Ҷомеаи меҳнатии Донишгоҳи давлатии ҳуқуқ, бизнес ва сиёсати Тоҷикистон бо риояи анъанаҳои миллӣ Иди байналмилалии Наврӯзро ҷашн гирифт.

чорабинии тантанавӣ доир гардид. 

Дар чорабинӣ аз ҷониби факултетҳои донишгоҳ хаймаҳои наврӯзӣ ороста шуда, дар он хӯрокаву хуришҳои хоси ин ҷашни қадимаи мардуми тоҷик ба намоиш гузошта шуд. 

Тавре таъкид гардид, Наврӯз яке аз бузургтарин ҷашнҳои миллию фарҳангии мардуми тоҷик маҳсуб ёфта, дар даврони соҳибистиқлолии Тоҷикистон ҳамчун мероси фарҳанги миллӣ ва оини муқаддаси ниёгон мазмуну шукӯҳи тоза пайдо кард. Ин аст, ки ҷашни Наврӯз ҳамасола дар сарзамини биҳиштосои мо дар фазои мубораки истиқлолу ваҳдати миллӣ бо самимияти хоса ва шукргузории том таҷлил мегардад. 

Ҷиҳати дар амал татбиқ намудани дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки аз Паёми навбатиашон сарчашма мегиранд, имрӯзҳо дар тамоми муассисаҳои таълимии ноҳияи Мастчоҳ вохӯрии сохторҳои дахлдори мақомоти иҷроияи ҳокимияти давлатии ноҳия гузаронида шуда истодааст.

Аз ҷумла, дар муассисаҳои таълимии №21 ва №32-и Ҷамоати деҳоти Навбаҳори ноҳияи Мастчоҳ вохӯрии гурӯҳи корӣ баргузор гардид.

Дар мулоқот ҳамчунин падару модарон, раисони маҳалла, муҳассилин ва омӯзгорону маъмурияти муассисаҳои таълимӣ иштирок намуданд.