Иштироки намояндаи Ҳукумати Ҷумҳурии Тоҷикистон дар тадбирҳои сабзкории шаҳри Гулистон

22 март бо иштироки намояндаи Ҳукумати Ҷумҳурии Тоҷикистон, директори Агентии таъминоти амволи махсуси назди Ҳукумати Ҷумҳурии Тоҷикистон Савзаалӣ Назирзода ва иҷрокунандаи вазифаи Раиси шаҳри Гулистон Раъно Ҳошимзода дар шафати шоҳроҳи шаҳр дарахтони нодири ороишиву сояафкан шинонида шуд.

Роҳбари гуруҳи корӣ оид ба истиқболи сазовори 35-солагии Истиқлолияти давлатии Ҷумҳурии Тоҷикистон дар шаҳри Гулистон Савзаалӣ Назирзода зимни шиносоӣ бо рафти корҳои сабзкорӣ ба мутахассисону покизакорон суҳбати самимӣ анҷом дода, баҳри амалӣ намудани сиёсати бунёдкоронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳори сипосмандӣ баён намуд.

Дастаи ноҳияи Спитамен соҳиби Шоҳҷоизаи озмуни беҳтарин дастархони наврӯзии "Ҳафт син ва ҳафт шин" гардид

18 марти соли ҷорӣ тибқи нақшаи чорабиниҳои идона ба муносибати Иди байналмилалии Наврӯз, ки бо қарори Раиси вилояти Суғд тасдиқ гардидааст, дар Қасри фарҳанги ноҳияи Спитамен миёни хонандагони муассисаҳои таълимии вилоят даври вилоятии озмуни беҳтарин дастархони наврӯзии "Ҳафт син ва ҳафт шин" баргузор гардид.

Дар чорабинии мазкур 16 даста аз шаҳру ноҳияҳои вилоят анвои гуногуни хӯрокҳои миллиро ба намоиш гузоштанд, ки аксари хӯрокҳо аз ҷониби хонандагони муассисаҳои таълимӣ ва аъзои маҳфилҳои "Рӯзғордорӣ"-и Марказҳои таҳсилоти иловагии шаҳру ноҳияҳои вилоят омода карда шуда буд.

22 март бахшида ба Иди Наврӯз мусобиқаҳои миллии "Пойга" ва "Бузкашӣ" ташкил мегардад

22 марти соли 2022 ба муносибати Иди байналмилалии Наврӯз дар ипподроми Ҷамъияти саҳҳомии ба номи Абдураҳим Ҷумъеви ноҳияи Бобоҷон Ғафуров мусобиқаҳои миллии "Пойга" ва "Бузкашӣ" гузаронида мешавад.

Тавре аз кумитаи тадорукоти мусобиқаҳо хабар доданд, ба ғолибон туҳфаҳои хотиравии мақомоти иҷроияи ҳокимияти давлатии вилоят супорида хоҳад шуд.

Категорияҳои дигари ин бахш

Категорияҳои дигари ин бахш