МУРОҶИАТНОМАИ ҶСК «БАРҚИ ТОҶИК» БА МУШТАРИЁНИ НЕРУИ БАРҚ

Азназаргузаронӣ: 1237

Муроҷиатномаи Ҷамъияти саҳомии кушодаи «Барқи Тоҷик» ба муштариёни неруи барқ:

Муштариёни азиз!

Дар Ҷумҳурии Тоҷикистон об манбаи асосии истеҳсоли неруи барқ ба шумор рафта, зиёда аз 90 фоизи барқ дар неругоҳҳои барқи обӣ истеҳсол мегардад. Ҳамзамон  ҳаҷми истеҳсоли барқ ба оби дарёҳо алоқамандии зич дорад.

Ба ҳама маълум аст, ки бо фарорасии мавсими тирамоҳу зимистон бар асари сардиҳо камшавии маҷрои дарёҳо ва захираҳои об дар ҳавзаи ташаккулёбии дарёи Вахш, инчунин сол ба сол зиёд шудани талаботи соҳаҳои иҷтимоиву иқтисодии мамлакат ба неруи барқ боиси норасоии мавсимии неруи барқ мегардад. Чунин вазъият талаб менамояд, ки барои дар фасли зимистон бо барқ таъмин намудани аҳолӣ ва соҳаҳои иқтисоди миллӣ тадбирҳои иловагӣ андешида шаванд.

Муаррифии лоиҳа-пешниҳоди силсилаи биноҳои баландошёнаи истиқоматӣ дар Хуҷанд

Азназаргузаронӣ: 2102

Дар мақомоти иҷроияи ҳокимияти давлатии вилоят лоиҳа-пешниҳоди силсилаи биноҳои баландошёнаи истиқоматӣ дар шаҳри Хуҷанд муаррифӣ шуд.

Масъулини соҳаи сохтмон ва меъмории вилоят зимни муарифии лоиҳаи биноҳои баландошёнаи истиқоматӣ ба Раиси вилояти Суғд Раҷаббой Аҳмадзода маълумот доданд, ки ояндаи наздик дар кӯчаи Сирдарёи шаҳри Хуҷанд метавон силсилаи баландошёнаи истиқоматиро бунёд кард.

Дар биноҳои баландошёнаи истиқоматӣ, ки аз 18, 20 ва 22 ошёна иборат хоҳад шуд, имкони бунёди хона барои то 15 ҳазор нафар аҳолӣ мавҷуд аст. Тибқи лоиҳа сохтмони мактабу кӯдакистонҳо низ ба нақша гирифта шуда, дар биноҳои баландошёна ҷойгирсозии таваққуфгоҳҳои зеризаминӣ, марказҳои савдою хизматрасонӣ, толору майдончаҳои варзишӣ, майдончаҳо барои бозии кӯдакон дар назар дошта шудааст.

Дар муассисаи таҳсилоти миёнаи умумии рақами 7-и Истаравшан синфхонаҳои иловагӣ ба истифода дода шуд

Азназаргузаронӣ: 1129

28 сентябри соли ҷорӣ дар арафаи Рӯзи омӯзгорон дар деҳаи Қалъачаи калони шаҳри Истаравшан 4 синфхонаи иловагии муассисаи таҳсилоти миёнаи умумии №7 ба номи Мирзиё Ҳабибов ба истифода дода шуд.

Синфхонаҳои иловагӣ бо дастгирии мақомоти иҷроияи ҳокимияти давлатии шаҳр, сокинони деҳаи Қалъачаи калон, дастгирии соҳибкорон ва кумитаи падарону модарон бо маблағи беш аз 180 ҳазор сомонӣ бунёд ёфта, дар ду баст метавонад 240 нафар хонандаро ба таълим фаро гирад.

Бояд қайд намуд, ки масоҳати умумии муассисаи таълимӣ 4 гектарро ташкил дода, аз 3 бино, 45 синфхонаи калону барҳаво иборат мебошад.

Мақолаҳои боқимонда...

Категорияҳои дигари ин бахш

Категорияҳои дигари ин бахш