Дар муассисаи таҳсилоти миёнаи умумии рақами 35 –и  Ҷамоати деҳоти Кӯлканди шаҳри Исфара бинои иловагӣ бунёд карда мешавад.

Дар пайравӣ аз иқдомоти созандаю бунёдкоронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам  Эмомалӣ Раҳмон дар доираи омодагиҳо ба таҷлили сазовори 35-солагии Истиқлоли давлатии Ҷумҳурии Тоҷикистон дар ин ҷо  боз як иншооти нав, ки дорои 4 синфхонаи иловагии таълимӣ мебошад, ба истифода дода хоҳад шуд.

Аз ҷониби шаҳрдори Исфара Баҳоваддин Баҳодурзода хишти аввали ин бинои таълимӣ гузошта шуда, дар ҷараёни он раиси шаҳр вобаста ба муҳиммияти таълиму тарбияи насли наврас дар рӯҳияи меҳанхоҳиву садоқат ба Ватан изҳори назар кард.

«Дӯст ояд, гарм дар оғӯш гир!»- таҳти чунин унвон дирӯз, 26 апрел бо иштироки 100 ҷавони фаъоли минтақаҳои гуногуни ҷумҳурӣ дар ноҳияҳои Шаҳристон ва Деваштиҷи вилояти Суғд меҳмонӣ оғоз гардид. Дар ин хусус ба АМИТ «Ховар» дар Раёсати кор бо ҷавонони дастгоҳи марказии Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.

26 апрел роҳбарияти Кумитаи кор бо ҷавонон ва варзиши ҷумҳурӣ  пеш аз оғози сафар бо ҷавонони минтақаҳои гуногуни мамлакат вохӯрӣ намуда, иброз доштанд, ки ҷавонон ба таври ҳамешагӣ дар меҳвари сиёсати Ҳукумати Ҷумҳурии Тоҷикистон, махсусан Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, бояд дар ҳама ҷабҳаҳои ҳаёти ҷомеа бо рафтору гуфтор, донишу малака ва фаъолияти назаррас намуна бошанд. Ҳифзи хоки поки Ватан, сарзамини аҷдодӣ, ҳимояи марзу бум аз вазифаҳои ҷонӣ ва қарзи шаҳрвандии онҳо ба ҳисоб меравад.