Бо мақсади пешгирии сирояти коронавируси нави COVID-19 ва ба иммунизатсия бар зидди сирояти мазкур фаро гирифтани шаҳрвандони мамлакат  дар Маркази назорати давлатии санитарию эпидемологии вилояти Суғд ҷамъомад баргузор гардид.

Директори марказ Тахмина Усмонова зикр дошт, ки  роҳи асосии пешгирии COVID-19 ваксинатсия мебошад. Пас аз 21 рӯзи вояи якуми  ваксин,  вояи дуюм ворид карда мешавад. Вақте ки бори  якум ваксина гузаронида мешавад,  бадан бо вирус «шинос» мегардад. Дар ҳолати такроран ваксина кардан дар организм якбора миқдори зиёди подтанҳо пайдо  шуда, масуният пурқувват мешавад. Ин масуният то 6 моҳ қобилияти мубориза бурдан бо бемориро дорад. Пас аз 6 моҳ масуният паст мегардад ва дар ин ҳолат зарурати гузаронидани реваксинатсия ба миён меояд.

1 сентябр раиси ноҳияи Бобоҷон Ғафуров Зафарбек Давлатзода бо ҳамроҳии Қодирзода Саъдӣ Сангинмурод, раиси Кумитаи давлатии сармоягузорӣ ва амволи давлатии Ҷумҳурии Тоҷикистон, роҳбари ситоди корӣ бахшида ба ҷашни 35 - солагии Истиқлоли давлатии Ҷумҳурии Тоҷикистон дар ноҳияи Бобоҷон Ғафуров ва роҳбарияти мақомотҳои ҳифзи ҳуқуқ ба муассисаи таҳсилоти миёнаи умумии №8 - и Ҷамоати деҳоти Овчиқалъачаи ноҳияи Бобоҷон Ғафуров ташриф оварда, баъди муборакбодии омӯзгорону толибилмон бо Рӯзи дониш ва оғози соли нави таҳсил ба сохтмони бинои иловагии муассисаи мазкур, ки бо тарҳу намуди муосир барои 450 нафар хонанда пешбинӣ шудааст, санги асос гузоштанд.

Иттилоъ дода шуд, ки муассисаи таъсилоти миёнаи умумии №8 – деҳаи Овчиқалъача соли 1984 барои 1200 нафар хонанда дар ду баст сохта ба истифода дода шуда, бо зиёдшавии аҳолӣ чанд соли охир ба бинои иловагӣ эҳтиёҷ дошт. Айни ҳол дар муассиса 2300 нафар хонанда ба таҳсил фаро гирифта шуда, 150 нафар омӯзгорон кору фаъолият менамоянд. Бо сохта ба истифода додани бинои иловагӣ шароити таълиму тадрис дар муассиса бамаротиб беҳтар гардида, фанҳои таълимӣ дар утоқҳои махсусгардонидашуда бо шаклҳои муосир баргузор хоҳанд шуд.

Хадамоти матбуоти
Раиси вилояти Суғд