Мақомоти иҷроияи ҳокимияти
давлатии вилояти Суғд
Ба истиқболи ҷашни таърихии 35-солагии Истиқлоли давлатии Ҷумҳурии Тоҷикистон дар тамоми шаҳру ноҳияҳои вилояти Суғд корҳои ободониву созандагӣ ҷараён дошта, бунёди иншооти ҷашнӣ идома дорад.
Дар ин раванд дар маркази вилоят - шаҳри Хуҷанд низ сохтмони иншооти гуногун, аз ҷумла корхонаҳои саноатӣ, биноҳои истиқоматии баландошёна, марказҳои ташхисиву табобатӣ, иншооти соҳаҳои маорифу тандурустӣ вусъат ёфта, сокинон барои дар сатҳи баланд истиқбол гирифтани ҷашни ҳумоюн омодагӣ мебинанд.
Дар асоси Қонуни Ҷумҳурии Тоҷикистон “Дар бораи идҳо дар Ҷумҳурии Тоҷикистон” ҳамасола 9 декабр дар қаламрави кишвар Рӯзи геологҳо ҷашн гирифта мешавад. Кулли кормандон ва собиқадорони соҳаро ба ин муносибат табрику таҳният мегӯям ва ба ҳамагон тансиҳативу хотирҷамъӣ, муваффақияти кору рӯзгоратонро таманно дорам.
Зикр кардан бамаврид аст, ки иди касбиро кормандони соҳаи геологияи вилоят бо натиҷаҳои назарраси меҳнатӣ пешвоз мегиранд. Дар замони муосир пешрафти соҳаҳои иқтисодиро бидуни соҳаи геология тасаввур кардан ғайриимкон буда, геологҳо дар истифодаи захираҳои мавҷуда нақши муассир доранд. Сарзамини моро сарватҳои табииаш шӯҳратёр гардонидааст ва мардум дар ҳама давру замон онҳоро ба манфиати давлат ва беҳдошти зиндагии хеш истифода мебарад.
Шаҳри Бӯстон аз минтақаҳои саноатии вилояти Суғд ба ҳисоб рафта, аз ҷониби соҳибкорону ширкатҳои истеҳсолӣ дар шаҳр ҳамасола корхонаҳои нави саноатӣ бунёд мегардад. Айни замон низ дар шаҳр сохтмону муҷаҳҳазсозии корхонаҳо идома дорад.
Раиси вилояти Суғд Раҷаббой Аҳмадзода зимни боздиди корӣ аз шаҳр бо рафти васлу насби таҷҳизот дар корхонаи наве, ки бо иқдоми соҳибкорони маҳаллӣ бунёд гардидааст, шинос шуд. Дар корхонаи нав истеҳсоли масолеҳи сохтмонӣ ба роҳ монда шуда, дар он то 20 нафар бо ҷойи корӣ таъмин мегарданд. Ба роҳбари вилоят иттилоъ дода шуд, ки таҷҳизоти муосири корхона аз Ҷумҳурии мардумии Чин харидорӣ ва ворид карда шуда, рӯзҳои наздик корхона пурра омода мегардад.
Бо мақсади таъмини иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар самти дастгирии қишри ниёзманди ҷомеа дар вилояти Суғд тадбирҳои зарурӣ амалӣ карда мешавад.
Аз ҷумла, беморону маъюбон зери таваҷҷуҳи роҳбарияти вилоят қарор дошта, ба нафарони эҳтиёҷманд мунтазам кӯмакҳои моддӣ расонида мешавад.
Раиси вилояти Суғд Раҷаббой Аҳмадзода зимни боздиди корӣ аз шаҳри Бӯстон Мунисулло Зикррулозодаро аёдат карда, ба ин навраси бемор туҳфаҳои солинавӣ супорид. Ин наврас маъюб буда, оилаи онҳо яке аз оилаҳои ниёзманд маҳсуб меёбад ва аз ҷониби мақомоти иҷроияи маҳаллӣ ба ғамхорӣ фаро гирифта шудааст.
Шӯрои Маҷлиси миллии Маҷлиси Олии Ҷумҳурии Тоҷикистон иттилоъ медиҳад, ки дар ҷаласаи ҳаштуми якҷояи Маҷлиси миллӣ ва Маҷлиси намояндагон мутобиқи моддаи 55-и Конститутсияи Ҷумҳурии Тоҷикистон ироаи Паёми Президенти Ҷумҳурии Тоҷикистон муҳтарам Эмомалӣ Раҳмон дар бораи самтҳои асосии сиёсати дохилӣ ва хориҷии ҷумҳурӣ дар назар дошта шудааст.
Тавре қаблан АМИТ «Ховар» бо истинод ба Маҷлиси миллии Маҷлиси Олии Ҷумҳурии Тоҷикистонхабар дод, 23 декабри соли равон дар шаҳри Душанбе ҷаласаи ҳаштуми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум баргузор мегардад. Дар ин бора Қарори Раиси Маҷлиси миллии Маҷлиси Олии Ҷумҳурии Тоҷикистон «Дар бораи даъвати ҷаласаи якҷояи ҳаштуми Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум» ба тасвиб расид.
