5 майи соли 2023 дар толори хурди мақомоти иҷроияи ҳокимияти давлатии вилоят машварати кории Раиси вилояти Суғд Раҷаббой Аҳмадзода баргузор гардид.

Дар машварат​ муовинони Раиси вилоят, роҳбари дастгоҳи Раиси вилоят, роҳбарони воҳидҳои сохтории мақомоти иҷроияи ҳокимияти давлатӣ, раисони шаҳру ноҳияҳо ва масъулини соҳаи кишоварзӣ иштирок доштанд ва дар он ҷараёни корҳои кишоварзӣ дар шаҳру ноҳияҳо мавриди баррасӣ қарор гирифт.

Дар машварат Раиси вилоят аз раисони шаҳру ноҳияҳо ва масъулини соҳаи кишоварзӣ аз вазъи корҳои саҳроӣ ва иҷрои нақшаи пешбинишудаи зироатҳои киштшаванда пурсиш ба амал овард. Тавре таъкид карда шуд, дар вилоят нақшаи кишти зироатҳои баҳорӣ 174735 гектарро ташкил дода, то имрӯз дар 152645 гектар кишт гузаронида шудааст.

Имрӯз Раиси вилояти Суғд Раҷаббой Аҳмадзода муовини директори​ ширкати технологии “Хуавей” дар Тоҷикистон Ли Янро ба ҳузур пазируфт.

Зимни суҳбати ҷонибҳо масъалаи​ воридот ва насби технологияи муосир дар бахшҳои гуногун мавриди баррасӣ қарор гирифт.

Раиси вилоят дар оғоз аз густариши​ ҳамкориҳои Тоҷикистон ва Чин, ки самараи сиёсати оқилонаи роҳбарони ду давлат​ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Ҷумҳурии мардумии Чин​ Си Ҷинпин аст,​ изҳори қаноатмандӣ намуд.

3 май Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои анҷом додани сафари давлатӣ ба Ҷумҳурии Қазоқистон сафар карданд.

Дар ин сафар Президенти Ҷумҳурии Тоҷикистон муҳтарам Эмомалӣ Раҳмонро гурӯҳи калони ҳайати расмӣ аз ҳисоби аъзои Ҳукумат, роҳбарони муассисаву идораҳои давлатӣ, аз ҷумла Раиси вилояти Суғд Раҷаббой Аҳмадзода низ​ ҳамроҳӣ доранд.

Дар доираи сафар Раиси вилояти Суғд Раҷаббой Аҳмадзода бо ҳокими​ ноҳияи Мақтаарали вилояти Туркистони Қазоқистон Бакит Асанов дидору гуфтугӯ кард. Раҷаббой Аҳмадзода вобаста ба вазъи соҳаҳои саноату кишоварзӣ ва фазои сармоягузорӣ дар вилояти Суғд маълумот дода, омодагии худро ҷиҳати тақвияти ҳамкории дуҷониба изҳор дошт. Дар суҳбат таъкид гардид, ки дар вилояти Туркистон беш аз 50 ҳазор нафар тоҷикон зиндагӣ мекунанд ва​ вилояти Суғд ва минтақаҳои вилояти Туркистон муносиботи нек доранд. Аз Қазоқистон ба Тоҷикистон асосан гандум содирот гардида, аз Тоҷикистон ба Қазоқистон маҳсулоти кишоварзӣ ва нӯшокиҳои гуногун содирот мегардад.

2 майи соли 2023 дар гузаргоҳи сарҳадии «Гулистон»-и шаҳри Исфара мулоқоти роҳбарони вилояти Суғди Ҷумҳурии Тоҷикистон ва вилояти Бодканди Ҷумҳурии Қирғизистон доир гардид.

Роҳбарони ҳайатҳо —​ Раиси вилояти Суғд Раҷаббой Аҳмадзода ва намояндаи ваколатдори Президенти Қирғизистон дар вилояти Бодканд Абдикарим Алимбаев натиҷаи фаъолияти гуруҳи кории дуҷонибаро назаррас арзёбӣ карданд. Дар натиҷаи корбарии гуруҳи кории дуҷониба нофаҳмиҳои бамиёномада сари вақт ҳал гардида, ҷонибҳо дар масъалаҳои истифодаи якҷои захираҳои табиӣ, аз ҷумла об, тоза кардани каналу ҷӯйборҳои наздимарзӣ якдигарфаҳмӣ намуда истодаанд.

Таъкид карда шуд, ки минбаъд низ фаъолияти гуруҳи кории дуҷониба фаъолиятро дар тамоми сатҳҳо беҳтар намуда, вохӯриҳоро бештар ба роҳ мемонанд ва сокинони минтақаҳои наздисарҳадии ду кишвар бо риояи суннатҳои қадимии ҳамсоядорӣ ва эҳтироми якдигар зиндагии осоиштаро пеш мебаранд.