Бо мақсади таъмини иҷрои Амри Президенти Ҷумҳурии Тоҷикистон дар бораи баргузор кардани Озмуни ҷумҳуриявии «Тоҷикистон-Ватани азизи ман» дар Суғд даври вилоятии ин озмун гузаронида мешавад. Дар ин бора қарори дахлдори Раиси вилояти Суғд Раҷаббой Аҳмадзода ба имзо расид.
Озмуни ҷумҳуриявии «Тоҷикистон – Ватани азизи ман» баҳри дарёфти истеъдодҳои наврасу ҷавон, пайдо намудани асарҳои нави мусиқӣ, шеъру сурудҳои тараннумгари дастовардҳои замони соҳибистиқлолии мамлакат ва рушди санъати миллӣ ташкил гардида, даври аввали он моҳҳои май-июн дар шаҳру ноҳияҳо ва даври дуюми он моҳҳои июл — август дар маркази вилоят доир хоҳад шуд.
Дар шаҳру ноҳияҳои вилояти Суғд дар ҳамаи шаклҳои хоҷагидорӣ саршумори моли майда 1 миллиону 177 ҳазор сарро ташкил дода, алҳол дар рамаҳои мешу бузҳои модарии хоҷагиҳои кишоварзӣ маъракаи наслгирӣ идома дорад.
6 апрел Раиси вилояти Суғд Раҷаббой Аҳмадзода дар шаҳри Хуҷанд бо сохтмони як қатор корхонаҳои саноатӣ шинос гардид.
