Боздиди Раиси вилоят Раҷаббой Аҳмадзода аз пойгоҳҳои обкашии ноҳияи Зафаробод

Азназаргузаронӣ: 192

Раиси вилояти Суғд Раҷаббой Аҳмадзода зимни сафари корӣ ба ноҳияи Зафаробод бо фаъолияти пойгоҳи обкашии “Қизилӣ-1” аз наздик шинос шуд.

Бо мақсади сари вақт гузаронидани кишти баҳорӣ ва таъмини заминҳо бо оби полезӣ дар ноҳияи Зафаробод бо дастгирии Ҳукумати Ҷумҳурии Тоҷикистон ва мақомоти иҷроияи ҳокимияти давлатии вилояти Суғд тадбирҳои муҳим андешида мешавад .

Заминҳои кишоварзии ноҳия асосан тавассути пойгоҳҳои обкашӣ бо об таъмин мешаванд ва барои фаъолияти мунтазами онҳо маблағҳои зарурӣ ҷудо мегардад. 

Ба иттилои масъулин пойгоҳҳои обкашии ноҳия барои мавсими кишти баҳории соли 2025 сари вақт аз таъмир бароварда шудааст. Фаъолияти пойгоҳҳои обкашӣ имсол нисбат ба соли гузашта 10-12 рӯз барвақт оғоз гардид.

Идомаи кишти пахта дар ноҳияи Зафаробод

Азназаргузаронӣ: 189

Дар хоҷагии деҳқонии “Даҳкат” - и ноҳияи Зафаробод бо иштироки Раиси вилояти Суғд Раҷаббой Аҳмадзода ба кишти пахта оғози расмӣ бахшида шуд. 

Хоҷагии деҳқонӣ 22 гектар замини корам дорад ва имсол дар 17 гектари он пахта кишт мешавад. Пахтакорон ният доранд, ки бо истифода аз тухмии хушсифат ҳосили баланд ба даст оранд.

Ноҳияи Зафаробод яке аз минтақаҳои калонтарини кишоварзии вилоят буда, саҳми он дар таъмини амнияти озуқавории кишвар назаррас аст. Дар хоҷагии деҳқонии “Рӯзибой”, ки дорои 10 гектар замин мебошад, бо иштироки роҳбари вилоят ба кишти пахта оғоз бахшида шуд. Нақша аст, ки дар 5,5 гектар замини хоҷагӣ пахта кишт гардад. Барои ин аз тухмиҳои серҳосили "Намангон-77", "Рамос", "Лима", "Бухоро-6" ва "Мая" истифода бурда мешавад.

Сафари кории Раиси вилоят Раҷаббой Аҳмадзода ба ноҳияи Айнӣ

Азназаргузаронӣ: 175

Дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон дар шаҳраки Сарводаи ноҳияи Айнӣ ба бунёди Боғи фарҳангию фароғатии ба номи Исмоили Сомонӣ санги асос гузошта шуд.

Дар маросими оғози корҳои сохтмонӣ Раиси вилояти Суғд Раҷаббой Аҳмадзода иштирок намуда, барои бо сифати баланд ба анҷом расонидани корҳо ба роҳбарияти ноҳия супоришҳо дод.

Боғи фарҳангию фароғатии ба номи Исмоили Сомонӣ бо ташаббуси мақомоти иҷроияи ҳокимияти давлатии ноҳия дар масоҳати 1,5 гектар бунёд мегардад ва тибқи лоиҳа дар он муҷассамаи Шоҳ Исмоили Сомонӣ гузошта шуда, нишастгоҳҳо, фаввораҳо, гулгаштҳо ва нуқтаҳо барои омода намудани таомҳои миллӣ ташкил хоҳад шуд.

Мулоқоти Раиси вилояти Суғд Раҷаббой Аҳмадзода бо роҳбари ширкати “Carrera” Имерио Такелла

Азназаргузаронӣ: 172

Раиси вилояти Суғд Раҷаббой Аҳмадзода бо муассиси корхонаҳои муштараки ҶДММ “Ҷавонӣ” ва ҶДММ “САТН”, роҳбари ширкати маъруфи итолиёвии «Carrera» — Имерио Такелла мулоқот анҷом дод.

Зимни вохӯрӣ ҷонибҳо аз сатҳи имрӯзаи ҳамкориҳои мутақобилан судманд изҳори қаноатмандӣ намуда, саҳми корхонаҳои зикршударо дар пешбурди иқтисодиёти вилоят назаррас арзёбӣ карданд. 

Раиси вилоят аснои мулоқот таъкид кард, ки дар доираи татбиқи ҳадафи чоруми миллӣ-саноатикунонии босуръати кишвар ва таъмини иҷрои дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вилояти Суғд ҳамасола даҳҳо корхонаҳои нав ба фаъолият шурӯъ намуда, ҳаҷми истеҳсоли маҳсулоти саноатӣ афзоиш меёбад.

Шиносоӣ бо фаъолияти “Сомон-Кишоварз” ва сохтмони фабрикаи паррандапарварӣ

Азназаргузаронӣ: 390

8 апрели соли 2025 дар доираи сафари корӣ ба ноҳияи Ҷаббор Расулов Раиси вилояти Суғд Раҷаббой Аҳмадзода бо фаъолияти Ҷамъияти дорои масъулияти маҳдуди “Сомон-Кишоварз” шинос гардид.

Корхонаи мазкур соли 2022 бо иштироки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавриди баҳрабардорӣ қарор гирифта буд.

Тибқи маълумоти масъулин иқтидори истеҳсолии корхона то 120 тонна дар як шабонарӯзро ташкил дода, дар як моҳ 3600 тонна ва дар як сол 42 ҳазор тонна хӯроки омехтаи чорво ва паранда истеҳсол мешавад. Маҳсулоти корхона ба ферма ва фабрикаҳои чорводорӣ ва парандапарварии вилояти Суғд ва минтақаҳои дигари ҷумҳурӣ пешниҳод шуда, бо арзиши дастрас ва сифати баланд талаботи бозори дохилиро қонеъ мекунад. 

Мақолаҳои боқимонда...