Ба ғолибони даври вилоятии озмуни ҷумҳуриявии «Фурӯғи субҳи доноӣ китоб аст» беш аз 490 000 сомонӣ мукофотпулӣ супорида мешавад

Моҳи октябр бо мақсади таъмини иҷрои Амри Президенти Ҷумҳурии Тоҷикистон аз 3 феврали соли 2022 даври вилоятии озмуни ҷумҳуриявии «Фурӯғи субҳи доноӣ китоб аст» гузаронида мешавад. Дар ин бора қарори Раиси вилояти Суғд Раҷаббой Аҳмадзода ба тасвиб расида, тибқи он барои қадршиносии ғолибони озмун ва дар сатҳи баланд гузаронидани озмун 490 730 сомонӣ ҷудо гардидааст.

Раёсатҳои маориф, фарҳанг, ҷавонон ва варзиш, шуъбаҳои рушди иҷтимоӣ ва робита бо ҷомеа, иттилоотию таҳлилии дастгоҳи Раиси вилоят, роҳбарони муассисаҳои таҳсилоти миёна ва олии касбӣ, бахши суғдии Иттифоқи нависандагони Тоҷикистон ва дигар сохторҳо, инчунин раисони шаҳру ноҳияҳо вазифадор гардидаанд, ки барои дар сатҳи баланд гузаронидани даври якуму дуюми озмун тадбирҳои заруриро амалӣ намоянд.

Ба ғолибони даври вилоятии озмуни ҷумҳуриявии «Илм-фурӯғи маърифат» наздик 400 000 сомонӣ мукофотпулӣ супорида хоҳад шуд

Бо мақсади таъмини иҷрои Амри Президенти Ҷумҳурии Тоҷикистон аз 3 феврали соли 2022 моҳи сентябри соли ҷорӣ даври вилоятии озмуни ҷумҳуриявии «Илм-фурӯғи маърифат» гузаронида мешавад. Дар ин бора 11 март қарори Раиси вилояти Суғд Раҷаббой Аҳмадзода ба имзо расид.Тибқи ин қарор ҳайати комиссия ва ҳакамон муайян гардида, раисони шаҳру ноҳияҳо вазифадор гардидаанд, ки даври шаҳриву ноҳиявиро дар сатҳи баланд доир ва ғолибонро қадршиносӣ намоянд.

Озмун миёни хонандагони муассисаҳои таҳсилоти миёнаи умумӣ, донишҷӯён ва ходимони илмӣ-аспирантону докторантон, унвонҷӯёну омӯзгорони муассисаҳои таълимӣ дар алоҳидагӣ гузаронида хоҳад шуд.

Бахшида ба Рӯзи кормандони мақомоти прокуратура дар Исфара ҷаласа доир гардид

Бахшида ба Рӯзи кормандони мақомоти прокуратура, ки ҳамасола 14 март таҷлил карда мешавад, дар толори прокуратураи шаҳри Исфара маҷлиси тантанавӣ баргузор гардид.

Раиси шаҳри Исфара Баҳоваддин Баҳодурзода кормандони прокуратураи шаҳрро бо иди касбиашон табрику муборакбод намуда, изҳор дошт, ки саҳму нақши мақомоти прокуратура дар назорати риояи дақиқ ва иҷрои якхелаи қонунҳо, ҳифзи ҳуқуқу озодиҳои инсон ва шаҳрвандон, манфиатҳои давлат ва ҷомеа, ошкору пешгирӣ намудани ҳуқуқвайронкуниҳо ва мубориза бо ҷинояткорӣ, инчунин муқовимат бо экстремизм ва терроризм басо бузургу назаррас мебошад. Дар ин радиф кормандони прокуратураи шаҳри Исфара низ вазифаҳои бошарафонаи худро тавассути ба амал баровардани назорати прокурорӣ ҷиҳати иҷрои дақиқ ва якхелаи қонунҳо, таъмини волоияти қонун, таҳкими қонуният ва тартиботи ҳуқуқӣ, ҳифзи манфиатҳои давлат ва шаҳрвандон, пешгириву ошкоркунии ҳуқуқвайронкуниҳо ва мубориза бо ҷинояткорӣ муваффақона ва сарбаландона иҷро менамоянд.

Категорияҳои дигари ин бахш

Категорияҳои дигари ин бахш