Бо мақсади таъмини иҷрои Фармони Президенти Ҷумҳурии Тоҷикистон аз 3 сентябри соли 2022, №451 “Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1995-2004 Ҷумҳурии Тоҷикистон ба хизмати ҳарбӣ” ва қарори Раиси вилояти Суғд аз 7 сентябри соли 2022, № 364 "Дар бораи даъвати шаҳрвандони солҳои таваллудашон 1995-2004 ба хизмати ҳарбӣ дар моҳҳои октябр-ноябри соли 2022" қарори раиси шаҳри Бӯстон аз 15 сентябри соли 2022, №210 "Дар бораи даъвати шаҳрвандони солҳои таваллудашон 1995-2004 ба хизмати ҳарбӣ дар моҳҳои октябр-ноябри соли 2022" ба тасвиб расида, баҳри иҷрои сифатноки нақшаи даъват чораҳои зарурӣ андешида шуд.
Маҳз амалӣ гардонидани тадбирҳои судманд ва роҳандозӣ намудани корҳои тарғиботиву ташвиқотӣ, анҷом додани мулоқоту вохӯриҳо бо насли ҷавон ва волидайни онҳо, баргузории рӯзи дарҳои кушод дар қисмҳои ҳарбӣ ва дигар чорабиниҳои ҳадафманд имкон дод, ки шаҳри Бӯстон яке аз аввалинҳо шуда, нақшаи босифати даъвати навбатии шаҳрвандони солҳои таваллуди 1995-2004 Ҷумҳурии Тоҷикистон ба хизмати ҳарбиро ба пуррагӣ иҷро намояд.
1 ноябр, соати 17 -00 дар Қасри ҷавонони ба номи Лоиқ Шералии маркази вилояти Суғд нахустнамоиши филми ҳунарии "Дов" баргузор мегардад.
27 октябр Сафири Фавқулода ва Мухтори Ҷопон дар Ҷумҳурии Тоҷикистон Тошихиро Аики ба вилояти Суғд ташриф меорад.
