Дар амфитеатри Маҷмааи таърихию фарҳангии "Қалъаи Муғ"-и шаҳри Истаравшан 19 майи соли 2023 бахшида ба Рӯзи ҷавонони Тоҷикистон чорабинии мутантани идона баргузор гардид.

Дар оғози чорабинии бошукӯҳи идона раиси шаҳри Истаравшан Адҳам Маъмурзода ҷавонони хушбахти даврони Истиқлолро ба муносибати Рӯзи ҷавонони Тоҷикистон шодбош гуфта, таъкид дошт, ки ҷавонон нерӯи созанда ва қишри асосии пешбарандаи ҷомеаи имрузаи мо ба ҳисоб рафта, пойдории давлат ва рушди бемайлони иқтисодиву иҷтимоии кишвар аз фаъолияти меҳандустию ватанпарастии ҷавонон вобастагӣ дорад.

Дар заминаи татбиқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо фаъолони Ҷамоати деҳоти Турсун Ӯлҷабоеви ноҳияи Спитамен ҷиҳати мубориза бо зуҳуроти номатлуб, пешгирӣ аз таҳдидҳои муосир ва пайомадҳои он мулоқот баргузор гардид.

Дар чорабинии мазкур муовини сардори Раёсати кор бо ҷавонон ва варзиши вилояти Суғд Қаҳҳорова Муноҷот иштирок ва суханронӣ намуд. Гуфта шуд, ки дар раёсат дар доираи дастуру ҳидоятҳои Пешвои миллат, Мақомоти иҷроияи ҳокимияти давлатии вилояти Суғд, Кумитаи кор бо ҷавонон ва варзиш назди Ҳукумати Ҷумҳурии Тоҷикистон ва ниҳодҳои қудративу мақомоти ҳифзи ҳуқуқ дар самти мубориза бо терроризму экстремизм байни ҷомеаи пайваста тадбирҳои муҳим ва саривақтӣ андешида мешавад.