Машварати корӣ бо фаъолони шаҳри Конибодом

Азназаргузаронӣ: 1254

3 август дар шаҳри Конибодом Раиси вилояти Суғд Раҷаббой Аҳмадзода бо роҳбарият ва фаъолони шаҳр машварати корӣ доир намуд.

Дар машварат нахуст ҳисоботи раиси шаҳри Конибодом Абдусалом Тӯхтасунзода оид ба вазъи иқтисодиву иҷтимоии шаҳр шунида шуд. Тавре иттилоъ дода шуд, сокинони шаҳри Конибодом фаъолияти худро баҳри дар амал татбиқ намудани дастуру супоришҳои Пешвои миллат муҳтарам Эмомалӣ Раҳмон, ки зимни ироаи Паёми навбатиашон ба Маҷлиси Олии Ҷумҳурии Тоҷикистон баён гардиданд, равона карда, баҳри расидан ба натиҷаҳои баланди меҳнатӣ кӯшиш ба харҷ дода истодаанд.

Баҳри татбиқи ҳадафи чоруми саноатикунони босуръати кишвар дар шаҳр тадбирҳои зарурӣ андешида шуда, давоми соли 2023 таъсиси 12 корхонаи саноатӣ ба нақша гирифта шуда, аз он дар давоми нимсолаи якуми соли ҷорӣ 6 адад корхонаи нав мавриди истифода қарор дода шуд. Дар давраи ҳисоботӣ ҳаҷми умумии истеҳсоли маҳсулоти саноатии шаҳр бо нархҳои муқоисавӣ 126 млн. 828 ҳазор сомониро ташкил дод.

Идомаи корҳо дар самти татбиқи лоиҳаи беҳтарсозии вазъи обрасонӣ дар Конибодом

Азназаргузаронӣ: 1232

3 август Раиси вилояти Суғд Раҷаббой Аҳмадзода дар шаҳри Конибодом ҷараёни татбиқи лоиҳаи беҳтарсозии вазъи обрасониро мавриди таваҷҷуҳ қарор дод.

Бояд қайд кард, ки дар доираи амалишавии “Барномаи рушди иқтисодӣ ва иҷтимоии шаҳри Конибодом барои солҳои 2021-2025” ва бо мақсади таъмин намудани заминҳои кишоварзии Ҷамоати деҳоти ба номи Р.Ҳамробоев бо оби полезӣ аз ҷониби Ҳукумати Ҷумҳурии Тоҷикистон 28000 метр қубурҳои оҳанини қутраш 530 мм ҷудо карда шуда, корҳо дар ин самт идома дорад.

Зимни шиносоӣ ба роҳбари вилоят маълумот дода шуд, ки корҳои сохтмонӣ ва васлкунӣ идома дошта, то имрӯз зиёда аз 9000 метр қубурҳо хобонида шудааст.

Шиносоӣ бо ҷараёни бунёдкориҳо дар шаҳри Конибодом

Азназаргузаронӣ: 1270

Бахшида ба 35-солагии Истиқлоли давлатии Ҷумҳурии Тоҷикистон дар шаҳри Конибодом корҳои ободониву созандагӣ вусъат меёбад.

3 август Раиси вилояти Суғд Раҷаббой Аҳмадзода дар шаҳри Конибодом бо рафти бунёдкориҳо шинос гардида, барои густариши корҳои ободонӣ ба масъулин супоришҳо дод. Ба иттилои масъулин ба истиқболи ҷашни миллӣ корҳои ободонӣ, чароғонкунӣ, мумфаршкунӣ, сохтмон ва таъмири иншоотҳо идома дошта, то 35-солагии Истиқлоли давлатӣ дар маҷмуъ 714 адад иншоот ба истифода дода хоҳад шуд. Дар 6 моҳи соли ҷорӣ 68 адад иншооти таъиноташ гуногун мавриди истифода қарор гирифтааст.

Айни замон дар ҳудуди шаҳр бунёди кӯдакистони рақами 2 ва як қатор марказҳои хизматрасонӣ ва таҷдиди роҳи автомобилгарди Конибодом - Бобоҷон Ғафуров дар минтақаи Кӯчкак бо дастгирии бевоситаи Пешвои миллат муҳтарам Эмомалӣ Раҳмон бомаром идома дорад.

Машварати корӣ бо роҳбарият ва фаъолони ноҳияи Ашт

Азназаргузаронӣ: 999

Дар толори мақомоти иҷроияи ҳокимияти давлатии ноҳияи Ашт бо иштироки Раиси вилояти Суғд Раҷаббой Аҳмадзода машварати корӣ баргузор гардида, нишондиҳандаҳои соҳаҳои хоҷагии халқи ноҳия таҳлилу баррасӣ ва барои ноил гардидан ба дастовардҳои бештар масъулин вазифадор карда шуданд.

Дар ҷаласаи корӣ асосан ба масъалаҳои рушди соҳаи кишоварзӣ, истифодаи иқтидорҳои мавҷудаи соҳаи саноат, вусъати корҳои созандагӣ, омодагӣ ба давраи тирамоҳу зимистон таваҷҷуҳ равона гардид. Нахуст раиси ноҳияи Ашт Шуҳрат Муҳаммадзода доир ба вазъи иқтисодиву иҷтимоӣ ҳисобот дод. Таъкид карда шуд, ки сокинони ноҳияи Ашт бо шукргузорӣ аз сулҳу субот барои таҷлил намудани 35-солагии Истиқлоли давлатии Ҷумҳурии Тоҷикистон аз имконоти мавҷуда самаранок истифода менамоянд. Гуфта шуд, ки ҳаҷми умумии маҳсулоти кишоварзии ноҳия дар шаш мохи соли равон ба 532,1 миллион сомонӣ расонида шуд, ки нисбати ҳамин давраи соли 2022 171,5 миллион зиёд ва суръати афзоиши он ба 147,6% баробар гардид.

Шиносоӣ бо фаъолияти кишоварзони ноҳияи Ашт

Азназаргузаронӣ: 1359

2 август дар ноҳияи Ашт Раиси вилояти Суғд Раҷаббой Аҳмадзода дар хоҷагии деҳқонии "Олами ангур" ҷамъоварии ҳосили ангурро мавриди таваҷҷуҳ қарор дод. 

Дар хоҷагии деҳқонии мазкур тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳар қитъаи замин мақсаднок истифода гардида, майдони ток сол аз сол васеъ карда мешавад. Дар хоҷагӣ навъҳои гуногуни ангур истеҳсол шуда, ба хориҷи кишвар, аз ҷумла Федератсияи Россия содирот мегардад. 

Раиси вилоят ба фаъолияти хочагидорон баҳои баланд дода, истифодаи таҷрибаи онҳоро дар дигар минтақаҳо зарур шуморид. Маълумот дода шуд, ки ангур дар шакли тар ва ҳам хушк содирот шуда, харидорони худро дорад.

Мақолаҳои боқимонда...