Дар Хуҷанд бизнес-форуми сайёҳии Тоҷикистону Ӯзбекистон баргузор шуд

Ӯзбекистон аз лиҳози ташрифи сайёҳон ба даҳгонаи кишварҳое шомил мешавад, ки сайёҳонаш бештар ба Тоҷикистон  ворид мешаванд. Ин нукта зимни Форуми саёҳативу тиҷоратии Тоҷикистон ва Узбекистон, ки имрӯз дар шаҳри Хуҷанд бо дастгирии Ҳукумати Ҷумҳурии Тоҷикистон ва иқдоми Кумитаи рушди сайёҳии назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии вилояти Суғд оғоз шуд, баён гардид.

Дар ҳамоиш муовини якуми Раиси Кумитаи рушди сайёҳии назди Ҳукумати ҷумҳурӣ Ҳабибулло Амирбекзода, муовини Раиси вилояти Суғд Анвар Яъқубӣ, роҳбарони ассотсиатсияву ширкатҳои сайёҳии ватанӣ, меҳмонхонаҳо, осоишгоҳҳову табобатгоҳҳо ва аз ҷониби Узбекистон намояндагони Вазорати сайёҳӣ ва мероси фарҳангӣ, инчунин ширкатҳои сайёҳии Узбекистон иштирок намуданд.

Дар ноҳияи Ашт иштирокчиёни Ҷанги дуюми ҷаҳониро аёдат намуданд

Ду нафар иштирокчӣ ва маъюби Ҷанги дуюми ҷаҳонӣ, ки кунун дар Ҷамоати деҳоти Понғози ноҳияи Ашт бо шукргузорӣ аз суботи комили  кишвар зиндагӣ доранд, дар арафаи Рӯзи Ғалаба- 9 май аёдат гардиданд. Дар ин бора аз мақомоти иҷроияи ҳокимияти давлатии ноҳияи Ашт хабар доданд.

Ба иштирокчиёни Ҷанги дуюми ҷаҳонӣ Қучқор Ҳоҷиматов (15.06.1926, деҳаи Саро)  ва Абдуқодир Холматов (02.05.1925, деҳаи Бободархон) кумаки яквақтаи Пешвои миллатро муовини Вазири тандурустӣ ва ҳифзи ичтимоии аҳолӣ Ҷамшед Шодихон, кумакпулии раиси вилоят Раҷаббой Аҳмадзодаро сардори Раёсати тандурустӣ Муҳиддин Ҳайруллозода ва кумакпулии яквақтаро Раиси ноҳияи Ашт Шӯҳрат Муҳаммадзода дар вазъияти тантанавӣ супориданд.

Фестивали вилоятии «Сад ранги чакан» гузаронида мешавад

Даҳаи дуюми моҳи май Фестивали вилоятии «Сад ранги чакан» гузаронида мешавад.

Фестивал бо мақсади муаррифии санъату ҳунари волои халқи тоҷик, либоси миллӣ, тарбияи зебоипарастӣ, суръат бахшидан ба истеҳсоли матоъҳои гуногуни миллӣ ташкил гардида, иштирокчиёни беҳтарин бо диплом сарфароз гардонида мешаванд.

Категорияҳои дигари ин бахш

Категорияҳои дигари ин бахш