«Ваҳдат самараи талошҳои Пешвои муаззами миллат аст»– роҳпаймоӣ ва ҳамоиши идона дар шаҳри Бӯстон

Азназаргузаронӣ: 3275

1 июн бо ташаббуси мақомоти иҷроияи ҳокимияти давлатии шаҳри Бӯстон ва Шӯрои Ҳаракати ҷамъиятии ваҳдати миллӣ ва эҳёи Тоҷикистон дар вилояти Суғд ба муносибати 25-умин солгарди Рӯзи Ваҳдати миллӣ таҳти унвони «Мо ҷонибдори сулҳу ваҳдатем, пайравони Пешвои миллатем!» дар шаҳри Бӯстон роҳпаймоӣ ва ҳамоиши идона баргузор гардид.

Дар роҳпаймонии идона хизматчиёни давлатӣ, сарбозону афсарони шуҷои Ватан, устодону донишҷӯёни Донишкадаи кӯҳию металлургии Тоҷикистон, омӯзгорон ва хонандагони муассисаҳои таҳсилоти миёнаи умумӣ, мактаби Президентӣ барои хонандагони болаёқат, кормандони ташкилоту муассисаҳо ва аҳли ҷамоатчигии шаҳр ширкат намуданд.

Оғози курси сайёри такмили ихтисос дар мавзуи “Татбиқи ҳукумати электронӣ ва тақвияти малакаҳои рақамии хизматчиёни давлатӣ”

Азназаргузаронӣ: 3752

1 июни соли ҷорӣ дар шаҳри Хуҷанд тибқи ҷадвали Донишкадаи такмили ихтисос ва бозомӯзии хизматчиёни давлатии Академияи идоракунии давлатии назди Президенти Ҷумҳурии Тоҷикистон барои хизматчиёни давлатии мақомоти иҷроияи маҳаллии ҳокимияти давлатӣ ва мақомоти худидоркунии шаҳрак ва деҳоти шаҳру ноҳияҳои вилояти Суғд курси сайёри такмили ихтисос оғоз ёфт.

Зимни ифтитоҳи курси мазкур муовини директори Донишкадаи такмили ихтисос ва бозомӯзии хизматчиёни давлатии Академия Қодиров Зоҳир, сардори шуъбаи таҳсилоти хизматчиёни давлатӣ Носиров Миршароб, мутахассиси пешбари шуъбаи Агентии хизмати давлатии назди Президенти Ҷумҳурии Тоҷикистон дар вилояти Суғд Ҷаҳонзода Рухшонахон иштирок ва суханронӣ карданд.

Дар ноҳияи Мастчоҳ корхонаи парандапарварӣ ба истифода дода шуд

Азназаргузаронӣ: 3942

1 июни соли равон дар Ҷамоати деҳоти Палдораки ноҳияи Мастчоҳ корхонаи парандапарварии “Ҷумъабойи Мирзо” мавриди истифода қарор дода шуд.

Масоҳати умумии корхонаи мазкур 0,40 га буда, аз он дар 500 м2 бинои асосӣ ҷой дода шудааст. Корхона бо ҳиммату иқдоми соҳибкори маҳаллӣ Шукрулло Мирзозода бо маблағи беш аз 635 ҳазор сомонӣ бунёд шуда, барои парвариши 7 ҳазор сар мурғи гӯштдеҳ пешбинӣ гардидааст. Дар натиҷаи бунёди ин корхона 8 нафар сокини маҳаллӣ бо ҷойи кор ва маоши муносиб таъмин шудаанд.

Мақолаҳои боқимонда...

Категорияҳои дигари ин бахш

Категорияҳои дигари ин бахш