Вусъати корҳои ободонию хуррамгардонӣ дар Хуҷанд

Бо мақсади сабзу хуррамгардонӣ ва тозаю озода намудани муҳити атроф ҳар ҳафта аз ҷониби шуъбаи ҳифзи муҳити зисти шаҳри Хуҷанд чорабиниҳои тарғиботиву амалисозӣ, ҳашарҳои дастҷамъонаю ташаббусҳои гуногуни «Тозагии соҳил» баргузор гардида, ба зебоии шаҳри Хуҷанд ҳусни дигар зам менамоянд.

Тавре дар хадамоти матбуоти раиси шаҳри Хуҷанд хабар доданд, аз ҷониби мақомоти ҳифзи муҳити зисти шаҳри Хуҷанд ташаббуси «Тозагии соҳил» амалӣ карда шуда, қамишзори дохили дарё ва канори он, алафҳои худрўйи соҳил, партовҳои истеъмолии пластикию полиэтиленӣ пурра тоза карда шуданд.

Дархост аз ҳашт донишгоҳи маъруфи олам ба Алишер Қосимов. Хонандаи тоҷик соҳиби гранти омӯзишӣ гардид

Алишер Қосимов, хонандаи синфи 11-уми Литсей барои хонандагони болаёқат дар шаҳри Хуҷанд соҳиби шоҳҷоиза - гранти омӯзишӣ ба маблағи умумии 1 миллион доллари амрикоӣ гардид ва имкони идомаи таҳсил дар яке аз ҳашт донишгоҳи бонуфузи Амрико ва Швейтсарияро ба даст овард.

Тибқи иттилои директори Литсей барои хонандагони болаёқат дар шаҳри Хуҷанд Сурайё Негматова Алишер Қосимов дар чанд озмуни донишгоҳҳои ИМА ва Швейтсария дар соли 2022 иштирок намуда, соҳиби шоҳҷоиза шуд ва якбора ҳашт донишгоҳ — Донишгоҳи Дрейк дар штати Айова, донишгоҳи Эмори ва Хенри дар штати Вирҷиния, донишгоҳи Вирҷинияи Ғарбӣ дар штати Вирҷиния, донишгоҳи Ла Верна дар штати Калифорния, донишгоҳи Аризона дар штати Аризона, донишгоҳи Гарднер Веб дар штати Каролинаи Шимолӣ, донишгоҳи Невада дар Лас Вегас ва донишгоҳи Франклин дар кишвари Швейтсария бо ирсоли мактуби расмӣ эълони омодагии қабули хонандаи тоҷикро тариқи буҷавӣ(ройгон) намуданд, ки маблағи умумии он беш аз 1 миллион доллари амрикоӣ хоҳад шуд. 

Дар Истаравшан корхонаи истеҳсоли таҷҳизоти маишӣ бунёд мешавад

Дар шаҳри Истаравшан ба бунёди корхонаи истеҳсоли таҷҳизоти маишӣ оғоз бахшида шуд.

7 апрели соли ҷорӣ раиси шаҳри Истаравшан Адҳам Маъмурзода якҷо бо роҳбари гурӯҳи корӣ, Раиси Суди конститутсионии Ҷумҳурии Тоҷикистон Абдулҳафиз Ашурзода ба бунёди корхона санги асос гузоштанд. Тибқи иттилои дафтари матбуоти шаҳрдорӣ дар корхонаи бунёдшаванда истеҳсоли телевизор, мошинаи ҷомашӯӣ ва дигар таҷҳизоти техникӣ бо бренди "ORVIGA" ба роҳ монда хоҳад шуд.

Категорияҳои дигари ин бахш

Категорияҳои дигари ин бахш