Таҷлили Рӯзи сохтмончиён

Азназаргузаронӣ: 1129

Дар Маркази фарҳанги шаҳри Хуҷанд бахшида ба Рӯзи сохтмончиён чорабинӣ доир гардид.

Бунёдгарони Суғдзаминро аз номи мақомоти иҷроияи ҳокимияти давлатии вилояти Суғд ва шахсан Раиси вилоят Раҷаббой Аҳмадзода муовини Раиси вилояти Суғд Даврон Зоҳидзода бо фарорасии Рӯзи сохтмончиён табрик гуфта, аз саҳми онҳо дар вусъати корҳои ободониву созандагӣ ёдовар шуд.

Дар маҷлиси тантанавӣ ҳамчунин раиси Ассотсиатсияи сохтмончиёни вилояти Суғд Мирзомӯъмин Бобоев баромад карда, сохтмончиёнро бо иди касбӣ шодбош гуфт.

Дар вазъияти тантанавӣ ба пешқадамони соҳа, хоса муҳандисону технологҳои сохтмон, масъулони лабораторияи сохтмон, хиштчину андовагар, бетонрезу лоиҳакашони сохтмон барои меҳнати софдилона Сипосномаи Раиси вилояти Суғд ва тӯҳфаҳои хотиравии мақомоти иҷроияи ҳокимияти давлатии вилоят супооида шуд.

Дар ноҳияи Ҷаббор Расулов кишти такрории зироатҳо идома дорад

Азназаргузаронӣ: 1933

Имсол дар ноҳияи Ҷаббор Расулов дар ҳамаи бахшҳои хоҷагидорӣ дар​ 4449 гектар кишти такрории зироатҳо ба нақша гирифта шуда, ба ҳолати 9 август 2700 гектар кишти такрорӣ гузаронида шудааст. Дар ин бора зимни боздиди Раиси вилояти Суғд Раҷаббой Аҳмадзода аз Ҷамоати деҳоти Деҳмой иттилоъ дода шуд.​

Тавре таъкид карда шуд, деҳқонони ҷамоати мазкур дар парвариши зироатҳо таҷрибаи бой дошта, дар як сол се-чор маротиба ҳосил мегиранд. То имрӯз кишоварзони ҷамоат дар 270 гектар кишти такрории зироатҳоро гузаронда, дар таъмини​ бозори дохилӣ бо маҳсулот саҳми назаррас гузошта истодаанд.​

Дар ноҳияи Ҷаббор Расулов ҳаҷми умумии маҳсулоти кишоварзӣ дар ҳамаи шаклҳои ​ хоҷагидорӣ дар 7 моҳи соли 2023 ба 368 млн 851,7 ҳазор сомонӣ расонида шудааст, ки нисбати ҳамин давраи соли гузашта 4 млн. 109,2 ҳазор сомонӣ зиёд гардида, суръати афзоиш 101,1 фоизро ташкил медиҳад.

Оғози ярмарка фурӯши лавозимоти хониш ва либоси ягонаи мактабӣ

Азназаргузаронӣ: 1288

Дар назди китобхонаи вилоятиии ба номи Тошхоҷа Асирии маркази вилоят ярмарка-фурӯши либосҳои мактабӣ ташкил гардид, ки то оғози соли нави хониш идома хоҳад кард.

Мақомоти иҷроияи ҳокимияти давлатии шаҳри Хуҷанд бо мақсади таъмини хонандагони мактабҳо бо либоси ягонаи мактабӣ ва бедор намудани завқи зебоипарастӣ дар ниҳоди хонандагон тасмим гирифт, ки ҳар як мактаб дар намуди алоҳида соҳиби либоси мактабии худ гардад. Дар ин раванд бо коргоҳҳои дўзандагии шаҳр шартнома ба имзо расонида шудааст ва ин корхонаҳо муваззаф гардидаанд, ки хонандагонро бо либоси мактабӣ таъмин намоянд. Ин имкон медиҳад, ки тафовути иҷтимоии байни хонандагонро аз байн барад ва шогирдони мо бо дарки масъулияти баланд собитқадамона дар ҷодаи илму донишомўзӣ қадамҳои устувор мегузоранд.

Мақолаҳои боқимонда...

Категорияҳои дигари ин бахш

Категорияҳои дигари ин бахш