Боздиди Раиси вилоят аз пойгоҳи обкашии "Маҳрам-1" дар шаҳри Конибодом

Азназаргузаронӣ: 1178

Раиси вилояти Суғд Раҷаббой Аҳмадзода дар шаҳри Конибодом бо фаъолияти пойгоҳи обкашии «Маҳрам-1», ки аз калонтарин пойгоҳҳои обкашист, шинос гардид.

Пойгоҳи обкашии «Маҳрам-1» соли 1975 ба истифода дода шуда, тавассути он беш аз 4 ҳазор гектар заминҳои деҳоти Конибодом бо оби полезӣ таъмин карда мешавад. Соли ҷорӣ бо дастгирии мақомоти иҷроияи ҳокимияти давлатии вилоят барои пойгоҳи обкашӣ муҳаррику таҷҳизоти нав харидорӣ гардид, ки дар натиҷа фаъолияти иншооти обрасон беҳтар карда шуд. Айни замон пойгоҳи обкашӣ фаъол буда, барои шободсозии заминҳои кишт хизмат мерсонад.

Бо мақсади беҳтар намудани вазъи инфрасохтори соҳаи обрасонӣ дар соли ҷорӣ маблағҳои зарурӣ равона карда шуда, хоҷагиҳои деҳқонӣ бо об таъмин мебошанд. Ин аст, ки аҳли меҳнати ноҳия зироатҳои гуногунро кишт намуда, парвариш намуда истодаанд. Аз ҷумла, нақшаи кишти пахта дар ноҳия сад дарсад иҷро шуда, 5692 гектар пахта кишт гардид.

Дар Конибодом корхонаи коркарди зардолу ба истифода дода мешавад

Азназаргузаронӣ: 1255

Бо мақсади таъмини иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва саҳмгузорӣ дар саноатикунонии мамлакат дар шаҳри Конибодом корхонаи коркарди зардолу бунёд гардида истодааст. 

Корхонаи коркарди зардолу аз ҷониби соҳибкорони маҳаллӣ ташкил гардида, тибқи иттилоъ дар он то 50 нафар ба кор таъмин хоҳанд шуд. 

Раиси вилояти Суғд Раҷаббой Аҳмадзода аснои шиносоӣ бо ҷараёни корҳо барои воридсозии таҷҳизоти замонавӣ, обод намудани гирду атрофи корхона, банду басти маҳсулоти истеҳсолшаванда тавсияҳо дод. 

Маълумот дода шуд, ки ба таври таҷрибавӣ маҳсулот ба ИМА ва Олмон содирот карда шуда, барои фурӯши маҳсулот бозори хуб мавҷуд аст.

Дар Конибодом ду кӯдакистон барои 500 нафар сохта мешавад

Азназаргузаронӣ: 1076

Имрӯз Раиси вилояти Суғд Раҷаббой Аҳмадзода дар шаҳри Конибодом бо сохтмони муассисаҳои томактабӣ шинос гардид. 

Дар доираи корҳои ободониву созандагӣ ба истиқболи 35-солагии Истиқлоли давлатии Ҷумҳурии Тоҷикистон дар шаҳр сохтмони ду кӯдакистон идома дорад. Бо мавриди истифода қарор гирифтани иншооти ҷашнӣ беш аз 500 нафар хурдсолон ба кӯдакистон фаро гирифта мешаванд  

Зимни шиносоӣ роҳбари вилоят барои ба охир расонидани корҳои сохтмонӣ, бунёди айвон бо риояи меъмории миллӣ, ободу хуррамгардонӣ ва мумфаршкунии роҳҳои атрофи иншоот, таълиму тарбияи насли наврас дастуру супоришҳо дод. 

Дар шаҳри Конибодом имсол беш аз 31 тонна пилла истеҳсол карда мешавад

Азназаргузаронӣ: 1091

Имрӯз Раиси вилояти Суғд Раҷаббой Аҳмадзода зимни сафари корӣ ба шаҳри Конибодом аз ҳоли Тӯтихон Раҳимоваи 87 сола хабар гирифт.

Аҳли оилаи Раҳимовҳо бо меҳнати худ дар рушди соҳаи кишоварзӣ саҳм гузошта, ҳамасола дар ин шабу рӯз ба кирмакпарварӣ машғул ҳастанд. Бо истифода аз таҷрибаи кофӣ ин оила имсол низ ду қуттӣ кирмак гирифта, тасмим доранд, ки пиллаи истеҳсолкардаи худро ба давлат супоранд.

Ба иттилои масъулин дар шаҳри Конибодом соли равон 1050 қуттӣ кирмак парвариш шуда, нақша ҳаст, ки 31 тонна пилла истеҳсол карда шавад. Кирмак ба 850 оилае, ки ба ин кор машғуланд, тақсим карда шудааст.

Мулоқоти Раиси вилоят бо роҳбари Бонки аврупоии таҷдид ва рушд (БАТР) дар Тоҷикистон

Азназаргузаронӣ: 1322

Раиси вилояти Суғд Раҷаббой Аҳмадзода бо роҳбари Бонки аврупоии таҷдид ва рушд (БАТР) дар Тоҷикистон Холгер Вифел мулоқот намуд.

Дар мулоқоти ҷонибҳо масоили иқтисодиву сармоягузорӣ дар самтҳои обрасонӣ, энергетика, хизматрасонии нақлиёти мусофиркашон ва ғайра мавриди таҳлилу баррасӣ қарор дода шуд.

Раиси вилоят бо ёдоварӣ аз рушди соҳаҳои гуногуни хоҷагии халқи вилоят саҳми ташкилоти байналмилалии молиявиро дар татбиқи тарҳҳои бузург назаррас арзёбӣ кард. Бо сармоягузории Бонки аврупоии таҷдид ва рушд то имрӯз як қатор тарҳҳо, аз ҷумла лоиҳаи «Рушди нақлиёти ҷамъиятӣ дар шаҳри Хуҷанд» амалӣ шудааст.

Дар мулоқот таваҷҷуҳи меҳмонон ба навсозии пойгоҳҳои обкашӣ ва кашидани хатҳои оби полезӣ ҷалб карда шуд, роҳбарияти вилоят барои тақвияти ҳамкории дуҷониба изҳори омодагӣ намуд.

Мақолаҳои боқимонда...