Оғози тантанаҳои Иди байналмилалии Наврӯз дар маҳаллаҳои шаҳри Хуҷанд

Азназаргузаронӣ: 1211

Нимаи дуюми рӯзи 18 март дар чойхонаи гузари Қӯшҳавзи маҳаллаи Ҷаббор Расулови шаҳри Хуҷанд аҳли маҳалла дар фазои амну осоиштагӣ бо шукргузорӣ аз файзу нусрати Истиқлол Иди байналмилалии Наврӯзро ҷашн гирифтанд.

Раиси вилояти Суғд Раҷаббой Аҳмадзода шодишарики сокинони маҳалла гардид.

Раҷаббой Аҳмадзода нахуст аз растаи ҳунармандон, ки бо оростани хаймаҳо ба чорабинӣ ҳусни дигар зам намуда буданд, боздид карда, бо ҳунармандон суҳбат намуд.

Раҷаббой Аҳмадзода аҳли гузари Қўшҳавзи маҳаллаи Ҷаббор Расуловро бо ҷашни Наврӯзи Аҷам таҳният гуфт. Қайд карда шуд, ки бо ташаббус ва ибтикори Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷашни миллии тоҷикон – Наврўз мақоми байналмилалӣ гирифта, дар замони муосир дар аксари кишварҳои дунё бо шукўҳу шаҳомати хоса ҷашн гирифта мешавад.

Дар кӯчаи Сирдарёи шаҳри Хуҷанд ниҳолҳои ҳамешасабз ва ороишӣ шинонида шуд

Азназаргузаронӣ: 1403

Имрўз бо иштироки Раиси вилояти Суғд Раҷаббой Аҳмадзода дар кӯчаи Сирдарёи маҳаллаи “Дӯстии халқҳо”-и шаҳри Хуҷанд ниҳолҳои ҳамешасабз, сояафкан ва ороишии нодир шинонида шуд.

Ниҳолҳои ороишӣ ва сояафкан дар доираи корҳои ободониву хуррамгардонӣ ба истиқболи ҷашнҳои милливу давлатӣ шинонида шуда, аз ҷониби кормандони Сарраёсати ободонӣ ва кормандони касбу кори гуногун беш аз 150 бех ниҳол мутобиқ ба талаботи меъёрҳои агротехникӣ шинонида шуд.

Раиси вилоят Раҷаббой Аҳмадзода ба роҳбарияти шаҳр ва масъулини дахлдор оид ба сабзазоркунӣ, шинонидани ниҳолҳои ороишию ҳамешасабз, оғози гулзоркунии кўчаву хиёбонҳои шаҳр ба истиқболи ҷашни Наврўзи байналмилалӣ ва ҷиҳати тақвияти корҳо дар ин самт супоришҳо дод.

Машварати кории Раиси вилояти Суғд Раҷаббой Аҳмадзода

Азназаргузаронӣ: 1209

18 марти соли 2024 дар толори хурди мақомоти иҷроияи ҳокимияти давлатии вилоят машварати кории Раиси вилояти Суғд Раҷаббой Аҳмадзода баргузор гардид.

Дар машварат муовини якуми Раиси вилоят, муовинони Раиси вилоят, роҳбари дастгоҳи Раиси вилоят, роҳбарони воҳидҳои сохтории мақомоти иҷроияи ҳокимияти давлатии вилоят, раисони як қатор шаҳру ноҳияҳо иштирок доштанд.

Раиси вилоят Раҷаббой Аҳмадзода кори машваратро оғоз бахшида, иброз дошт, ки бо дастуру ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имрӯзҳо дар шаҳру ноҳияҳои вилоят ба истиқболи ҷашни таърихии 35-солагии Истиқлоли давлатии Ҷумҳурии Тоҷикистон корҳои ободониву созандагӣ вусъат ёфта, сокинони шарафманди вилоят баҳри таҷлили шоистаи ҷашни мазкур аҳлона меҳнат менамоянд.

Мулоқот бо аъзои Федератсияи футболи вилояти Суғд ва соҳибкорон

Азназаргузаронӣ: 1593

16 марти соли 2024 дар толори меҳмонхонаи «Суғдиён» мулоқоти Раиси вилояти Суғд, Раиси Федератсияи футболи вилояти Суғд Раҷаббой Аҳмадзода ва ноиби Президенти Федератсияи футболи Тоҷикистон Дилшод Ҷўразода бо аъзои Федератсияи футболи вилоят ва соҳибкорон баргузор гардид.

Дар мулоқот масъалаи рафти иҷрои дастуру супоришҳои Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти Федератсияи футболи Тоҷикистон муҳтарам Рустами Эмомалӣ, ки дар ҷаласаи кории Федератсияи футболи Тоҷикистон санаи 3 ноябри соли 2023 баён гардида буд, мавриди таҳлил қарор гирифт.

Раиси вилоят таъкид кард, ки футбол дар кишвар яке аз намудҳои маъмули варзиш ба ҳисоб рафта, зери таваҷҷўҳ ва дастгириҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва саҳми беназири Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти Федератсияи футболи Тоҷикистон муҳтарам Рустами Эмомалӣ қарор дошта, сол аз сол рушд ва инкишоф ёфта истодааст. 

Мулоқоти навбатии ҳамраисони ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон

Азназаргузаронӣ: 1361

15 марти соли 2024 дар шаҳри Бӯстони вилояти Суғд мулоқоти навбатии ҳамраисони ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба делимитатсия ва демаркатсияи сарҳади давлатии Тоҷикистон ва Қирғизистон - Саймумин Ятимов ва Қамчибек Ташиев баргузор гардид. 

Зимни мулоқот роҳбарони ҳайатҳои ҳукуматӣ масъалаҳои делимитатсияи сарҳади давлатии Тоҷикистон ва Қирғизистонро баррасӣ намуданд. 

Дар натиҷаи гуфтушунид пешравии назаррас ба даст омада, ба гурӯҳҳои дахлдори ҷонибҳо оид ба делимитатсия ва демаркатсияи сарҳади давлатии Тоҷикистон ва Қирғизистон ҷиҳати идома додани кор дар самти минбаъд муайян намудани гузариши хати сарҳади ҳарду давлат дар минтақаҳои боқимонда супоришҳои мушаххас дода шуд.

Мақолаҳои боқимонда...