Раҷаббой Аҳмадзода ҳайати вилояти Хатлонро ба ҳузур пазируфт

Азназаргузаронӣ: 1101

Имрӯз Раиси вилояти Суғд Раҷаббой Аҳмадзода ҳайати вилояти Хатлонро бо роҳбарии муовини Раиси вилояти Хатлон Акрам Сулаймонзода ба ҳузур пазируфт.

Муовини Раиси вилояти Хатлон Акрам Сулаймонзода ва ҳамроҳонаш бо мақсади иштирок дар​ нуҳумин Ярмаркаи байналмилалии савдо «Суғд-2023» ба вилояти Суғд омадаанд.

Тазаккур бояд дод, ки барои иштирок дар Ярмаркаи байналмилалии савдо «Суғд-2023» аз вилояти Хатлон беш аз 25 ширкату корхонаҳои истеҳсолӣ иштирок хоҳанд кард.

Дар аснои суҳбат Раиси вилоят иброз дошт, ки Ярмаркаи байналмилалии савдо «Суғд-2023» ва форуму чорабиниҳои марбут ба он тибқи дастуру ҳидоятҳои​ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади ҷалби сармоя ва дарёфти роҳҳои нави ҳамкорӣ ва шарикони рушд, инчунин содироти маҳсулоти ватанӣ ба хориҷи кишвар доир мегардад.​

Мулоқоти Раиси вилоят бо сармоягузорону соҳибкорони Ҷумҳурии Корея

Азназаргузаронӣ: 1910

22 июн Раиси вилояти Суғд Раҷаббой Аҳмадзода гуруҳи сармоягузорону​ соҳибкорони​ Ҷумҳурии Кореяро ба ҳузур пазируфт.

Дар мулоқоти ҷонибҳо масъалаи ба роҳ мондани ҳамкорӣ​ дар самти истифодаи самараноки замин ва ҷалби сармоя мавриди баррасӣ қарор дода шуд.

Раиси вилоят меҳмононро, ки бо мақсади иштирок дар нуҳумин Ярмаркаи байналмилалии савдо «Суғд-2023» ба вилоят омаданд, хайрамақдам гуфта, доир ба вазъи соҳаҳои саноату кишоварзӣ маълумот дод. Раҷаббой Аҳмадзода таъкид кард, ки дар Тоҷикистон аз ҷониби​ Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон саноатикунонии мамлакат ҳадафи стратегӣ эълон шуда, барои расидан ба ин ҳадаф аз тамоми имкониятҳо истифода бурда мешавад. Тазаккур дода шуд, ки вилояти Суғд дорои имкониятҳои фаровон буда, ҷонибҳо метавонанд дар азхудкунии заминҳо, бунёди гармхонаҳои муосир,​ ташкили корхонаҳои коркарди пахта, меваву сабзавот ва саноати куҳӣ тарҳҳои муштаракро амалӣ созанд.

Мулоқоти Раиси вилоят бо муовини вазири рушди иқтисоди Федератсияи Россия

Азназаргузаронӣ: 1624

21 июн Раиси вилояти Суғд Раҷаббой Аҳмадзода муовини вазири рушди иқтисоди Федератсияи Россия Дмитрий Волвачро ба ҳузур пазируфт.

Дар оғози мулоқот роҳбари вилоят ҳайати меҳмононро ба вилояти Суғд хайрамақдам гуфта, аз муносиботи дӯстонаи кишварҳо ёдовар шуд. Таъкид гардид, ки вилояти Суғд дорои имкониятҳои васеъ буда, бо минтақаҳои гуногуни ФР ҳамкории мутақобиларо ба роҳ мондааст. Чунончи давоми соли 2022 мубодилаи молу маҳсулот байни вилояти Суғд ва минтақаҳои ФР ба зиёда аз 600 миллион доллари амрикоӣ баробар гардид.

Новобаста ба ин, то кунун имкониятҳои истифоданагардида хело зиёд мебошад. Соҳибкорон ва ширкатҳои бонуфузи ФР метавонанд дар татбиқи лоиҳаҳои хурду бузург аз қабили бунёди корхонаҳои истеҳсолӣ, коркард, банду баст, куҳиву металлургӣ, нассоҷӣ, азхудкунии заминҳо ва ғайра ширкат варзанд.

Оғози мумфаршкунии кўчаҳои Солеҳ ва Зариф Раҷабовҳо ва Шариф Раҷабови шаҳри Хуҷанд

Азназаргузаронӣ: 1154

Субҳи имрӯз бо иштироки Раиси вилояти Суғд Раҷаббой Аҳмадзода ба мумфаршкунии асосии роҳи кўчаҳои Солеҳ ва Зариф Раҷабовҳо ва Шариф Раҷабови маҳаллаи “Раззоқ”-и шаҳри Хуҷанд расман оғоз бахшида шуд.

Дар суҳбат бо сокинон Раиси вилояти Суғд Раҷаббой Аҳмадзода иттилоъ дод, ки бо дастур ва раҳнамоиҳои Пешвои муаззами миллат муҳтарам Эмомалӣ Раҳмон ҷиҳати сазовор пешвоз гирифтани Иди Ваҳдати миллӣ ва 35-солагии Истиқлолияти давлатии Ҷумҳурии Тоҷикистон дар қаламрави шаҳру навоҳии вилоят бунёди садҳо адад иншооти таъиноташ гуногун бомаром идома дорад.

Итилоъ дода шуд, ки роҳи кўчаҳои Солеҳ ва Зариф Раҷабовҳо ва Шариф Раҷабови шаҳр беш аз 1 километр буда, дар маҷмуъ 3600 метри квадратиро ташкил медиҳад. Фармоишгар мақомоти иҷроияи ҳокимияти давлатии шаҳри Хуҷанд ва пудратчии корҳо Идораи роҳсозии шаҳри Хуҷанд мебошад.

Мумфаршкунии роҳи Бӯстон-Азизобод дар ноҳияи Мастчоҳ

Азназаргузаронӣ: 1220

Дар доираи корҳои ободонию созандагӣ ва ба истиқболи ҷашнҳои милливу давлатӣ, аз ҷумла Рӯзи Ваҳдати миллӣ дар ноҳияи Мастчоҳ мумфаршкунии роҳҳои дохилӣ вусъат меёбад.

19 июн бо иштироки Раиси вилояти Суғд Раҷаббой Аҳмадзода мумфаршкунии роҳи Бӯстон-Азизобод, ҳудуди деҳоти Оббурдон ва Мастчоҳ оғоз ёфт.

Зимни суҳбат бо сокинони ноҳия Раиси вилояти Суғд Раҷаббой Аҳмадзода таъкид кард, ки бо дастгириҳои пайвастаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ноҳияи Мастчоҳ дар солҳои соҳибистиқлолӣ ободу зебо гардида, бо дастгирии Ҳукумати мамлакат, мақомоти иҷроияи ҳокимияти давлатии вилоят ва ноҳия, инчунин саҳмгузории соҳибкорон даҳҳо иншооти гуногун бунёд ва мавриди истифода қарор гирифт, ки ба баланд бардоштани сатҳи зиндагии сокинон мусоидат намуд.

Мақолаҳои боқимонда...