Кишоварзони вилояти Суғд ба маблағи 16 миллиарду 944 миллион сомонӣ маҳсулот истеҳсол намуданд

Азназаргузаронӣ: 1444

Кишоварзони вилояти Суғд таъмини рушди соҳа  тадбирҳои судманд андешиданд.

Дар натиҷа ҳаҷми маҳсулоти умумии кишоварзӣ дар 11 моҳи соли ҷорӣ, дар ҳамаи шаклҳои хоҷагидории вилоят ба 16944,2 млн. сомонӣ расонида шуд, ки ба 115,0 фоизи нишондиҳандаи ҳамин давраи соли 2022 баробар мебошад.

Дар соҳаҳои растанипарварӣ ба маблағи 12439,6 млн. сомонӣ, чорводорӣ ба маблағи 4504,5 млн. сомонӣ ва моҳипарварӣ ба маблағи 17,4 млн. сомонӣ маҳсулот истеҳсол шуда, суръати афзоиш мутаносибан 116,1 фоиз, 112,0 ва 131,4 фоиз таъмин гардидааст.

Нақшаи даромадҳои буҷети давлатӣ 104,4 фоиз таъмин гардид

Азназаргузаронӣ: 1607

Дар вилояти Суғд нақшаи даромадҳои буҷети давлатӣ бе назардошти андози иҷтимоии ғайрибуҷетӣ дар 11 моҳи соли 2023 ба андозаи 104,4  фоиз таъмин гардида, ба буҷет 3879,3 млн. сомонӣ  ворид карда шуд, ки аз нақша 164,9 млн. сомонӣ зиёд аст.     

Дар 11 моҳи соли 2023 ба буҷети маҳаллии вилоят 2601,4 млн. сомонӣ маблағ ворид гардид ва барзиёдиҷрошавӣ 71,6 млн. сомониро ташкил дода, нақшаи қисми даромади буҷети маҳаллӣ  102,8 фоиз таъмин карда шуд.

Нақшаи қисми хароҷоти буҷети маҳаллӣ 2527,97 млн. сомонӣ пешбинӣ гардида, иҷрои он ба маблағи 2523,0 млн. сомонӣ таъмин карда шуд, ки баробари 99,8 фоизи нақша мебошад.    

Баробари ин, чун ҳарвақта афзалият ба соҳаҳои иҷтимоӣ дода шуда, ба соҳаҳои маориф 1228,8 млн. сомонӣ, тандурустӣ  590,5 млн. сомонӣ, ҳифзи иҷтимоии аҳолӣ  25,5 млн. сомонӣ,  фарҳангу варзиш 231,6 млн. сомонӣ, дар маҷмӯъ, 2076,4 млн. сомонӣ маблағҳои буҷетӣ равона гардид, ки 82,3 фоизи хароҷоти умумии буҷети маҳаллии вилоятро ташкил медиҳад.

Баргузории конференсияи илмӣ – назариявӣ бахшида ба 115 – солагии академик Бобоҷон Ғафуров дар Бӯстон

Азназаргузаронӣ: 1081

Бо ташаббуси мақомоти иҷроияи ҳокимияти давлатии шаҳри Бӯстон бо мақсади қадришносӣ аз заҳмату талошҳои пайгиронаи Қаҳрамони Тоҷикистон, академик Бобоҷон Ғафуров, ҷиҳати иҷрои амри Президенти Ҷумҳурии Тоҷикистон аз 3 январи соли 2023, №АП-318 ва амри раиси вилояти Суғд аз 17 январи соли 2023, №15 санаи 19-декабри соли ҷорӣ дар мактаби Президентӣ барои хонандагони болаёқат дар шаҳри Бӯстон бахшида ба 115 – солагии Қаҳрамони Тоҷикистон, академик Бобоҷон Ғафуров конференсияи илмӣ – назариявӣ таҳти унвони “Эҳтироми Бобоҷон Ғафуров – эҳтироми миллати тоҷик аст” баргузор гардид.

Қабл аз оғози конференсия иштирокдорон аз намоиши асарҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, асарҳои академик Бобоҷон Ғафуров ва дигар осори таърихӣ боздид ба амал оварданд.

Дар кори конференсия раиси шаҳри Бӯстон Нигорахон Ғаффорзода, мудири кафедраи муносибатҳои байналхалқии Донишгоҳи давлатии ҳуқуқ, бизнес ва сиёсати Тоҷикистон, доктори илмҳои таърих, профессор Ғаффорӣ Нўъмонҷон Усмонзода, директори Институти илмӣ - тадқиқотии илмҳои ҷомеашиносии Донишгоҳи давлатии Хуҷанд ба номи академик Бобоҷон Ғафуров, доктори илмҳои филологӣ, профессор Нуралӣ Нурзод, номзади илмҳои таърих, дотсентони Донишгоҳи давлатии Хуҷанд ба номи академик Бобоҷон Ғафуров Шавкат Шарифов ва Ҷўрабек Исомитдинов ва ректори Донишкадаи кӯҳию металлургии Тоҷикистон, профессор Маҳмадалӣ Бахтиёр Набӣ ширкат намуданд.

Мақолаҳои боқимонда...

Категорияҳои дигари ин бахш

Категорияҳои дигари ин бахш