Дар Истаравшан барои дарёфти Ҷоми Раиси вилояти Суғд мусобиқа оид ба баскетбол гузаронида шуд

Бахшида ба Рӯзи ҷавонони Тоҷикистон ва 30-солагии Иҷлосияи XVI Шӯрои Олии Ҷумҳурии Тоҷикистон дар толори Мактаби варзишии №1-и шаҳри Истаравшан мусобиқаи баскетбол байни мардон барои дарёфти Ҷоми Раиси вилояти Суғд баргузор гардид.

Тавре аз Раёсати кор бо ҷавонон ва варзиши вилояти Суғд хабар доданд, мусобиқаи мазкур бо мақсади таъмини иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба оммавигардонӣ ва ҷалби ҳарчи бештари ҷавонон ба варзиш, тарғиби тарзи ҳаёти солим ва ҳамзамон мустаҳкам намудани дӯстӣ байни ҷавонон ташкил карда шуд.

Давраи бозомӯзӣ барои раисони кумитаҳои иҷроияи ҲХДТ дар шаҳри Панҷакент оғоз гардид

15 май дар шаҳри Панҷакенти вилояти Суғд барои раисони кумитаҳои иҷроияи Ҳизби Халқии Демократии Тоҷикистон (ҲХДТ) дар вилоятҳо ва шаҳру ноҳияҳои ҷумҳурӣ давраи бозомӯзӣ оғоз гардид.

Дар ҷараёни давраи бозомӯзӣ қироати маърӯзаҳои илмӣ ва оммавӣ, табодули таҷрибаи пешқадам, баррасии бурду бохти фаъолияти кумитаҳои иҷроия дар самтҳои афзалиятнок, доир гардидани мизҳои мудаввар ва суҳбатҳои гуногуни мавзӯӣ пешбинӣ шудаанд.

Дар Хуҷанд беш аз 25 ҳазор нафар дар Дави миллӣ иштирок намуданд

Субҳи рӯзи 15 май дар шаҳру ноҳияҳои вилояти Суғд чорабинии варзишии Дави миллӣ баргузор шуд. Дар маркази вилоят-шаҳри Хуҷанд беш аз 25000 нафар сокинони касбу кори гуногун дар назди Маҷмааи ҳавзҳои шиноварӣ сарҷамъ гардида, дар Дави миллӣ иштирок намуданд.

Қабл аз оғози чорабинии варзишӣ муовини якуми Раиси вилояти Суғд Хол Ҳайдар дар назди иштирокчиёни Дави миллӣ суханронӣ намуда, аз таваҷҷуҳу дастгириҳои доимии давлату Ҳукумат нисбат ба рушди соҳаи варзиш ва тарбияи ҷисмонӣ ёдовар шуд. Таъкид гардид, ки Дави миллӣ аз соли 2007 инҷониб дар асоси Фармони Президенти Ҷумҳурии Тоҷикистон гузаронида шуда, ҳадаф аз роҳандозии ин иқдом оммавигардонии варзиш, тарғиби тарзи ҳаёти солим ва тарбияи ҷисмонӣ мебошад.

Категорияҳои дигари ин бахш

Категорияҳои дигари ин бахш