Машварати кории Раиси вилояти Суғд Раҷаббой Аҳмадзода

Азназаргузаронӣ: 1349

25 март дар толори мақомоти иҷроияи ҳокимияти давлатии вилоят машварати кории Раиси вилояти Суғд Раҷаббой Аҳмадзода баргузор гардид.

Раиси вилоят дар машварат иброз дошт, ки мақомоти иҷроияи ҳокимияти давлатии вилоят тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати таъмини рушди соҳаҳои иқтисодиву иҷтимоӣ аз тамоми имкониятҳо истифода бурда, барои бо дастовардҳои арзанда истиқбол гирифтани ҷашни 35-солагии Истиқлоли давлатии Ҷумҳурии Тоҷикистон тадбирҳои заруриро амалӣ менамояд. Дар ин росто дар шаҳру ноҳияҳои вилоят бунёду азнавсозии беш аз 12 ҳазор иншоот ба нақша гирифта шуда, корҳои созандагӣ бо суръат идома дорад. 

Бо таҳлили вазъи соҳаҳо роҳбари вилоят барои бунёди корхонаҳои нави саноатӣ, воридсозии таҷҳизоти муосир ва ташкили хатҳои нави истеҳсолӣ, ташкили ҷойҳои нави корӣ, фаъолсозии корхонаҳои бозистода, зиёд намудани истеҳсоли маҳсулоти воридотивазкунанда ба масъулини соҳаи саноат супоришҳои мушаххас дод. 

Мулоқот бо директори генералии корхонаи муштараки "Зарафшон"

Азназаргузаронӣ: 1730

Раиси вилояти Суғд Раҷаббой Аҳмадзода директори генералии корхонаи муштараки "Зарафшон" Чан Яо Минро ба ҳузур пазируфт. 

Аснои суҳбат таъкид гардид, ки корхонаи муштарак ба истихроҷ ва коркарди маъдани куҳӣ ва истеҳсоли маҳсулоти соҳа машғул буда, дар он беш аз 2800 нафар кор мекунанд ва маоши баланд мегиранд.

Дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо саҳми корхона корхонаҳои нав ба фаъолият шурўъ карда, дар саноатикунонии босуръати мамлакат нақши бориз мегузоранд. Яке аз чунин корхонаҳо ба истеҳсоли мис машғул аст ва маҳсулот содиротӣ мебошад. Коргоҳи мазкур иқтидори коркарди 165 ҳазор тонна консентрати дорои мис ва тиллоро дар як сол дошта, маҳсулоти ниҳоии аълосифатро аз он истеҳсол менамояд. Маврид ба зикр аст, ки аз ин миқдор консентрати коркардшуда миси катодӣ, ҳамчунин ба миқдори муайян тилло ва нуқра истеҳсол карда мешавад. То ба сохта ба истифода додани корхонаи мазкур хокаи консентрати дорои мис ҳамчун ашёи хом ба дигар давлатҳо барои коркарду истеҳсоли маҳсулоти ниҳоӣ содирот карда мешуд.

Иди байналмилалии Наврӯз дар Суғд бо шукуҳи хоса ҷашн гирифта шуд

Азназаргузаронӣ: 1180

23 марти соли 2024 тантанаҳои идонаи наврӯзӣ дар Суғди бостонӣ идома ёфта, сокинони шаҳру ноҳияҳо бо оростани хаймаҳои наврӯзӣ ва ташкили намоиши маҳсулоти ҳунарҳои мардумӣ, таомҳои хоси Наврӯз, бозиҳои миллии варзишӣ, қироати шеъру таронаҳои мардумӣ дар шаҳри Хуҷанд Иди байналмилалии Наврӯзро таҷлил намуданд.

Раиси вилояти Суғд Раҷаббой Аҳмадзода, муовини якуми Сарвазири Ҷумҳурии Тоҷикистон Холиқзода Ҳоким Ҳикматулло, вазири тандурустӣ ва ҳифзи иҷтимоии аҳолии кишвар Ҷамолиддин Абдуллозода ва ҳайати ҳамроҳонашон аз хаймаҳои наврӯзии сокинони шаҳру ноҳияҳои вилоят боздид карда, бо намояндагони шаҳру ноҳияҳо, ҳунармандону собиқадорони меҳнат, иштирокдорони чорабинии наврӯзӣ сӯҳбатҳо намуда, аз таърихи Наврӯзи хуҷастапай ва саҳми он дар тамаддуни башарият ёдоварӣ карданд.

Боздид аз ярмарка-фурӯши маводи ғизоӣ

Азназаргузаронӣ: 1246

Бахшида ба Иди байналмилалии Наврӯз имрӯз дар шаҳри Хуҷанд ярмарка-фурӯши маводи ғизоӣ ташкил карда шуд. 

Раиси вилояти Суғд Раҷаббой Аҳмадзода, муовини якуми Сарвазири Ҷумҳурии Тоҷикистон Холиқзода Ҳоким Ҳикматулло ва вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода аз ярмарка боздид карда, бо нарху навои маҳсулоти пешниҳодшуда шинос шуданд.

Дар ярмаркаи мазкур, ки бо мақсади таъмини дастрасии аҳолӣ ба маҳсулоти нисбатан арзон ташкил гардид, маҳсулоти гуногун, аз ҷумла орд, шакар, равған, биринҷ, пиёзу картошка, гӯшти моҳӣ, паранда, гову гӯсфанд, нону маҳсулоти қаннодӣ, меваву сабзавот ва номгӯи зиёди маводи ғизоӣ пешниҳод карда шуд. 

Раиси вилояти Суғд аз қисмҳои низомии мустақар дар ноҳияи Ҷаббор Расулов боздид намуд

Азназаргузаронӣ: 1527

Раиси вилояти Суғд Раҷаббой Аҳмадзода ва роҳбари гуруҳи кории Ҳукумати Ҷумҳурии Тоҷикистон дар ноҳияи Ҷаббор Расулов, директори Агентии омори назди Президенти Ҷумҳурии Тоҷикистон Ҷамшед Нурмаҳмадзода ба қисмҳои низомии мустақар дар ноҳияи Ҷаббор Расулов омада, фарорасии Иди байналмилалии Наврӯзро ба афсарону сарбозон табрик намуданд.

Раҷаббой Аҳмадзода зимни суҳбат аз номи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон фарорасии ҷашни муборак ва хуҷастаи Наврўзи байналмилалиро табрик гуфта, ба хизматчиёни ҳарбӣ саломативу саодати пойдор ва дар иҷрои рисолати муқаддас -хизмат ба Ватан муваффақиятҳо орзу кард.

Мақолаҳои боқимонда...