Қарори навбатии Раиси вилояти Суғд аз 5 январи соли 2023, №09 «Дар бораи гузаронидани озмуни ихтироъкорон ва навоварони ҷавони вилояти Суғд» ба имзо расид.
Озмуни мазкур бахшида ба эълон гардидани солҳои 2020-2040 ҳамчун “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи маориф” ва бо мақсади дарёфти истеъдодҳо дар соҳаҳои илму истеҳсолот ва тавсеаи тафаккури техникии насли наврас эълон гардида, дар самтҳои барномасозӣ ва низомҳои иттилоотӣ, дизайн ва меъморӣ, сохтмон, экология, геология, энергияи барқароршаванда, таҷҳизоти мошинсозӣ, маркшейдерӣ, металлургия, куҳкорӣ, техникаву технология ва илмҳои табиатшиносӣ доир хоҳад шуд.
Кишоварзони вилояти Суғд соли 2022-ро бо нишондиҳандаҳои назаррас ҷамъбаст намуданд.
Cоли 2022 ҳаҷми истеҳсоли маҳсулоти саноатӣ дар вилояти Суғд ба 24 млрд 186 млн. сомонӣ расонида шуд, ки нисбат ба нишондиҳандаи соли қаблӣ бо нархҳои муқоисавӣ 3 млрд 676 млн. сомонӣ зиёд буда, суръати афзоиш бо назардошти индекси нархҳо 118,0 фоизро ташкил медиҳад.
