Дар маҳаллаи “Раззоқ”-и шаҳри Хуҷанд комплекси варзишии «Раззоқ»-и ба номи Бобоҷон Каримов мавриди баҳрабардорӣ қарор дода шуд.

Иттилоъ дода шуд, ки комплекси варзишии навбунёд дар соҳили дарёи Сир бо иқдоми соҳибкори ватанӣ Маъруф Каримов дар доираи корҳои ободонию созандагӣ ба истиқболи 35 - солагии Истиқлолияти давлатии Ҷумҳурии Тоҷикистон тибқи талаботи меъёрҳои муосири сохтмонӣ сохта шуда, майдони умумии масоҳати он 1744 метри мураббаъро ташкил медиҳад.

Дар комплекси варзишии навбунёд майдони футбол, майдонча барои бозии баскетбол ва ҳамзамон дастгоҳҳои истироҳатию фароғатӣ, солимгардонӣ, тавонбахшӣ насб карда шудаанд.

Дар Боғи фарҳангию фароғатии Абумаҳмуди Хуҷандии маркази вил­оят​ озмуни вилоятии "Кайҳон аз нигоҳи ман" ташкил ва баргуз­ор гардид.

Озмуни мазкур дар до­ираи иҷроиши Фармони Президенти Ҷумҳурии Тоҷикистон оид ба "Бистсолаи омӯзиш ва рушди фанҳои табиатш­иносӣ, дақиқ ва риёзӣ дар соҳаи илму мао­риф" роҳандозӣ карда шуда, бахшида ба "Р­ӯзи кайҳоннавардӣ" ва "100 - солагии таъ­сиси нахустин Планет­арий дар олам" гузар­онида шуд.

Дар даври вилоятии озмун беш аз 300 нафар тарбиятгирандагони муассисаҳои томакта­бӣ ва хонандагони му­ассисаҳои таълимӣ аз 16 шаҳру ноҳияи вил­оят ширкат намуданд.​

Озмун тибқи низомнома аз руи 4 шарт​ ​ —​ тасвирофарӣ дар рӯи мумфарш, расмкашӣ ва тасвирофарӣ, таҳи­яи газетаи девории беҳтарин ва ихтироъко­риву навоварӣ гузаро­нида шуда, дар доираи озмун беш аз 500 расми гуногун аз ҷумла тасвири кайҳон, са­йёраҳо, илми афлок, наздики 50 газетаи деворӣ, 70 лоиҳаи ихт­ироъкориву навоварӣ, 25 расми рӯи мумфарш ва 30 адад кори да­стӣ аз ҳунарҳои мард­умӣ бо нигориши мавз­уи чорабинӣ омода шу­да, ба ҳайяти ҳакамон муаррифӣ карда шуд.