Бо мақсади эҳё намудани бозиҳои миллии ниёгон ва ба истиқболи Иди Наврӯзи байналмиллалӣ 12 марти соли 2023 дар варзишгоҳи «Хуррамшаҳр» - и Донишгоҳи давлатии Хуҷанд бо номи академик Бобоҷон Ғафуров даври вилоятии озмуни «Бозиҳои миллӣ» ташкил ва баргузор карда шуд.
Лозим ба таъкид аст, ки дар даври вилоятии озмун хонандагони муассисаҳои таълимӣ аз 15 шаҳру ноҳияҳои вилоят, аз ҷумла шаҳрҳои Хуҷанд, Гулистон, Бӯстон, Истиқлол, Истаравшан, Исфара, Конибодом ва ноҳияҳои Бобоҷон Ғафуров, Деваштич, Шаҳристон, Зафаробод, Ашт, Мастчоҳ, Спитамен, Ҷаббор Расулов  иштирок намуданд.
Аз рӯи натиҷаҳои ҷамъбастгардида  ғолибон ва иштирокчиёни фаъол бо диплом, сипоснома ва туҳфаҳои хотиравӣ қадрдонӣ гардиданд.

Ғолибони озмун барои дарёфти Ҷоизаи журналистони вилояти Суғд ба номи Ҳоҷӣ Содиқ муайян гардиданд.

Озмун ба муносибати Рӯзи матбуоти тоҷик гузаронида шуда, тибқи қарори раёсати Созмони журналистони вилоят соли ҷорӣ Ҷоизаи журналистони вилояти ба номи Ҳоҷӣ Содиқро чаҳор нафар соҳиб шуданд.