Мақомоти иҷроияи ҳокимияти
давлатии вилояти Суғд
Дирӯз бегоҳӣ дар шаҳри Кӯлоби вилояти Хатлон ҳодисаи фоҷиабор – садамаи нақлиётӣ рух дод, ки дар натиҷа 10 нафар ҷони худро аз даст дода, чандин нафари дигар захм бардоштанд. Ин ҳодисаи нохуш боиси андӯҳи чандин хонавода гардид. Сокинони вилояти Суғд дар ин рӯзҳои вазнин ба хонаводаҳои ҳалокшудагони садамаи нақлиётӣ дар шаҳри Кӯлоби вилояти Хатлон изҳори ҳамдардии амиқ намуда, ба пайвандони ҳалокшудагон сабри ҷамил мехоҳанд.
28 июли соли ҷорӣ дар натиҷаи омадани сел дар маҳаллаи Лангари деҳаи Урметани ноҳияи Айнӣ якчанд манзилҳои истиқоматии сокинони деҳа зарари ҷиддӣ диданд.
Бинобар ин, дар асоси дастуру супориши Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва роҳнамоии Раиси вилояти Суғд Раҷаббой Аҳмадзода аз номи сокинони шаҳри Истаравшан ба оилаҳои аз офати табиӣ зарардидаи маҳаллаи Лангар кӯмаки аввалия аз зумраи маҳсулоти озуқаворӣ, аз ҷумла орд, равған, гӯшт, биринҷ, макарон, картошка, сабзӣ ва дигар намуди маҳсулот дастрас карда шуд.
Дирӯз дар толори мақомоти иҷроияи ҳокимияти давлатии вилоят барои хизматчиёни давлатӣ семинари омӯзишӣ ташкил карда шуд.
Дар ин семинар, ки кормандони воҳидҳои сохторӣ ва ташкилоту идораҳо иштирок доштанд, масъулин вобаста ба Қонуни Ҷумҳурии Тоҷикистон «Дар бораи банақшагирии стратегӣ ва дурнамосозии давлатӣ» маълумот доданд.
Кормандони Вазорати рушди иқтисод ва савдои Ҷумҳурии Тоқикистон Мадҷон Мануҷеҳра Мирзоалӣ, сардори сарраёсати сиёсати сармоягузорӣ ва рушди минтақаҳо, Мавлонова Ҳусния, сармутахассиси Раёсати рушди минтақаҳо ва мониторинги иҷрои барномаҳои миллӣ ва дигарон доир ба банақшагирии стратегӣ ва омодасозии дурнамо шарҳу тавзеҳ доданд.
