Дар маҷлисгоҳи Донишкадаи политехникии Донишгоҳи техникии Тоҷикистон ба номи Муҳаммад Осимӣ маросими ифтитоҳи Озмуни ҷумҳуриявии “Беҳтарин хизматчии давлатӣ аз ҳисоби занон” дар вилояти Суғд бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон дар ҳамбастагии Агентии хизмати давлатии назди Президенти Ҷумҳурии Тоҷикистон ва Мақомоти иҷроияи ҳокимияти давлатии вилояти Суғд баргузор гардид.

Чорабиниро муовини Раиси вилоят Зайнура Азимӣ ҳусни оғоз бахшида, меҳмононро аз номи Раиси вилоят хайрамақдам гуфт. Зайнура Азимӣ таъкид намуд, ки Озмуни ҷумҳуриявии “Беҳтарин хизматчии давлатӣ аз ҳисоби занон” дар вилояти Суғд бо мақсади иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба фаъолгардонии нақши занон дар ҷомеа, таъмини иштироки занон дар идоракунии давлатӣ ва амалигардонии “Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023-2030”, ки бо қарори Ҳукумати Ҷумҳурии Тоҷикистон тасдиқ гардидааст, дар байни занону духтароне, ки дар соҳаи хизмати давлатӣ фаъолият менамоянд, баргузор мегардад.

Тибқи дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон бо мақсади таҳкими пойдории сулҳу ваҳдат, дӯстиву рафоқати сокинони тамоми минтақаҳои кишвар чорабинии ҷумҳуриявӣ таҳти унвони Корвони "Модарони ваҳдатсаро" ба роҳ монда шуда, ташрифи занону бонувон ба минтақаҳои гуногуни кишвар ба ҳукми анъана даромадааст.

10 июл занону бонувон аз саросари ҷумҳурӣ ба вилояти Суғд ташриф оварданд. Меҳмононро дар ноҳияи Айнӣ намояндагони мақомоти иҷроияи ҳокимияти давлатии вилояти Суғд ва ноҳияи Айнӣ истиқбол гирифтанд.

дар ноҳияи Айнӣ ба кори худ оғоз бахшид, ки дар он бонувони фаъол аз минтақаҳои Рашту Хатлон, Бадахшон, шаҳри Душанбе ва фпъолзанони ноҳия дар он ширкат варзиданд.