми тоҷик соли бобарор буда, дар ин сол рушди иқтисодӣ ва иҷтимоии кишвар таъмин карда шуд.

Бо роҳнамоиҳои Пешвои муаззами миллат муҳтарам Эмомалӣ Раҳмон дар вилояти Суғд корҳои ободониву созандагӣ вусъат ёфта, барои боз ҳам беҳтар намудани сатҳи зиндагии мардум тадбирҳои зарурӣ амалӣ гардид ва дар соли оянда низ барои расидан ба ҳадафҳои созанда чораҷӯӣ карда хоҳад шуд.

Мулоқоти Раиси вилояти Суғд Раҷаббой Аҳмадзода бо собиқадорони меҳнат

Азназаргузаронӣ: 898

29 декабри соли 2023 дар меҳмонхонаи "Суғдиён" мулоқоти Раиси вилояти Суғд Раҷаббой Аҳмадзода бо собиқадорони меҳнати вилоят баргузор гардид.

Дар мулоқот таъкид гардид, ки соли 2023 ба шарофати заҳмати содиқонаи мардуми кишвар раванди созандагиву ободкорӣ дар кишвар, аз ҷумла дар вилояти Суғд, бомаром идома ёфта, нақшаву барномаҳои пешбинигардида ҷиҳати таъмин намудани рушди устувори иқтисоди миллӣ ва баланд бардоштани сатҳу сифати зиндагии сокинони мамлакат ҳадафмандона амалӣ карда шуданд.

Ҳукумати ҷумҳурӣ ва Мақомоти иҷроияи ҳокимияти давлатии вилояти Суғд баҳри баланд бардоштани сатҳу сифати зиндагии мардум, бахусус нафақагирон ва собиқадорони меҳнат пайваста ғамхорӣ зоҳир менамояд.

Мулоқоти Раиси вилояти Суғд Раҷаббой Аҳмадзода бо ҳайати вилояти Бодканди Ҷумҳурии Қирғизистон

Азназаргузаронӣ: 1387

Имрӯз дар шаҳри Хуҷанд мулоқоти ҳайатҳои расмии вилояти Суғди Ҷумҳурии Тоҷикистон ва вилояти Бодканди Ҷумҳурии Қирғизистон баргузор гардид. 

Ҳайати вилояти Бодканди Ҷумҳурии Қирғизистон бо роҳбарии намояндаи ваколатдори Президенти Ҷумҳурии Қирғизистон дар вилояти Ботканд Абдикарим Алимбаев ба вилояти Суғд ташриф овард.

Мулоқоти ҷонибҳо бо иштироки роҳбарони вилоятҳо, мақомоти ҳифзи ҳуқуқ, раисони шаҳру ноҳияҳои наздисарҳадӣ дар қароргоҳи Сарвари давлат ҷараён гирифт. 

Зимни суҳбат таъкид карда шуд, ки бо сиёсати пешгирифтаи роҳбарони давлатҳо Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Қирғизистон муҳтарам Садир Жапаров муносибатҳои дӯстона миёни вилояти Суғд ва вилояти Бодканд таҳким ёфта, ба тақвияти ҳамкориҳо аҳмияти аввалиндараҷа зоҳир мегардад. Зеро муносибати неки ҳамсоядорӣ омили асосии густариши робитаҳо ба ҳисоб меравад.

Раиси вилояти Суғд собиқадорони меҳнат ва оилаҳои камбизоатро хабар гирифт

Азназаргузаронӣ: 1369

Имрӯз Раиси вилояти Суғд Раҷаббой Аҳмадзода дар шаҳри Хуҷанд аз ҳоли собиқадорони меҳнат ва чанд оилаи камбизоат хабар гирифт.

Раҷаббой Аҳмадзода нахуст ба манзили собиқадори соҳаи маориф Файзӣ Ғафурова ва собиқадори хизмати давлатӣ Хосият Зокирова омада, ба онҳо суҳбат орост.

Зимни суҳбат таъкид карда шуд, ки роҳбарияти вилоят дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамеша ба хизматҳои собиқадорони меҳнат арҷ мегузорад. 

Раиси вилоят ба бонувони номдори шаҳр тани сиҳат ва хушиҳои рўзгорро орзу кард.

Мақолаҳои боқимонда...