Шиносоӣ бо бунёди корхонаи нави металлургии корхонаи муштараки «Зарафшон»

Дар корхонаи муштараки «Зарафшон» бунёди корхонаи иловагии металлургӣ идома дорад, ки бо фаъол шудани он 200 нафар соҳиби ҷойи корӣ мегарданд. Дар ин бора зимни боздиди Раиси вилояти Суғд Раҷаббой Аҳмадзода аз корхонаи «Зарафшон» иттилоъ дода шуд.

Ёдовар бояд шуд, ки корхонаи муштараки «Зарафшон», воқеъ дар шаҳри Панҷакенти вилояти Суғд азимтарин корхонаи истеҳсолкунандаи маҳсулоти саноатӣ дар соҳаи саноати коркарди маъдани ҷумҳурӣ ба шумор меравад. Саҳми ин корхона дар маҷмӯи маҳсулоти саноатии ҷумҳурӣ назаррас буда, бо маблағгузории «Зарафшон» иншооти гуногуни иҷтимоӣ низ бунёд мегардад.

Шиносоӣ бо фаъолияти хоҷагиҳои деҳқонии Панҷакент

Раиси вилояти Суғд Раҷаббой Аҳмадзода зимни сафари корӣ ба шаҳри Панҷакент аз боғҳои хоҷагиҳои деҳқонии мавзеи Дашти Қозӣ боздид намуд.

Бояд гуфт, ки бо дастуру ҳидоятҳои Пешвои миллат муҳтарам Эмомалӣ Раҳмон ба ин мавзеъ хатти оби полезӣ кашида шуда, 200 гектар замини санглоху бекорхобида ба гардиши кишоварзӣ ворид карда шуд. Бо обёрии мавзеи Дашти Қозӣ тавассути пойгоҳи обкашӣ аз дарёи Зарафшон дар деҳоти Ёрии шаҳри Панҷакент масоҳати боғҳо ва заминҳои кишоварзӣ васеъ гардида, хоҷагидорон ба боғпарварӣ машғул ҳастанд.

Озмуни вилоятии «Ҳунарманди сол» доир мегардад

Бо мақсади эҳё ва рушди ҳунарҳои мардумӣ, инчунин ташвиқу тарғиби таҷрибаи пешрафтаи ҳунармандон моҳи сентябри соли 2022 озмуни вилоятии «Ҳунарманди сол» гузаронида мешавад.

Озмуни мазкур ҷиҳати таъмини иҷрои бандҳои дахлдори Нақшаи чорабиниҳо оид ба амалисозии «Барномаи рушди ҳунармандӣ дар Ҷумҳурии Тоҷикистон барои солҳои 2021 — 2025», ки бо қарори Ҳукумати Ҷумҳурии Тоҷикистон тасдиқ шудааст, гузаронида шуда, даври аввал дар шаҳру ноҳияҳо ва даври дуюм дар маркази вилоят доир хоҳад шуд. Иштирок дар озмун маҳдуд набуда, ташкилоту муассисаҳо ва шаҳрвандон метавонанд бо маҳсулоти худ иштирок намоянд.

Категорияҳои дигари ин бахш

Категорияҳои дигари ин бахш