Мақомоти иҷроияи ҳокимияти
давлатии вилояти Суғд
Дар ҳамоиши омодагии дифои ҳарбӣ кормандони комиссариати ҳарбӣ, омӯзгорони фанни дифои ҳарбӣ, устодону донишҷӯёни донишкадаю коллеҷҳо, хонандагони синфҳои болоии муассисаҳои таълимии шаҳр иштирок намуданд.
Тавре дар чорабинӣ таъкид карда шуд, мақсади баргузории ҳамоиш тарбияи ҳисси ватандӯстӣ, ҳувияти миллӣ дар ниҳоди наврасон, пешгирии гароиши ҷавонону наврасон ба зуҳуроти номатлуб, ҳидояти онон барои адои хидмат ба Ватан ва пайвастан ба сафи Қувваҳои Мусаллаҳи Ҷумҳурии Тоҷикистон мебошад.
Дар Донишгоҳи давлатии ҳуқуқ, бизнес ва сиёсати Тоҷикистон Рӯзи дарҳои кушод доир карда шуда, дар доираи он байни хатмкунандагон даври ниҳоии олимпиада баргузор гардид. Дар ин рӯз қариб 2000 хатмкунанда аз мактабҳои шаҳру ноҳияҳои вилоят бо мақсади шиносоӣ бо вазъи таълиму тарбия, шароити таҳсил, имконияту ихтисос ва факултетҳои донишгоҳ дар Рӯзи дарҳои кушод иштироки фаъолона намуд.
Дар доираи Рӯзи дарҳои кушод инчунин байни хатмкунандагон олимпиада доир карда шуд. Тибқи барномаи олимпиада, аз рӯи намунаҳои саволномаҳои санҷишии Маркази миллии тестии назди Президенти Ҷумҳурии Тоҷикистон хатмкунандагон дониши худро санҷиданд.
Дар толори калони раёсати Донишгоҳи давлатии Хуҷанд ба номи академик Бобоҷон Ғафуров даври якуми озмуни ҷумҳуриявии ““Тоҷикон” – оинаи таърихи миллат” баргузор гардид.
Тавре аз донишгоҳи мазкур хабар доланд, дар даври факултетии озмун зиёда аз 500 нафар аз ҳисоби донишҷӯён, магистрантон ва докторантону устодон иштирок намуданд. Дар даври донишгоҳӣ зиёда 200 нафар донишҷӯ, магистрант, докторант Phd ва омӯзгорон ширкат варазиданд, ки аз ин миқдор 177 донишҷӯ, 11 магистр, 2 докторант (Phd ) ва 21 омӯзгор мебошанд.
