Вазорати корҳои дохилии Ҷумҳурии Тоҷикистон хабар медиҳад

16 майи соли ҷорӣ, соати 18:30  саркардаи гурӯҳи муташаккили ҷиноятии шаҳри Хоруғ Мамадбоқир Мамадбоқиров таҳти роҳбарӣ ва сарпарастии Улфатхоним Мамадшоева ва шахси дар ҷустуҷӯй қарордошта Алим Шерзамонов дар маҳаллаи Хоруғи болои шаҳри Хоруғ бо мақсади халалдор намудани амнияти ҷамъиятӣ, монеъ шудан ба фаъолияти мақомоти давлатӣ, тарсонидани аҳолӣ ва таъсиррасонӣ ба мақомоти ҳокимияти давлатӣ барои қабули қарор ба манфиати ашхоси ҷиноятпеша гирдиҳамоии ғайриқонунӣ ташкил намуданд. Дар ин бора ба АМИТ «Ховар» дар маркази матбуоти Вазорати корҳои дохилии Ҷумҳурии Тоҷикистон хабар доданд.

Соати 20:40-и ҳамон рӯз бо супориши Мамадбоқир Мамадбоқиров як гурӯҳ ҷавонони ноогоҳ бо роҳбарии сокини 29-солаи маҳаллаи Ш.Шоҳтемури шаҳри Хоруғ Замир Назришоев ба хизматчиёни Раёсати ВКД дар ВМКБ, ки дар бинои Суди вилоят вазифаҳои хизматии худро иҷро мекарданд, ҳамлаи мусаллаҳона намуда, норинҷаки дастиро таркониданд.

Иштироки беш аз 90 нафар дар мусобиқа оид ба қаиқронӣ дар Хуҷанд

Бахшида бахшида ба Рӯзи ҷавонони Тоҷикистон, Рӯзи Ваҳдати миллӣ ва Иҷлосияи 16-уми Шӯрои Олии Ҷумҳурии Тоҷикистон дар шаҳри Хуҷанд мусобиқа оид ба қаиқронӣ доир гардид.

Мусобиқа байни варзишгарони то 18 сола ва аз 18-сола дар дарёи Сир гузаронида шуда, дар он зиёда аз 90 нафар варзишгарони наврасу ҷавон, аз ҷумла 12 нафар духтарон аз рўи масофаҳои гуногун байни ҳам рақобат намуданд. Мусобиқа тибқи қоидаи Федератсияи байналмиллалӣ оид ба қаиқронӣ баргузор гардида, мақсад аз баргузории он тарғиби тарзи ҳаёти солим, ҷалб намудани наврасону ҷавонон ба ин намуди варзиш ва тарғибу ташвиқи намуди заврақронӣ байни омма, мустаҳкам намудани алоқаи дўстӣ байни варзишгарон, баланд бардоштани маҳорати варзишии варзишгарон ва муайян намудани узви дастаи мунтахаби шаҳри Хуҷанд оид ба қаиқронӣ ба ҳисоб меравад.

Ба муносибати зодрӯзи Шоири халқии Тоҷикистон Лоиқ Шералӣ маҳфили адабию фарҳангӣ доир шуд

20 май рӯзи таваллуди Шоири халқии Тоҷикистон Лоиқ Шералӣ аст ва ба ин муносибат дар Донишгоҳи давлатии ҳуқуқ, бизнес ва сиёсати Тоҷикистон таҳти унвони "Сайре дар шеъристони Лоиқ"  маҳфили адабӣ баргузор шуд.

Дар маҳфили адабию фарҳангӣ дӯстдорони ашъори Лоиқ Шералӣ, дилбохтагони адабу фарҳанг ва аҳли қалам ширкат варзиданд ва садри маҳфил Шоири халқии Тоҷикистон, шоираи маҳбуби кишвар Фарзона буд. Нахуст шоира Фарзона  перомуни таваҷҷӯҳи давлату Ҳукумат ба адибон ва нақши онҳо дар тарғиби арзишҳои милливу дастовардҳои соҳибистиқлолӣ ҳарф зад.

Категорияҳои дигари ин бахш

Категорияҳои дигари ин бахш