Шиносоӣ бо сохтмони иншооти ҷашнӣ дар шаҳри Хуҷанд

Азназаргузаронӣ: 1201

Дар шаҳру ноҳияҳои вилояти Суғд ба истиқболи 35-солагии Истиқлоли давлатии Ҷумҳурии Тоҷикистон бунёди иншооти гуногун идома дорад.

Раиси вилояти Суғд Раҷаббой Аҳмадзода дар шаҳри Хуҷанд бо ҷараёни бунёдкориҳо шинос гардида, барои вусъатбахшии корҳои сохтмонӣ ба масъулин супоришҳо дод. 

Зимни шиносоӣ бо лоиҳаи қасри фарҳанг ва корҳои сохтмонии он иттилоъ дода шуд, ки иншооти ҷашнӣ тибқи дастуру ҳидоятҳои Пешвои миллат муҳтарам Эмомалӣ Раҳмон бо маблағгузории мақомоти иҷроияи ҳокимияти давлатии вилоят сохта хоҳад шуд.

Қаср аз 5 ошёна иборат буда, дорои синфхонаҳои омӯзишӣ, китобхонаву осорхона, толорҳои намоиши кино,маҷлисгоҳ ва дигар утоқу ҳуҷраҳои ёрирасон мебошад. Бунёди бузургтарин иншооти соҳаи фарҳанг дар маркази вилоят имкон медиҳад, ки чорабиниҳои муҳими сиёсиву ҷамъиятӣ дар он баргузор шуда, барои кормандони соҳа шароити мусоиди корӣ фароҳам оварад шавад.

Дар шаҳри Хуҷанд ярмарка-фурӯши маҳсулоти кишоварзӣ ташкил карда шуд

Азназаргузаронӣ: 1080

4 май дар шаҳри Хуҷанд чун анъана бо ибтикори мақомоти иҷроияи ҳокимияти давлатии вилоят ярмарка-фурӯши маводи ғизоӣ баргузор гардид.

Раиси вилояти Суғд Раҷаббой Аҳмадзода аз ярмаркаи мазкур боздид карда, бо фурӯшандагону харидорон суҳбат намуд. Таъкид карда шуд, ки чунин ярмаркаҳо бо мақсади таъмини дастрасии аҳолӣ ба маҳсулоти ғизоии нисбатан арзон мунтазам ташкил мегардад. 

Сокинон бо қаноатмандӣ маҳсулоти зарурии худро бо нархҳои аз бозор арзонтар харидорӣ намуданд.

Форуми соҳибкорони вилоятҳои Суғд ва Тошканд доир гардид

Азназаргузаронӣ: 1748

Ҳайати вилояти Суғд зери роҳбарии Раиси вилояти Суғд Раҷаббой Аҳмадзода дар Форуми сармоягузории "Тошканд-2024" иштирок намуд.

Дар доираи чорабинии байналмилалӣ дар ноҳияи Чирчиқи вилояти Тошканд Форуми соҳибкорони вилоятҳои Суғд ва Тошканд доир гардид. Дар кори форум Раиси вилояти Суғд Раҷаббой Аҳмадзода, ҳокими вилояти Тошканд Зоир Мирзоев, соҳибкорону сармоягузорони ду тараф иштирок намуданд. 

Ҳайати вилояти Суғд нахуст бо фаъолияти корхонаи «Азия Ташкентский текстиль» шинос шуд ва сипас миёни соҳибкорони ду вилояти ҳамсоя мулоқоту вохӯриҳо дар шакли B2B ва B2G ҷараён гирифт. 

Дар форум роҳбарони вилоятҳо аз густариши робитаҳо, ки самараи сиёсати пешгирифтаи роҳбарони давлатҳо Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев аст, изҳори қаноатмандӣ карданд.

Боздиди Раиси вилоят аз пойгоҳи обкашии "АНС-1"-и ноҳияи Ашт

Азназаргузаронӣ: 1057

Раиси вилояти Суғд Раҷаббой Аҳмадзода дар доираи сафари корӣ ба ноҳияи Ашт аз пойгоҳи обкашии "АНС-1"-и ноҳия боздид намуд. 

Дар ноҳияи Ашт имрӯзҳо мавсими нави обёрӣ оғоз ёфта, бо дастгирии мақомоти иҷроияи ҳокимияти давлатии вилоят ва ноҳия пойгоҳҳои обкашӣ аз таъмир бароварда шудааст. Ба хоҷагиҳои кишоварзӣ об сари вақт дастрас гардида, деҳқонон дар саҳро машғули кор ҳастанд. 

Раиси вилоят ба роҳбарияти ноҳия ҷиҳати таъмини доимии хоҷагиҳои деҳқонӣ бо оби полезӣ, дастгирии кишоварзон, аз ҷумла пахтакорон супоришҳои мушаххас дод. 

Дар идомаи сафар роҳбари вилоят бо вазъи кирмакпарварӣ таваҷҷуҳ кард. Зимни суҳбат бо оилаи Ҳамроевҳо, ки ба кирмакпарварӣ машғул ҳаст, барои бо истифода аз имкониятҳо зиёд намудани ҳаҷми истеҳсоли пилла тавсияҳо дода, ба ин оила туҳфаҳои хотиравӣ супорид.

Боздиди Раиси вилоят аз ҶДММ "Рахшона"- и ноҳияи Ашт

Азназаргузаронӣ: 1084

Дар ноҳияи Ашт Раиси вилояти Суғд Раҷаббой Аҳмадзода бо фаъолияти ҶДММ "Рахшона" шинос гардид. 

ҶДММ "Рахшона" аз ҷамъиятҳои серсоҳа буда, дорои заминҳои пахта, корхонаҳои коркарди пахта, боғҳои гуногун ва ҳавзҳои моҳипарварӣ аст. Дар ҷамъият барои кору фаъолият шароити зарурӣ фароҳам оварда шуда, шумораи зиёди коргарон кор мекунанд. 

Зимни шиносоӣ роҳбари вилоят бо мақсади рушди моҳипарварӣ ба ҳавзҳои моҳипарварии ҷамъият моҳии навъи сазанро сар дода, барои зиёд намудани ҳаҷми истеҳсоли гӯшти моҳӣ ба масъулин супоришҳо дод.

Раиси вилоят аз заминҳои пахтаи ҷамъият низ боздид карда, бо деҳқонону пахтакорон ва коргарон суҳбат анҷом дод. Дар суҳбат тазаккур дода шуд, ки дар шароити кишвари мо қисми зиёди онро куҳсор ташкил мекунад, бояд ҳар порча замин самаранок истифода бурда шавад. Ба масъулин супориш дода шуд, ки барои нигоҳубини пахта ва обу ғизодиҳии он таваҷҷуҳи зарурӣ зоҳир намоянд. 

Мақолаҳои боқимонда...