Мақомоти иҷроияи ҳокимияти
давлатии вилояти Суғд
Имрӯз гуруҳи аввалини варзишгарон ҷиҳати иштирок дар қаҳрамонии ҷаҳон оид ба гӯштини камарбандӣ ба шаҳри Хуҷанд ташриф овард.
Варзишгарони Ҷумҳурии Муғулистонро дар Фурудгоҳи байналмилалии Хуҷанд масъулини Раёсати кор бо ҷавонон ва варзиш ва Федератсияи гӯштини камарбандии Ҷумҳурии Тоҷикистон истиқбол гирифтанд.
Ёдовар бояд шуд, ки қаҳрамонии ҷаҳон оид ба гӯштини камарбандӣ миёни наврасони 18-20 сола дар Қасри варзиши шаҳри Хуҷанд рӯзҳои 13 ва 14 октябр баргузор мешавад.
Ҳаҷми гардиши савдои хориҷии вилояти Суғд дар нуҳ моҳи соли 2023 ба 2 миллиарду 43,1 млн. доллари ИМА расонида шуда, ҳаҷми воридот 1 миллиарду 473,1 млн. доллар ва содирот 570 млн. долларро ташкил намудаст.
Дар 9 моҳи соли 2023 ҳамагӣ 195 ҳазору 927 тонна маъдан ва консентрат ба маблағи 289,7 млн. доллар, 413 ҳазору 948 тонна семент ба маблағи 13,15 млн. доллар ва 27 ҳазору 908 тонна нахи пахта ба маблағи 49,7 млн. доллари ИМА содирот шудааст.
Дар натиҷаи татбиқи ҳадафмандонаи саноатикунонии босуръати кишвар дар вилоят нишондиҳандаҳои истеҳсолии соҳаи саноати нассоҷӣ беҳтар гардидааст, ки зиёдшавии ҳаҷми содироти калобаи пахтагӣ ва либосворӣ аз он дарак медиҳад. Дар 9 моҳи соли ҷорӣ ба маблағи 8,4 млн. доллари ИМА 3 ҳазору 403 тонна калоба ва ба маблағи 18,7 млн. доллар 1 ҳазору 189 тонна либосворӣ ба бозори хориҷӣ бароварда шуда, афзоиш нисбат ба ҳамин давраи соли қаблӣ мутаносибан 6,8 млн. доллар ва 1,85 млн. долларро ташкил намудааст.
Дар нуҳ моҳи соли равон кишоварзони вилояти Суғд ба маблағи 12 миллиарду 686,4 млн. сомонӣ маҳсулоти кишоварзӣ истеҳсол карданд ва суръати афзоиш нисбати ҳамин давраи соли гузашта 115 фоиз таъмин гардид.
Соли ҷорӣ тибқи структураи кишти тасдиқгардида ва мақсаднок истифода бурдани захираҳои мавҷуда дар ҳамаи шаклҳои хоҷагидории вилоят дар майдони 280 ҳазору 318 гектар замин кишти зироатҳо гузаронида шуд.
Дар давраи ҳисоботӣ дар вилоят истеҳсоли сабзавот 527 ҳазору 554 тонна, аз ҷумла пиёз 181 ҳазору 496 тонна, картошка 417 ҳазору 282 тонна, полезӣ 213 ҳазору 696 тонна, мевагиҳо 199 ҳазору 806 тонна, аз ҷумла зардолу 157 ҳазору 186 тонна ба ҳисоб гирифта шуд.
