21 октябр бахшида ба Солҳои рушди саноат (2022-20226) дар Донишкадаи кӯҳию металлургии Тоҷикистон таҳти унвони «Коркарди металлургии самаранок, экологияи ва рушди устувор» конференсияи илмӣ-амалии ҷумҳуриявӣ баргузор гардид.
Дар конференсия ректори донишкада Бахтиёр Маҳмадалӣ роҷеъ ба истифодаи самараноки коркарди металлҳо, истифодаи самараноки канданиҳои фоиданок, истифодаи дурусти иқтисодиёти рақамӣ дар саноат, баланд бардоштани мафкураи молиявии донишҷӯён, сифатнок гардонидани корҳои озмоишгоҳӣ, баланд бардоштани донишу малакаи донишҷӯён ва кормандони соҳаи саноат, истифодаи дурусти формулаҳои иқтисодӣ, ба роҳ мондани машваратҳои илмӣ- амалӣ дар корхонаҳои саноатӣ сухан гуфт.
Таъкид гардид, ки бо дастгирии Президенти Ҷумҳурии Тоҷикистон муҳтарам Эмомалӣ Раҳмон имрӯз ба саноатчиён имконияти зиёд фароҳам оварда шудааст, ки бояд аз он дуруст истифода бурда, дар рушди Ватан саҳм гузошт.
20 октябр дар шаҳри Хуҷанд Намоишгоҳи маҳсулоти Ҳиндустон оғоз ёфт, ки то 29 октябр идома хоҳад кард.
Дар ноҳияи Ҷаббор Расулов ҷамъоварии пахта муташаккилона идома дошта, сокинони касбу кори гуногун ба кишоварзон ёрии амалии худро расонида истодаанд. Дар ин бора зимни боздиди Раиси вилояти Суғд Раҷаббой Аҳмадзода аз хоҷагиҳои пахтакори ноҳия маълумот дода шуд.
