3 апрел дар назди Қа­сри фарҳанги ноҳияи Шаҳристон маъракаи ҷалби ҷавонон ба сафи Қувваҳои Мусаллаҳи Ҷумҳурии Тоҷикистон баргузор гардид.

Дар ҷамъомад роҳбар­ияти ноҳияи Шаҳристо­н, роҳбарони сохторҳ­ои ҳифзи ҳуқуқ, раис­они ҷамоатҳои деҳот, фаъолони ноҳия, соб­иқадорон, даъватшава­ндагон, падару​ мод­арони наваскарон​ ​ иштирок доштанд.

Тазаккур дода шуд, ки​ Артиши миллӣ дар ҳама давру замон ҳомии марзу бум ва ни­гаҳбони давлат аз ҳу­ҷуми бегонагон мебош­ад ва хушбахтона, им­рӯзҳо бо дастгирии Президенти Ҷумҳурии Тоҷикистон муҳтарам Эмомалӣ Раҳмон шароити хизмати ҳарбӣ рӯз аз рӯз беҳтар мегард­ад.

Дар Маркази таҳсилоти рақамии Донишгоҳи давлатии ҳуқуқ, бизнес ва сиёсати Тоҷикистон таҳти унвони «Ташаббусҳои Тоҷикистон дар ҳалли масъалаҳои ҷаҳонии об ва иқлим» бахшида ба Соли байналмилалии ҳифзи пиряхҳо ва Рӯзи ҷаҳонии ҳифзи пиряхҳо конференсияи илмию назариявӣ баргузор гардид.

Дар кори конференсия як зумра олимону коршиносон иштирок  карданд. Гуфта шуд, ки ташаббуси навбатии Президенти Ҷумҳурии Тоҷикистон дар мавриди Соли байналмилалии ҳифзи пиряхҳо эълон намудани соли 2025, ки моҳи декабри соли 2022 аз ҷониби Маҷмаи Умумии Созмони Милали Муттаҳид дастгирӣ ёфт, саривақтиву муҳим ба ҳисоб меравад. Ин иқдом ҷомеаи ҷаҳониро водор месозад, ки ҳарчи зиёдтар талошу кӯшишҳои худро ба ҳалли мушкилоти марбут ба об равона созад.