4 сенябри соли 2023 дар Муассисаи давлатии таълимии Коллеҷи ҷумҳуриявии ҳунарҳои мардумй маҳфили илмй -адабӣ  таҳти  унвони "Аниси кунҷи танҳои китоб аст" бахшида ба Рузи китоб баргузор гардид.

Дар маҳфил қайд карда шуд, ки китоб бузургтарин неруест ки мардумро сарфи назар аз нажод  миллат, забон, ақидаву дину оин ба ҳам меорад, дар миёни халқҳо дӯстиву рафоқату робитаҳои корӣ эъҷод менамояд. Китоб рисолати муттаҳидгардонии халқҳо, муарифсозии кишварҳо ва эъҷоди якдиливу ҳамбастагиро дорост. Бинобар ин ҳамасола дар Тоҷикистон санаи 4-уми сентябр ҳамчун Рӯзи китоб бо тантана таҷлил карда мешавад.

Ҳамасола дар арафаи ҷашни Истиқлоли давлатии Ҷумҳурии Тоҷикистон кормандони соҳаи авиатсия низ иди касбии худро таҷлил менамоянд. Тавре аз таърих маълум аст, 3 сентябри соли 1924 тайёраи тамғаи Ю-13 нахустин бор аз Бухоро ба Душанбе сафар мекунад ва ин сана чун Рӯзи авиатсияи граждании Ҷумҳурии Тоҷикистон дониста мешавад.

Дар солҳои соҳибистиқлолӣ бо талошу дастгириҳо ва таваҷҷуҳи рӯзафзуни Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чун дигар соҳаҳои афзалиятнок соҳаи авиатсия низ рушд ёфта, кормандони соҳа мутобиқ ба талаботи замон ба мардум хизмат мерасонанд.

Ҷумҳурии Тоҷикистон, аз ҷумла вилояти Суғд тавассути роҳи ҳавоӣ бо даҳҳо мамлакати хориҷӣ робитаи мустақимро ба роҳ монда, шаҳрвандонро ба минтақаҳои гуногуни олам сафарбар менамояд. Муссалам аст, ки ҳавопайпо аз муҳимтарин ихтирооти башар буда, пайдоиш ва ташаккули авиатсия ҳаёти одамонро тағйир дод. Зеро нақлиёти ҳавоӣ навъи зудтарини нақлиёт аст, ки ҳазорҳо километрро дар соатҳои муайян тай менамояд.