Дар ноҳияи Мастчоҳ ба маблағи 429 миллион сомонӣ маҳсулоти саноатӣ истеҳсол шуд

Азназаргузаронӣ: 1085

Дар ноҳияи Мастчоҳ 4 адад лоиҳаи давлатии сармоягузорӣ мавриди амал қарор доранд. Маблағҳои умумии дар доираи татбиқи лоиҳаҳои мазкур дар ноҳия азхудшуда 1 млн. 403 ҳазор доллари ИМА-ро ташкил медиҳанд. Дар ин бора муовини раиси ноҳия Дилшод Зокирзода зимни баргузории иҷлосияи ҳабдаҳуми Маҷлиси вакилони халқи ноҳия иттилоъ дод.

Вобаста ба ҳадафи чаҳоруми стратегии кишвар – рушди босуръати саноатикунонӣ таъкид гардид, ки корхонаҳои саноатии ноҳия дар ёздаҳ моҳи соли 2023 ба маблағи 429 млн. 180 ҳазор сомонӣ маҳсулот истеҳсол намудаанд, ки ин нисбат ба ҳамин давраи соли 2022 162 млн. сомонӣ зиёд буда, 160,6 фоизро дарбар мегирад.

Дилшод Зокирзода доир ба рушди соҳаи кишоварзӣ зикр намуд, ки дар давраи ҳисоботӣ маҳсулоти умумии соҳаи кишоварзӣ ба 1 млрд. 452 млн. 556 ҳазор сомонӣ расонида шуд, ки ин рақам 135,8 фоизи ҳамин давраи соли 2022-ро ташкил медиҳад.

Дар шаҳри Бӯстон ҷаласаи гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид

Азназаргузаронӣ: 1098

Дар асоси мувофиқаи бадастомада аз 17 то 23 декабри соли 2023 дар шаҳри Бӯстони вилояти Суғди Ҷумҳурии Тоҷикистон вохӯрии навбатии гурӯҳҳои кории топографии ва гурӯҳҳои корӣ оид ба масъалаҳои ҳуқуқии ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба делимитатсия ва демаркатсияи сарҳади давлатӣ баргузор гардид. Дар ин хусус АМИТ «Ховар» хабар медиҳад.

Дар ин вохӯрӣ гурӯҳҳои кории топографӣ 11,88 км сарҳади давлатии Тоҷикистону Қирғизистонро мувофиқа намуданд.

Ҷонибҳо корро оид ба тавсифи минтақаҳои боқимонда дар вохӯрии навбатӣ, ки дар ҳудуди Ҷумҳурии Қирғизистон баргузор мегардад, идома медиҳанд.

Кишоварзони вилояти Суғд ба маблағи 16 миллиарду 944 миллион сомонӣ маҳсулот истеҳсол намуданд

Азназаргузаронӣ: 1578

Кишоварзони вилояти Суғд таъмини рушди соҳа  тадбирҳои судманд андешиданд.

Дар натиҷа ҳаҷми маҳсулоти умумии кишоварзӣ дар 11 моҳи соли ҷорӣ, дар ҳамаи шаклҳои хоҷагидории вилоят ба 16944,2 млн. сомонӣ расонида шуд, ки ба 115,0 фоизи нишондиҳандаи ҳамин давраи соли 2022 баробар мебошад.

Дар соҳаҳои растанипарварӣ ба маблағи 12439,6 млн. сомонӣ, чорводорӣ ба маблағи 4504,5 млн. сомонӣ ва моҳипарварӣ ба маблағи 17,4 млн. сомонӣ маҳсулот истеҳсол шуда, суръати афзоиш мутаносибан 116,1 фоиз, 112,0 ва 131,4 фоиз таъмин гардидааст.

Мақолаҳои боқимонда...

Категорияҳои дигари ин бахш

Категорияҳои дигари ин бахш