Раиси вилояти Суғд Раҷаббой Аҳмадзода бо​ муовини директори генералии ҶДММ “ТВЕА Душанбе саноати кӯҳӣ” Ли Ҷумин мулоқот намуд.

Дар мулоқот ҷонибҳо доир ба фаъолияти кунунии корхонаи​ холисгардонии тилло ва нуқраи “ТВЕА Душанбе саноати кӯҳӣ”, ки соли 2017 бо иштироки Пешвои миллат муҳтарам Пешвои миллат дар ноҳияи Айнӣ​ ба истифода дода шуда буд, мубодилаи афкор намуданд.

Раиси вилоят аснои суҳбат бо назардошти ҳадафи стратегӣ эълон шудани саноатикунонии кишвар барои зиёд намудани ҳаҷми истеҳсоли маҳсулот дар​ корхонаи холисгардонии тилло ва нуқраи “ТВЕА Душанбе саноати кӯҳӣ” ва ташкили ҷойҳои нави корӣ дастуру тавсияҳо дод.

Бояд таъкид кард, ки дар корхонаи мазкур консентрати маъдан бо маҳлулҳои кимёӣ дар ду марҳила коркард шуда, тилло ва нуқраи холис истеҳсол карда мешавад.

Дар толори хурди мақомоти иҷроияи ҳокимияти давлатии вилоят мулоқоти Раиси вилояти Суғд, Раиси Федератсияи футболи вилоят​ Раҷаббой Аҳмадзода бо мураббиёну ҳайати дастаи футболи «Хуҷанд» доир гардид.

Дар мулоқот таъкид карда шуд, ки дар лигаи олии мамлакат дастаҳои пурқуввати кишвар, аз ҷумла дастаҳои «Хуҷанд» ва «Эсхата» -и вилоят низ бозӣ мекунанд. Дастаи «Эсхата» айни замон нишондиҳандаҳои хуб дошта, дар ҷадвали мусобиқот дар зинаи аввал қарор дорад, ки шоистаи таҳсин мебошад. Аммо дигар клуби футболи вилоят —​ «Хуҷанд» дар зинаи нуҳум қарор дорад.

Раиси вилоят ба роҳбарияти клуб ва муррабиён ҷиҳати ислоҳи қамбудиҳо ва беҳтар намудани нишондиҳандаҳо супоришҳо дода, илова намуд, ки барои машқу тамрини бозингарон шароитҳои зарурӣ мавҷуд аст. Клуби футболи «Хуҷанд», ки панҷ маротиба Ҷоми Тоҷикистонро ба даст овардааст, бояд мавқеи худро дар мусобиқот беҳтар созад.

Дар толори хурди мақомоти иҷроияи ҳокимияти давлатии вилоят машварати кории Раиси вилояти Суғд Раҷаббой Аҳмадзода баргузор гардид.

Дар машварат муовинони Раиси вилоят, роҳбари дастгоҳи Раиси вилоят, роҳбарони воҳидҳои сохторӣ, намояндагони мақомоти ҳифзи ҳуқуқ ва масъулини мақомоти иҷроияи ҳокимияти давлатии шаҳри Хуҷанд иштирок доштанд.​

Раиси вилоят Раҷаббой Аҳмадзода иброз дошт, ки бо мақсади амалисозии дастуру супоришҳои Асосгузори сулҳу ваҳдати миллӣ —​ Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳру ноҳияҳои вилояти Суғд корҳои ободониву созандагӣ вусъати тоза пайдо намуда, ба истиқболи 35-солагии Истиқлоли давлатии Ҷумҳурии Тоҷикистон силсилаи иншооти гуногуни хоҷагии халқ бунёду мавриди истифода қарор дода мешавад. Дар ин раванд дар шаҳри Хуҷанд низ бунёдкориҳо идома дошта, масъулинро зарур аст, ки барои ободу зебо нигоҳ доштани маркази маъмурии вилоят чораандешӣ намоянд.

8 майи соли 2023 бахшида ба Рӯзи Ғалаба​​ дар назди муҷассамаи ёдгории шаҳидони Ҷанги​ Бузурги​ Ватании солҳои 1941-1945, воқеъ дар мавзеи Панҷшанбеи шаҳри Хуҷанд, чорабинӣ доир гардид.

Раиси вилояти Суғд Раҷаббой Аҳмадзода, шумораи зиёди собиқадорони ҷангу меҳнат ва намояндагони аҳли зиёи вилоят, ҷомеаҳои меҳнатии шаҳри Хуҷанд, омӯзгорону толибилмони макотиби оливу миёнаи касбӣ , мактабҳои таҳсилоти ҳамагонӣ ва дигарон бар пояи ​ муҷассамаи ёдбуди шаҳидони ҷанг гулҳои тару тоза гузошта, хотири шаҳидону қурбониёни Ҷанги Бузурги Ватаниро пос доштанд.

Тазаккур бояд дод, ки​ Ҷанги дуюми ҷаҳон дар таърихи инсоният аз ҷумлаи фоҷиабортарин ҷангҳо ба ҳисоб рафта, оқибатҳои даҳшатбори он то ҳанўз дар қалби миллионҳо одамон ва хонадони мардуми гуногуни олам, аз ҷумла халқи тоҷик эҳсос карда мешавад.